Malaki 1:3 - Bibliya Yera 1951 1967 (Burundi)

³ Esau na we naramwanse, mpindura imisozi yiwe amatongo, ishamvu yiwe ndayiha imbgebge zo mu bugaragwa.

Malaki 1:3 ပူးပေါင်းရင်းမြစ်များ

Itanguriro 25:23

Uhoraho aramwishura, at’ Inda yawe irimw’ amahanga abiri, Amoko abiri azokwitandukanya uhereye bakiva mu bura bgawe: Ubgoko bumwe buzorusha ubundi inkomezi, Kandi Bukuru azoshumbira Butoyi.

Yesaya 35:7

Kand’ umusenyi uhiye uburimbi uzohinduka ibidengeri, n’ahagataye hazocika amasōko: mu bgishinzo bg’imbgebge, aho zāgandagaza, hazemera ivyatsi n’amarenga n’ imibere.

Yeremiya 49:10

Ni ko nanje Esau namusize amēnya, natwikuruye ahinyegeje hiwe ngo ntāshobore kwinyegeza: uruvyaro rwiwe n’abo bavukana n’ababanyi biwe barageseye, na we ubgiwe ntakiriho.

Yeremiya 49:20

Nuko rero ni mwumve inama Uhoraho yarunduye kuri Edomu, n’imigabo yagabiye y’ivyo azogirira ababa i Temani: ati N’ukuri bazobakwega nk’imyagazi yo mu mukuku; n’ukuri azobagesezanya n’aho baba.

Yeremiya 49:33

Kand’ i Hazori hazoba i wabo w’imbgebge, n’ibitongozi vy’ibihe bidashira: nta muntu azobayo, cank’ umwana w’umuntu azoba akihaba.

Yeremiya 49:7

Ku vya Edomu. Uku ni k’ Uhoraho Nyen’ ingabo agize, ati Mbeg’ ubgenge nta bukiriho i Temani? Mbeg’ inama yabuze mu bahanga? Mbeg’ ubgenge bgabo bgakamanganye?

Yeremiya 49:8

Muhunge, musubire inyuma, muje kuba ahigobetse, yemwe ababa i Dedani; kuko nzoshitsa ivyago kuri Esau, mu gihe nzomūzira.

Yeremiya 51:37

Kand’ i Babuloni hazocika ibirundo vy’amasakamburira, n’i wabo w’imbgebge, n’akajoreza, n’ico kuvuzwakw agahwa, ata wukihaba.

Yeremiya 9:11

Kand’ i Yerusalemu nzohahindura ibirundo vy’amasakamburira, n’i wabo w’imbgebge; kandi n’ibisagara vy’i Buyuda nzobihindura amatongo, ata wukihaba.

GUCURA INTIMBA 4:22

Igihano c’ukugabitanya kwawe kirarangiye, weho mukobga, Siyoni we; Ntazokwongera kukujana kure ur’ inyagano: Ariko wewe mukobga, Edomu we, azoguhanira ibigabitanyo vyawe; Azogaragaza ivyaha vyawe.

EZEKIYELI 36:7

ni co gitumye mbimanikiye ukuboko nkarahira, ni jewe Umwami Uhoraho mbivuze, nti N’ukuri, ayo mahanga nyene abakikije, na yo azomāramāzwa.

EZEKIYELI 36:9

Ehe mpagaze mu ruhande rwanyu, ngira mbahindukirire, kandi muzorimwa mubibgeko.

Yoweli 3:19

Egiputa hazocika amatongo, na Edomu hazohinduka ubugaragwa bg’uruharabuga, bazize inabi bagiriye Abayuda, kuko mu bihugu vyabo bahavishirije amaraso y’abatācumuye.

Obadiya 1:10

Kubg’ inabi wagiriye mwene nyoko Yakobo uzomāramāra, uzorandurwa uheneberezwe.

Luka 14:26

at’ Umuntu ni yaza kuri jewe, ntiyanke se, na nyina, n’umugore wiwe, n’abana biwe, na bene nyina, na bashiki biwe, mbere n’amagara yiwe na yo, ntashobora kuba umwigishwa wanje.