Luka 9:41 - Bibliya Yera 1951 1967 (Burundi)

⁴¹ Yesu arishura, ati Yemwe ab’iki gihe mutizera b’ibidambidambi, nzogeza ryari kubana namwe no kubihanganira? Zana hano umwana wawe.

Bibiliya mu Kirundi coroshe

⁴¹ Yesu aravuga ati: “Yemwe bantu b’iki gihe mutizera kandi mwononekaye mu mitima, nzobana namwe gushika ryari ndabihanganira? Zana uwo muhungu wawe hano.”

Luka 9:41 ပူးပေါင်းရင်းမြစ်များ

2 Abami 5:8

Maze Elisa wa muntu w’Imana yumvise k’umwami w’Abisirayeli yitantamuriyekw impuzu ziwe, amutumako, uti N’iki gitumye witantamurirakw impuzu zawe? N’aze i wanje, aramenya yuko mu Bisirayeli harih’ ūvugishwa n’ Imana.

Zaburi 78:8

Boye kuba nka ba sekuruza, Rwa runganwe rw’ibigāba kandi rw’abagarariji, Urunganwe rw’abatitunganiriza imitima, Imitima yabo itayoboka Imana.

Kuvayo 10:3

Mose na Aroni baja kwa Farawo, baramubgira, bat’ Uku ni k’ Uhoraho, Imana y’Abaheburayo, agize, ng’ Uzogeza ryari kwanka kwicisha bugufi imbere yiwe? Ngo Reka abantu biwe, bagende bamusabe.

Kuvayo 16:28

Uhoraho abaza Mose, ati Muzogeza hehe kwanka kwitondera ivyagezwe vyanje n’amabgirizwa yanje?

Yeremiya 4:14

Ewe Yerusalemu, ni wuhagire umutima wawe ivyaha, kugira ng’ ukizwe. Uzogeza ryari kwama usembereza ivyiyumviro vyawe bibi mu mutima?

Guharūra 14:11

Uhoraho abarira Mose, at’ Aba bantu bazogeza hehe kunkēngēra? Bazogeza hehe kutanyizera, naho nakoreye ibitangaza bingaho hagati muri bo?

Guharūra 14:27

ati Nzogeza hehe kwihanganira iri shengero rimeze nabi, rihora riranyidodombera? Numvise imyidodombo y’Abisirayeli banyidodombera.

Matayo 11:28

Ni muze kuri jewe mwese abananiwe n’abaremerewe, ndabaruhura;

Matayo 12:39

Arabishura, at’ Ab’ urunganwe rubi rw’ubumaka barondera ikimenyetso; kandi nta kimenyetso bazohabga, atar’ ikimenyetso c’uwavugishwa n’Imana Yona.

Matayo 12:45

Igaca igenda, ikazana izindi mpwemu ndwi ziyirusha ububi, zikinjira, zikahaba. Ivya nyuma vy’uwo muntu bikarusha ivya mbere ububi. Ni ko bizoba no ku b’iki gihe kibi.

Matayo 16:4

Ab’ igihe kibi c’ubumaka barondera ikimenyetso, kandi nta kimenyetso bazohabga, atar’ ikimenyetso ca Yona. Abasigaho, arīgīra.

Matayo 17:17

Yesu arishura, ati Yemwe ab’ iki gihe mutizera b’ibidambidambi, nzogeza ryari kubana namwe; nzogeza ryari kubihanganira? Ni mumunzanire hano.

Matayo 23:36

Ndababgire ukuri: Ivyo vyose bizoshika ku b’iki gihe.

Matayo 3:7

Abonye benshi bo mu Bafarisayo no mu Basadukayo bazanywe no kugira ngw ababatize, arababaza, ati Mwa bana b’inzoka mwe, ni nde yababūriye ngo muhunge uburake buzoza?

Mariko 10:14

Maze Yesu abibonye, araraka, arababarira, ati Ni mureke abana bato baze aho ndi, ntimubabuze: kuk’ ubgami bg’Imana ar’ ubg’ abameze bartyo.

Mariko 10:49

Yesu arahagarara, arababarira, ati Ni mumuhamagare. Bahamagara iyo mpumyi, barayibgira, bati Hūmura, va hasi, araguhamagaye.

Mariko 9:19

Arabishura, ati Yemwe ab’iki gihe mutizera, nzogeza ryari kubana namwe? Nzogeza ryari kubihanganira? Ni mumunzanire.

Luka 8:25

Arababaza, ati Mbeg’ ukwizera kwanyu kuri hehe? Baratinya baratangara, barabazanya, bati Mbeg’ uyu n’umuntu ki, kw abarira n’umuyaga n’amazi bikamwumvira?

Luka 9:40

Nanje ninginze abigishwa bawe kuyisenda, irabananira.

Luka 9:42

Arikw araza, dayimoni amutūra hasi, aramujegeza cane; Yesu akankamira iyo mpwemu ihumanye, akiza uwo muhungu, amusubiza se.

Yohana 14:9

Yesu aramubaza, ati Mbega ko nabanye namwe igihe kingana girtyo, nturakaruha ummenya ga Filipo? Ūbonye jewe aba abonye Data: non’ uvuga ute ngo Twereke So?

Yohana 20:27

Maz’ abgira Toma, ati Zana hano urutoke rwawe, urābe ibiganza vyanje; zana n’urushi, urushire mu rubavu rwanje, nta co uba ūtizera, arik’ ube uwizeye.

Ivyakozwe 13:18

Yihanganira ingeso zabo nk’imyaka mirongwine mu bugaragwa.

Ivyakozwe 2:40

Kand’ ashingisha intahe ayandi majambo menshi, arabahanūra, ati Ni mwikize ab’ iki gihe kigoramye.

Abaroma 2:4

Cank’ ukēngēra itunga ryo kugira neza kwayo n’iry’ imbabazi zayo n’iry’ ukwihangana kwayo? Ntuzi yuko kugira neza kw’Imana kugushikana ku kwihana?

Gusubira mu Vyagezwe 32:5

Barayihemukiye, ntibakir’ abana bayo, ariko vyabateye agasembga: N’ab’ urunganwe rw’ibidambidambi bagoramye.

Abaheburayo 3:19

Kandi tubona ko batāshoboye kubushikamwo, kuko batizeye.

Abaheburayo 4:11

Nuko tugire umwete wo gushika mur’ ubgo buruhukiro, hoye kugira umuntu agwa, akurikiye icitegererezo ca ba bandi co kutumvira Imana.

Abaheburayo 4:2

Kuko natwe twabgiwe ubutumwa bgiza nka bo, ariko, ijambo bumvise ntiryābagiriye ikimazi, kuko ritāvanzwe n’ukwizera mu mitima y’abāryumvise.

Abaheburayo 7:25

Ni co gituma ashobora gukiza rwose abashikīra Imana kubgiwe, kuko na ntaryo yamaho ngw abasabire.