Luka 22:40 - Bibliya Yera 1951 1967 (Burundi)

⁴⁰ Ashitse aho hantu, arababarira, ati Ni musenge, kugira ngo ntimuje mu mosha mabi.

Bibiliya mu Kirundi coroshe

⁴⁰ Bashitseho, Yesu arababwira ati: “Nimusenge kugira ngo ntimutsindwe n’amageragezwa.”

Luka 22:40 ပူးပေါင်းရင်းမြစ်များ

1 Ivyo ku Ngoma 4:10

Yabesi atakambira Imana y’Abisirayeli, at’ Icompa ukampa umugisha, ukūngura urubibe rwanje, ukuboko kwawe kukagenda kundamira, ukandinda ivyago, singorwe! Nukw Imana imuha ivyo yasavye.

Zaburi 119:133

Gumiriza intambuko zanje mw ijambo ryawe; Ntihagire ikigabitanyo na kimwe kinganza.

Zaburi 17:5

Intambuko zanje zishikamye mu nzira zawe, Ibirenge vyanje ntibinyerera.

Zaburi 19:13

Kandi wame uzigama umusavyi wawe sinze nkore ivyaha ibigirankana, Ntibize binganze: ni ho nzobona gutungana rwose, Sinzotsindwa n’urubanza rw’ icaha gikomeye.

Matayo 6:13

kandi ntutujane mu bitwosha nabi, arik’ udukize wa Mubi. [Kuk’ ubgami n’ubushobozi n’icubahiro ar’ ivyawe ibihe bidashira. Amen.]

Luka 11:4

uduharire ivyaha vyacu, kuko natwe duhebera abari n’imyenda yacu bose; kandi ntutujane mu bitwosha nabi.

Luka 22:46

Arababaza, ati N’iki gitumye musinzira? Ni muvyuke, musenge, ntimuje mu mosha mabi.

1 Petero 4:7

Arik’ umuhero wa vyose uri hafi: nuko ntimuhugumbe, mwirinde, kugira ngo mubone uko mushishikara gusenga.

Ivyahishuwe 3:10

Ko witondeye ijambo ryo kwihangana kwanje, nanje nzokurinda igihe co kugerageza, kigira kize mu bihugu vyose, kugerageza ababa mw isi.