Luka 7:14 - Bibliya Yera 1951 1967 (Burundi)

¹⁴ Yigira hafi y’ikigagara, agikorako, abahamvyi barahagarara. Aravuga, ati Muhungu, ndakubariye nti Vyuka.

Bibiliya mu Kirundi coroshe

¹⁴ Maze Yesu yegera isandugu yarimwo ikiziga, abari bayiteruye baca barahagarara. Hanyuma avuga ati: “Muhungu, ndakubwiye, haguruka!”

Luka 7:14 ပူးပေါင်းရင်းမြစ်များ

1 Abami 17:21

Maze yubarara kur’ uyo mwana ibihetangabo gatatu, atakambira Uhoraho, at’ Ewe Uhoraho Mana yanje, ndakwinginze, ubugingo bg’uyu mwana bumugarukemwo.

1 Abami 17:22

Nuk’ Uhoraho yumvira Eliya, ubugingo bg’uyo mwana bumugarukamwo, arahēmbūka.

Yobu 14:12

Ni k’umuntu aryama, ntasubire kuvyuka: Gushitsa ah’ ijuru rizoba ritakiriho, ntibazokwigera bikangura, Canke ngo bavyutswe bave mw itiro ryabo.

Yobu 14:14

Umuntu ni yapfa, mbeg’ azosubira kubaho? Nokwihanganiye imisi y’intambara yanje yose, Nkarorēra igihe canje co kurekurwa.

Zaburi 33:9

Kuko yavuze, bikaba, Yageze, bikaguma.

Yesaya 26:19

Abapfuye bawe bazoba bazima; imivyimba y’abantu bawe izozuka. Ni mwikangure, muririmbe, yemwe abaryamye mu mukungugu: kukw ikime cawe kimeze nk’igitonda ku vyatsi, kand’ ivu rizogarura abapfuye.

Mariko 5:41

afata ukuboko kw’ikiziga, arakibarira, ati Talisa kumi; bisobanurwa ngo Gakobga, ndakubariye, nti Vyuka.

Luka 7:13

Umwami Yesu amubonye amutera akagongwe, aramubarira, ati Nta co urira.

Luka 7:15

Uwari yapfuye aravyuka, aricara, atangura kuvuga; Yesu amuha nyina.

Luka 7:17

Iyo nkuru yiwe ikwira i Yudaya hose no mu gihugu cose gihereranye na ho.

Yohana 11:25

Yesu aramubgira, ati Ni jewe kuzuka n’ubugingo. Ūnyizera n’iyo yoba yarapfuye, azobaho;

Yohana 5:21

Nk’uko Se azura abapfuye akabaha ubugingo, ni ko n’Umwana aha ubugingo abo agomba.

Yohana 5:25

N’ukuri, n’ukuri ndababgire: Igihe kiza, kandi kirashitse, ah’ abapfuye bazokwumvira ijwi ry’Umwana w’Imana, kand’ abazoryumva bazoba bazima.

Abaroma 4:17

mu nyonga z’Iyo yizeye (nk’uko vyanditswe, ngo Nkugize sekuruza w’amahanga menshi) ni yo Mana, izura abāpfuye, kandi yita ibitariho nk’ibiriho.

Abanyefeso 5:12

kukw ibikorwa na bo mu mpisho biteye isoni no kubivuga.