Malaki 3:16 - Bibliya Yera 1951 1967 (Burundi)

¹⁶ Nukw abubaha Uhoraho baragānīra; Uhoraho atega amatwi arumviriza; maz’ igitabo candikirwa imbere yiwe c’icibutso c’abubaha Uhoraho bakiyumvira izina ryiwe.

Malaki 3:16 ပူးပေါင်းရင်းမြစ်များ

Itanguriro 22:12

Aramubarira, ati Ntukoze ukuboko kur’ uwo muhungu, ntugire ico umugira: kuko noneho mmenye ko wubaha Imana, kuk’ utanyimye umwana wawe, kand’ ar’ ikinege.

2 Samweli 7:1

Nuk’ umwami amaze kwinjira ingoro yiwe, Uhoraho amuhaye impore hagati y’abansi biwe bose bamukikije,

1 Abami 18:12

Ariko ni namara gutandukana nawe, Mpwemu w’Uhoraho ahava akujana ahandi ntazi; nuko ni naja kubibgira Ahabu, akaza ntakubone, aranyica. Yamara jewe umusavyi wawe nahereye mu buto bganje nubaha Uhoraho.

1 Abami 18:3

kandi Ahabu yari yahamagaye Obadiya umubgiriza wiwe. Kandi Obadiya uwo yama yubaha Uhoraho cane;

2 Ivyo ku Ngoma 6:7

Kandi data Dawidi yari yaragabiye mu mutima wiwe kuzokwubakira ingoro izina ry’Uhoraho Imana y’Abisirayeli.

Nehemiya 1:11

Bgirukiro, ndakwinginze, tega ugutwi wumve ugusenga kwanje, jewe umusavyi wawe, wumve n’ugusenga kw’ abasavyi bawe bakunda kwubaha izina ryawe, untabare jewe umusavyi wawe, umpe kugira amahirwe uyu musi, no guhangazwa n’uwo muntu nsavye. Kuko nari nsanzwe nd’ umukevyi mpereza umwami igiturire.

Esiteri 2:23

Ivyo babisuzumye, basanze ari ko biri, abo bompi babamanika ku giti; maz’ ivyo vyandikirwa imbere y’umwami mu gitabo kidonda ibigenda biba ku ngoma yiwe.

Esiteri 6:1

Iryo joro nyene umwami abura itiro; aca avuga ko bazana igitabo kidonda ibigenda biba ku ngoma yiwe, nuko bagisomera umwami.

Yobu 28:28

Maz’ ibgira abantu, Iti Rāba kwubaha Uhoraho ni bgo bgenge, Kandi kuva mu vyaha ni kwo gutahura.

Zaburi 10:4

Umunyakibi kubg’ ubgibone bgiwe aravuga, at’ Eka ntazohōra. Ivyiyumviro vyiwe vyose bihūrira mur’ iri jambo, ngo Nta Mana iriho.

Zaburi 104:33

Nzokwama ndirimbira Uhoraho nkiriho, Nzokwama ndirimbira Imana yanje ishimwe ngihumeka.

Zaburi 111:10

Kwubaha Uhoraho n’itanguriro ry’ubgenge, Abakora ivyo bafise ubgenge bushitse: Ishimwe ryiwe ryamah’ ibihe bidashira.

Zaburi 115:13

Azoha umugisha abubaha Uhoraho, Aboroshe n’abahambaye.

Zaburi 119:63

Ngendana n’abakwubaha bose, N’abitondera amateka washinze.

Zaburi 139:4

Kukw ata jambo riza mu rurimi rwanje Wewe Uhoraho utararimenya rwose.

Zaburi 147:11

Uhoraho anezererwa abamwubaha, Anezererwa abitega imbabazi ziwe.

Zaburi 16:3

Abera bo mw isi Ni bo ntōre nnezererwa bonyene.

Zaburi 20:7

Bamwe bizigira imikogote, abandi bizigira amafarasi, Ariko tweho tuzokwizigira izina ry’Uhoraho, Imana yacu.

Zaburi 33:18

Eh’ ijisho ry’Uhoraho riri ku bamwubaha, Riri ku bīteze imbabazi ziwe:

Zaburi 34:15

Inyonga z’Uhoraho ziri ku bagororotsi, N’amatwi yiwe ayabangira ugutakamba kwabo.

Zaburi 56:8

Uharūra iminihiro yanje: Ushire amosozi yanje mw icupa ryawe; Mbega ntiyanditswe mu gitabo cawe?

Zaburi 56:9

Maz’ abansi banje bazosubizwa inyuma ku musi nzotakambako: Ivyo ndabizi, kukw Imana iri mu ruhande rwanje.

Zaburi 66:16

Yemwe abubaha Imana mwese, ni muze mwumve, Nanje mvuge ivyo yagiriye ubugingo bganje.

Zaburi 94:19

Iy’ amazinda abaye isinzi muri jewe Ivyo umpumuriza binezereza ubugingo bganje.

Kuvayo 32:32

Es’ icompa ukabaharira icaha cabo! Na ho bidashobotse, jewe upfume usibanganya izina ryanje mu gitabo cawe wanditse.

Imigani 13:20

Gendana n’abanyabgenge, nawe uzogira ubgenge, Arik’ ūcudika n’ibipfu azokomereka.

Yesaya 26:3

Uzozigama amahoro masa umuntu akwegamikako umutima wiwe, kukw akwizigiye.

Yesaya 26:8

Mbere mu nzira y’imanza zawe ziroranye, Uhoraho, ni ho twamye tukwitegeye; izina ryawe n’ukuba rurangiranwa kwawe ni vyo imitima yacu ihahamiye.

Yesaya 4:3

Maz’ ūzoba asigaye i Siyoni, n’ūzoba asigaye i Yerusalemu, umuntu wese yanditswe mu bakiriho b’i Yerusalemu, azokwitwa uwera,

Yesaya 50:10

Ni nde muri mwebge yubaha Uhoraho, akumvira ijwi ry’umushumba wiwe? Ūgendera mu mwiza, adafise umuco, ni yizigire izina ry’Uhoraho, kandi yisunge Imana yiwe.

Yesaya 65:6

Eh’ ivyo biranditswe imbere yanje, sinzohora, ariko nzobibasubizako, mbere nzobasubiriza mu nkōko.

Yeremiya 31:18

N’ukuri numvise Efurayimu yiganyira, ati Warankubise, ndakubitika, mmera nk’inyana itamenyereye ingōgo: mpindukiza mbone guhindukira, kuko wewe ur’ Uhoraho Imana yanje.

Yeremiya 8:6

Narateze ugutwi ndumviriza, ariko nta ho bavuga ukuri: nta muntu yihannye ibibi vyiwe, ngo yibaze, ati Mbeg’ ico nakoze n’igiki? Umuntu wese apfa guhuruduka, akajana inzira yiwe, ameze nk’ifarasi igenda akabushungwe yirukira mu ntambara.

EZEKIYELI 9:4

Nuk’ Uhoraho aramubgira, ati Genda unyuragire hagati mu gisagara, muri Yerusalemu, ushire ikimenyetso mu ruhanga rw’abantu banihishwa n’ ibizira vyose bikorerwa hagati muri co, bikabariza.

Daniyeli 12:1

Maz’ ico gihe Mikayeli azohaguruka, ni we mugabisha ahagarikiye ubgoko bganyu; kandi hazoba igihe c’umubabaro utigeze kubaho, uhereye igihe amahanga yabereyeho, ukageza ico gihe. Arikw ico gihe umuntu wese wo mu bgoko bganyu azoboneka ko yanditswe mu gitabo azorokoka.

Daniyeli 7:10

Uruzi rw’ umuriro rwiburuka ruva imbere yiwe; ibihumbi n’ibihumbi baramukorera, kand’ amasinzi n’amasinzi bari bahagaze imbere yiwe. Imanza zirashingwa, ibitabo birazingururwa.

Malaki 3:5

Kandi nzobēgēra nce amateka; nzokwihutira kwagiriza abarozi, n’abasambanyi, n’abarahira ibinyoma, n’ abagunga umucangero ingero yiwe, n’abanyikiza umupfakazi n’impfuvyi, bakagirira nabi inyambukīra, nanje ntibanyubahe, ni k’Uhoraho Nyen’ ingabo agize.

Malaki 4:2

Ariko mweho abubaha izina ryanje izuba ry’ubugororotsi rizobarasira, rifise ugukiza mu mababa yaryo. Maze muzosohoka mukina amatavu nk’inyana zivuye mu ruhongore.

Luka 2:38

Ako kanya aca araza, ashima Imana, avuga ivya Yesu, abibgira abāri barorereye ugucungurwa kw’i Yerusalemu bose.

Ivyakozwe 1:13

Bashitseyo, barūrira baja mu nzu yo hejuru, aho bāri basembereye, ari Petero, na Yohana, na Yakobo, na Andereya, na Filipo, na Toma, na Barutolomayo, na Matayo, na Yakobo mwene Alufayo, na Simoni Zelote, na Yuda mwene Yakobo.

Ivyakozwe 10:2

Yar’ umuntu yubaha Imana akayitinyana n’abo mu nzu yiwe bose, yagirira abantu ubuntu bginshi, agasenga Imana ubudasība.

Ivyakozwe 2:1

Umusi wa Pentekote ushitse, bose bāri bakoraniye ahantu hamwe;

Ivyakozwe 9:31

Nukw ishengero ryose ryari hose i Yudaya n’i Galilaya n’i Samariya rigira amahoro, rirahangama: kandi rigenda ryubaha Umwami Yesu, rihagarikiwe na Mpwemu Yera, riragwira.

Abanyefeso 5:19

Mubgirane zaburi n’indirimbo n’amatazirano y’ivya Mpwemu, muririmba, mucurarangira Umwami wacu mu mitima yanyu;

1 Tesalonike 5:11

Nuko muhanūrane, mukomezanye, nk’uko mubikora nyene.

1 Tesalonike 5:14

Kandi turabahanūra, bene Data, muhubūre abasaragurika, muremeshe abarandutse imitima, muramire abanyantege nke, mwihanganire bose.

Abaheburayo 10:24

kandi twiyumviraneko, kugira ngo turwane ishaka ryo gukundana n’iry’ ibikorwa vyiza,

Abaheburayo 12:15

mwizigame, ntihagire umuntu adashikīra ubuntu bg’Imana, kandi ntihagire umuzi wo kurura umera, ukabahagarika imitima, abenshi bakāndura,

Abaheburayo 3:13

Ariko muhanūrane uko bukeye bicitwa uyu musi, ntihagire uwo muri mwebge akomantazwa umutima n’uruhendo rw’icaha.

Ivyahishuwe 15:4

Ni nde atazogutinya ga Mwami, cank’ atazohimbaza izina ryawe? Kukw ari wewe wenyene wera, amahanga yose azoza akwikubite imbere, agusenge, kukw amateka yawe agororotse aseruwe.

Ivyahishuwe 20:12

Mbona abapfuye, abahambaye n’aboroshe, bahagaze imbere y’iyo ntebe; ibitabo birazingururwa. Kand’ ikindi gitabo kirazingururwa, ni co gitabo c’ubugingo. Abapfuye bacirwa imanza z’ivyanditswe mur’ ivyo bitabo, zikwiranye n’ivyo bakoze.