Malaki 2:2 - Bibliya Yera 1951 1967 (Burundi)

² Ni mwanka kwumva, mukanka kurishirak’ umutima, ntimuheshe izina ryanje icubahiro, ni k’Uhoraho Nyen’ ingabo agize, nzobavuma wa muvumo, n’imigisha yanyu nzoyivuma; mbere mmaze no kuyivuma, kuko mutarishizek’ umutima.

Malaki 2:2 ပူးပေါင်းရင်းမြစ်များ

Zaburi 69:22

Ameza yabo ahinduke ururiba imbere yabo: Bakiri mu mahoro, ahinduke umutego.

Imigani 3:33

Umuvumo w’Uhoraho uri mu nzu y’abanyavyaha, Arikw ahezagira ingo z’abagororotsi.

Yesaya 42:25

Ni co catumye aturekurirak’ uburake bgiwe bg’inkazi n’intambara zikomeye; bikaduturira impande zose, kandi ntitwabimenya, vyaraduturiye yamara ntitwabishirak’ umutima.

Yesaya 47:7

Urīyāga, uti Nzoba umugabekazi ibihe bidashira. Ivyo ntiwarushe ubishirak’ umutima, canke ngo wibuke iherezo ryavyo.

Yesaya 57:11

Mbeg’ uwo watinya ukamugirira ubgoba ni nde, bigatuma ubesha, ntunyibuke, ng’ ubishirek’ umutima? Mbega simmaze igihe kinini ncereje, si co catumye utanyubaha?

Yeremiya 34:17

Nuko rero, uku ni ko mvuze, jewe Uhoraho, nti Ntimwanyumviye, ngo mutange umwidegemvyo, ng’ umuntu wese arekure mwene wabo, umuntu wese arekure mugenzi we: nuko rero nanje ntanze umwidegemvyo kuri mwebge, ni jewe Uhoraho mbivuze, w’inkota n’ikīza n’inzara; kandi nzotuma mutererekanywa irya n’ino mu bihugu vy’ abami bose bo mw isi.

EZEKIYELI 3:7

Arikw inzu ya Isirayeli ntizokwumvira, kuko nanje banse kunyumvira: kukw ab’ inzu ya Isirayeli bose mu ruhanga rwabo ar’abanyakadāda, bikomantaje imitima.

Hagayi 1:6

Mubiba vyinshi, mukimbura bike; kurya murarya, ariko ntimushira inzara; kunywa muranywa, ariko ntimushira inyota; kwambara murambara, ariko ntimushira imbeho; kand’ ūca amahera ayacira mu mupfuko utobotse.

Hagayi 1:9

Mwaziga vyinshi, mugize murtya musanga ni bike; kandi n’iyo mubizanye i muhira ndabitūvya. Biva ku ki? ni k’ Uhoraho Nyen’ ingabo abajije. Biva ku ngoro yanje irekewe ngaho igihomvaguritse, namwe mweho umuntu wese agakobereza inzu yiwe ubgiwe.

Malaki 2:1

Nuko rero mwa baherezi mwe, iri bgirizwa ni mwebge ndaribgirije.

Malaki 3:9

Wa muvumo murawuvumwe: kukw ihanga ryose uko mungana mwangunze.

Luka 17:18

Nta bandi babonetse ngo bagaruke guhimbaza Imana, atar’ uyu munyamahanga?

Yosuwa 7:19

Maze Yosuwa abarira Akani, ati Mwana wanje, enda ni wubahe Uhoraho Imana y’Abisirayeli, uyishire hejuru; mbarira ico wakoze, ntumpishe.

1 Petero 4:11

Umuntu iy’ avuze, avuge nk’ūbivugishijwe n’Imana: umuntu iy’ agabuye, agabure nk’ūfise ubushobozi Imana itanga; kugira ngw Imana iterwe icubahiro muri vyose, kubga Yesu Kristo, afise icubahiro n’ububasha ibihe bitazoshira. Amen.

Ivyahishuwe 14:7

Avuga n’ijwi rirenga, ati Mwubahe Imana, muyihimbaze, kukw igihe c’amateka yayo gishitse, musenge iyaremye ijuru n’isi n’ikiyaga n’amasōko y’amazi.

Ivyahishuwe 16:9

Abantu bababurwa n’indugumba nyinshi, barogota kw izina ry’Imana igaba ivyo vyago, ntibihana ngo bayihimbaze.