Malaki 3:4 - Bibliya Yera 1951 1967 (Burundi)

⁴ Ni ho amashikanwa y’i Buyuda n’i Yerusalemu azohimbara Uhoraho, nk’uko vyamuhimbara mu misi ya kera no mu myaka yahise.

Malaki 3:4 ပူးပေါင်းရင်းမြစ်များ

1 Ivyo ku Ngoma 15:26

Maze babonye kw Imana ifashije Abalewi bareruye iyo sandugu y’isezerano ryayo, ari we Uhoraho, batanga amamasa ndwi n’amasuguru y’intama ndwi kw ibimazi.

1 Ivyo ku Ngoma 21:26

Maze Dawidi ahubakira Uhoraho igicaniro, ahosereza ibimazi, atanga n’ ibimazi vy’ishimwe, yambaza Uhoraho; Uhoraho amwishurisha kurekura umuriro, utibukira kur’ ico gicaniro yosherejekw ibimazi.

2 Ivyo ku Ngoma 1:6

Nuko Salomo aradūga aja kur’ ico gicaniro c’umuringa imbere y’Uhoraho, kiri kur’ iryo hema ry’ibonaniro, acoserezakw ibimazi igihumbi.

Zaburi 51:17

Ibimazi Imana ishikanirwa n’umutima umenetse; Umutima umenetse, ujanjaguwe, Mana, ntuzowukēngēra.

Zaburi 51:19

Ni ho uzonezerwa n’ibimazi bitunganye, ni vyo bimazi vyoshejwe, n’ibimazi vyoshejwe bidasonōye; Ni ho bazoshikanira amamasa ku gicaniro cawe.

Yesaya 56:7

abo na bo nzobashikana ku musozi wanje wera, mbanezereze mu ngoro yanje yo gusengeramwo; ibimazi vyabo vyo kwoswa n’ivyo gukererwa bizokwemerwa ku gicaniro canje: kukw ingoro yanje izokwitwa inzu yo gusengerwamwo n’amahanga yose.

Zekariya 8:3

Uku ni k’Uhoraho agize, ati Ngarutse i Siyoni, ngerēre hagati y’i Yerusalemu; kandi Yerusalemu hazokwitwa Umurwa w’Umwizigirwa; kand’ umusozi w’Uhoraho Nyen’ ingabo uzokwitwa Umusozi wera.