Malaki 2:7 - Bibliya Yera 1951 1967 (Burundi)

⁷ Kukw akanwa k’umuherezi gakwiye kuzigama ubgenge, kandi mu kanwa kiwe ni ho bakwiye kubariza ivyagezwe: kukw ari we ntumwa y’ Uhoraho Nyen’ ingabo.

Malaki 2:7 ပူးပေါင်းရင်းမြစ်များ

2 Abami 16:11

Nuko Uriya yubaka igicaniro nk’ico, nk’ukw icitegererezo cari kimeze kwose, ico umwami Ahazi yamurungikiye ar’ i Damasiko; uko ni ko Uriya umuherezi yacubatse, kugira ng’ umwami Ahazi, ni yaza avuye i Damasiko, az’ asange cuzuye.

2 Abami 16:16

Uko ni ko Uriya umuherezi yagenza nk’uk’ umwami Ahazi yamubariye kwose.

2 Ivyo ku Ngoma 30:22

Hezekiya aremēsha imitima y’Abalewi bose bāgira umwete wo gukorera Uhoraho. Nukw abantu bamara iyo misi ndwi barya ivy’ iyo misi mikuru, batanga ibimazi vy’ishimwe, bakengurukira Uhoraho Imana ya ba sekuruza.

2 Ivyo ku Ngoma 31:4

Kand’ agera kw abantu bose baba i Yerusalemu batanga ivyashinzwe guhabga abaherezi n’Abalewi, kugira ngo babone kwitwaririka ivyagezwe vy’Uhoraho.

Ezira 7:10

kuko Ezira yari yarīnāmūye mu mutima kwitwaririka ivyagezwe vy’Uhoraho ngw abishitse, kandi ngo yigishe mu Bisirayeli amabgirizwa n’amatēka.

Ezira 7:25

Kandi nawe Ezira, nk’uk’ ubgenge bg’ Imana buri muri wewe, uz’ utore abashingantahe n’abacamanza bo gucīra imanza abantu bose bo hakurya y’uruzi, abazi ivyagezwe vy’Imana yawe bose; n’ūtabizi muze muhore mubimwigisha.

Imigani 5:2

Kugira ng’ ugumye amakenga, N’iminwa yawe izigame ukumenya.

Umusiguzi 5:5

Wopfuma utagira ico usezerana, hak’ usezerana ntushitse.

Yesaya 42:19

Ni nde mpumyi atar’ umushumba wanje, canke gipfamatwi nk’intumwa yanje ntuma? Ni nde mpumyi nk’ umugendanyi wanje, kand’ ahumye nk’umushumba wanje, jewe Uhoraho?

Yesaya 44:26

Nkomeza ijambo ry’umusavyi wanje, ngashitsa inama z’intumwa zanje, mvuga ivya Yerusalemu, nti Hazokwongera gutūrika; n’ivy’ ibisagara vy’i Buyuda, nti Bizokwubakwa, kandi nzovyutsa ahāsenyutse haho.

Yeremiya 15:19

None rero, uku ni k’Uhoraho agize, ati Ni wahindukira nzokugarukana, ubone guhagarara imbere yanje; kandi ni warobanura ivy’ ingirakimazi ukabikūra mu vy’imburakimazi, uzoba nk’akanwa kanje: abandi baze baguhindukirire, ariko weho ntuz’ ubahindukirire.

Yeremiya 18:18

Maze baravuga, bat’ Enda ni muze, duhigire imihigo Yeremiya; kukw ahar’ umuherezi hatobura n’ivyagezwe, kand’ ahar’ umunyabgenge ntihobura n’inama, kand’ ahar’ ūvugishwa n’ Imana ntihobura ijambo ryayo. Enda ni muze, tumukubitishe intega y’ururimi, ntidushire umutima ku magambo yiwe, mwo na rimwe.

Yeremiya 2:8

Abaherezi ntibārushe bībaza, bat’ Uhoraho ari hehe? N’abafise ibango ry’ivyagezwe ntibāmmenye; abaragiye igihugu bārancumuyeko, kand’ abo nari kuvugisha basigaye bavugishwa na Bayali, bakurikira ibitagira ikimazi.

EZEKIYELI 22:26

Abaherezi baho bishe ivyagezwe vyanje ku manyama, bazirūye ivyera vyanje: ntibashize itandukaniro hagati y’ivyera n’ibitar’ ivyera, canke ngo bamenyeshe abantu uko bakwiye gutandukanya ibihumanye n’ibidahumanye, kandi n’amasabato yanje barayirengagije; nuko nsigaye nkēngēretse muri bo.

EZEKIYELI 7:26

Ivyago bizogerekerana n’ibindi, n’impuha zigerekerane n’izindi; bazoja kuronderera k’ūvugishwa n’Imana ko yoba har’ ico yeretswe; kukw ivyagezwe bizobura ku muherezi, n’inama zibure ku bo hambere.

Daniyeli 11:33

Kand’ abari n’ubgenge bo mu bantu bazokwigisha benshi; ariko bazokwicwa n’inkota n’umuriro no gushumikwa no kuba inyagano kumara igihe.

Hoseya 4:6

Abantu banje baranduwe no kutagira ubgenge: wewe ko wataye ubgenge, nuko nanje nzoguta, ntuzoba ukiba umuherezi wanje; ko wibagiye ivyagezwe vyanje, Imana yawe, nanje nzokwibagira abana bawe.

Abalewi 10:11

kandi kugira ngo mwigishe Abisirayeli ivyagezwe vyose narungikanye Mose.

Zefaniya 3:4

Abavugishwa bawo n’ibihuruduka kandi n’abaryarukanyi; abaherezi bawo bahumanije ahēra, kandi bishe ivyagezwe ku manyama.

Hagayi 1:13

Maze Hagayi, intumwa y’Uhoraho, abgira abantu ubutumwa batumweko n’Uhoraho, at’ Uhoraho agize ngw Ari kumwe namwe.

Zekariya 7:3

kandi ngo babonane n’abaherezi bo mu ngoro y’Uhoraho Nyen’ ingabo n’abavugishwa n’Imana, bababaze, bati Mbega dukwiye kwama turira mu kwezi kwa gatanu, twigungiye ukwacu, nk’uko twabigenza mur’ iyo myaka yose ukw ingana?

Malaki 3:1

Umve ngira ntume integuza yanje, indoranirize inzira imbere yanje: kand’ Umwami murondera azoshika giturumbuka mu rusengero rwiwe, ari we ntumwa y’isezerano munezererwa, eh’ araje, ni k’Uhoraho Nyen’ ingabo agize.

Guharūra 27:21

Kand’ az’ ahore ahagarara imbere ya Eleyazari umuherezi, amutume kuza imbere yanje kumbaza, apfindishije Urimu; ijambo rya Eleyazari rize ribe ari ryo ribaturutsa, ribacūre, Yosuwa n’Abisirayeli bose, mbere n’ishengero ryose.

Yohana 13:20

N’ukuri, n’ukuri ndababgire: Uwākīra uwo nzotuma azoba anyakiriye, kand’ ūnyakīra aba yākiriye uwantumye.

Yohana 20:21

Yesu yongera kubabgira, at’ Amahoro abe muri mwebge. Nk’uko Data yantumye ni ko nanje mbatumye.

Ivyakozwe 16:17

Uyo aradukurikira twebge na Paulo, asemerera, at’ Aba bantu n’abasavyi b’Imana isumba vyose, kandi bababarira inzira y’agakiza.

2 Korinto 5:20

Ni co gituma tur’ intumwa mu gishingo ca Kristo, Imana isa n’ībingingira muri twebge. Turabinginga mu gishingo ca Kristo, mwuzure n’Imana.

Galatiya 4:14

kand’ ivyābagerageza kubg’ umubiri wanje ntimwabitītūye, ntimwāciriye inyeri, ariko mwānyakiriye nk’umumarayika w’Imana, canke nka Kristo Yesu.

Gusubira mu Vyagezwe 21:5

Maz’ abaherezi bo mu ruvyaro rwa Lewi bīgire hafi, kukw abo ari bo Uhoraho Imana yanyu yatoranije ngo bamuhereze, ngo bahezagire n’abantu mw izina ryiwe, kandi ni bo basanzwe baca imanza zose z’imiburano n’iz’ inguma.

Gusubira mu Vyagezwe 24:8

Muze mwitwaririke ivy’ indwara y’imibembe, kugira ngo mugire umwete wo kwitondera no gushitsa ivyo abaherezi ari bo Balewi bazobigisha vyose; nk’ukw abo nabibageze, az’ abe ari ko namwe muvyitondera, mubishitse.

1 Tesalonike 4:8

Ni co gituma ūvyanka ataba yanse umuntu arikw aba yanse Imana, kand’ ari yo ibaha Mpwemu wayo Yera.

1 Samweli 2:17

Uko ni kw icaha c’abo basore cabaye igikomeye imbere y’Uhoraho, kuko bākēngēra ikimazi ciwe.