Luka 9:56 - Bibliya Yera 1951 1967 (Burundi)

⁵⁶ Nuko baja mu yindi mihana.

Bibiliya mu Kirundi coroshe

⁵⁶ Nuko baca baja mu yindi mihana.

Luka 9:56 ပူးပေါင်းရင်းမြစ်များ

Matayo 18:10

Mwirinde ntimukēngēre n’umwe mur’ aba bana bato: ndababgira yuko mw ijuru abamarayika babo bama barāba mu nyonga ha Data wo mw ijuru. [

Matayo 18:11

Kand’ Umwana w’umuntu yaje gukiza icari cazimiye.]

Matayo 20:28

nk’uk’ Umwana w’umuntu atāzanywe no gukorerwa, atar’ ugukorera abandi, no gutanga ubugingo bgiwe kw incungu ya benshi.

Matayo 5:39

ariko jeho ndababgire: Ntimurwanye umunyakibi: ūgukubise urushi mu musaya w’i buryo umuhindukirize n’uwundi;

Luka 19:10

Kand’ Umwana w’umuntu yazanywe no kurondera no gukiza icari cazimiye.

Luka 22:51

Yesu arababarira, ati Geza aho. Akora ku gutwi kwiwe, aramukiza.

Luka 23:34

Yesu aravuga, ati Data, n’ubaharire, kuko batazi ico bakora. Bagabura impuzu ziwe, barazipfindira.

Luka 9:55

Maz’ arahindukira, arabakankamira, at’ Erega ntimuzi umutima wanyu uk’ usa; kuk’ Umwana w’umuntu ataje guhonnya ubugingo bg’abantu, ariko yaje kubukiza.

Luka 9:57

Bariko baragenda mu nzira, umuntu aramubgira, ati Ndagukurikira ah’ uja hose.

Yohana 10:10

Igisuma ntikizanwa n’ikindi, atar’ ukwiba, n’ukwica, n’ugutikiza; nanje jeho nazanywe no kugira ngo zironke ubugingo, kandi ngo ziburonke busāgutse.

Yohana 12:47

Ariko ni hagira uwumva amajambo yanje, ntayazigame, si jewe ndamucirakw iteka; kuko ntāzanywe no gucirakw iteka isi, ariko nazanywe no gukiza isi.

Yohana 3:17

Kukw Imana itātumye Umwana wayo gucira abari mw isi urubanza, ariko ngw abari mw isi bakizwe na we.

Abaroma 12:21

Ikibi coye kukunesha, yamara ikibi ukinesheshe iciza.

1 Timoteyo 1:15

Iri jambo n’iryo kwizerwa, rikwiye kwemerwa rwose, yuko Kristo Yesu yazanywe mw isi no gukiza abanyavyaha: muri bo jewe nd’agahebuza.