Luka 8:54 - Bibliya Yera 1951 1967 (Burundi)

⁵⁴ Amufata ukuboko, avuga n’ijwi rirenga, ati Mukobga, vyuka.

Bibiliya mu Kirundi coroshe

⁵⁴ Yesu aca afata ukuboko kwa wa mukobwa, amubwira ati: “Mwana wanje, vyuka!”

Luka 8:54 ပူးပေါင်းရင်းမြစ်များ

Yeremiya 31:32

ridahwanye n’isezerano nasezeranye na ba sekuruza, ku musi nabafata ukuboko nkabakūra mu gihugu ca Egiputa; kand’ iryo sezerano nyene bāraryishe, naho nari shebuja, ni jewe Uhoraho mbivuze.

Matayo 9:25

Abantu bamaze guhindirwa hanze, arinjira, amufata ukuboko, umukobga aravyuka.

Mariko 1:31

Araza, amufata ukuboko, aramuvyutsa, umururumbo urazima, arabazimana.

Mariko 8:23

Afata iyo mpumyi ukuboko, ayikūra mu mihana, acira amate mu maso yayo, ayirambikakw ibiganza, arayibaza, ati Har’ ico ubona?

Mariko 9:27

Yesu amufata ukuboko, aramuvyura, arahagarara.

Luka 8:51

Ashitse ku nzu, ntiyagira uwundi muntu akundira kwinjirana na we, atari Petero na Yohana na Yakobo, na se wa nya mukobga na nyina.

Luka 8:53

Baramutwenga bamushinyagurira, kuko bari bazi ko yapfuye.

Luka 8:55

Ubugingo bgiwe buragaruka, aca ava hasi uwo mwanya; Yesu ababarira ngo bamugaburire.

Yohana 11:43

Amaze kuvuga ivyo, asemerera n’ijwi rirenga, ati Lazaro, ngwino, sohoka.

Yohana 5:21

Nk’uko Se azura abapfuye akabaha ubugingo, ni ko n’Umwana aha ubugingo abo agomba.

Ivyakozwe 9:40

Petero arabataramura bose, arapfukama, arasenga; maz’ ahindukirira umuvyimba, ati Tabita, vyuka. Arakanura; maz’ abonye Petero, aravyuka, aricara.

Abaroma 4:17

mu nyonga z’Iyo yizeye (nk’uko vyanditswe, ngo Nkugize sekuruza w’amahanga menshi) ni yo Mana, izura abāpfuye, kandi yita ibitariho nk’ibiriho.