Luka 8:6 - Bibliya Yera 1951 1967 (Burundi)

⁶ Izindi zigwa ku rutare, zihejeje kumera zirūma, kuko zibuze ahabomvye.

Bibiliya mu Kirundi coroshe

⁶ Izindi zigwa ku rutare; zimeze zica ziruma kuko hatari habomvye.

Luka 8:6 ပူးပေါင်းရင်းမြစ်များ

Yeremiya 5:3

Mbeg’ Uhoraho, inyonga zawe ntizitegereza ivy’ ukuri? Warabakubise, ntibābibabara; warabatūbije, banka guhaha: bākomantaje mu maso habo gusumvya ibuye; banse kugaruka.

EZEKIYELI 11:19

Nanje nzobaha umutima umwe, mbashiremw’ impwemu nsha; nzokūra umutima ukomeye nk’ibuye mu mibiri yabo, mbahe umutima woroshe nk’inyama;

EZEKIYELI 36:26

Kandi nzobaha umutima musha, mbashiremw’ impwemu nsha; nzokūra umutima ukomeye nk’ibuye mu mibiri yanyu, mbahe umutima woroshe nk’ inyama.

Amosi 6:12

Mbeg’ amafarasi yokwiruka ku rutare? Canke har’ uwoharimisha inka? Ariko mweho imanza ziroranye mwāzihinduye ibamba, n’imbuto z’ukugororoka mwāzihinduye umururazi,

Luka 8:13

Abo ku rutare n’aba: iyo bumvise iryo jambo, baryākīrana umunezero, ariko ntibagira imizi, bizera akanya gato, maze mu gihe c’igeragezwa bakarireka.

Luka 8:5

at’ Umubivyi yasohoye imbuto ziwe; akibiba, zimwe zigwa i ruhande y’inzira, barazikandagira, inyoni zo mu kirēre zirazinobagura.

Luka 8:7

Izindi zigwa mu mahwa hagati, amahwa amerana na zo, arazinyoha.

Abaheburayo 3:15

bikivugwa, ng’ Uyu musi aho mwumvira ijwi ryayo, Ntimukomantaze imitima yanyu, nk’uko mwayikomantaje mu gihe co kuratsa.