Luka 18:3 - Bibliya Yera 1951 1967 (Burundi)

³ Mur’ ico gisagara hār’ umupfakazi, aza kuri we kenshi, aramubarira, ati Ncira urubanza runkiza umwansi wanje.

Bibiliya mu Kirundi coroshe

³ Kandi muri ico gisagara hari umugore yama aza kumwinginga ati: ‘Ncira urubanza runkiza uwundenganya.’

Luka 18:3 ပူးပေါင်းရင်းမြစ်များ

Yobu 22:9

Wirukanye abapfakazi bagenda imvumure, N’amaboko y’impfuvyi aravunagurwa.

Yobu 29:13

Umugorwa yarampezagira, Kandi nanezereza umutima w’umupfakazi.

Yesaya 1:17

mwige gukora neza; mushimikire imanza zibereye, mutabare abahahazwa, mucire urubanza impfuvyi, mubūranire abapfakazi.

Yeremiya 5:28

Bacitse ibisēme, barayagayaga; bakora ibibi vy’akarenzarugero: ntibabūrana impfuvyi mu manza ngo zibone kuroranirwa; kand’ urubanza rw’aboro ntibaruca.

Matayo 5:25

Wuzure vuba n’ūkurega mukiri mu nzira; ūkurega ntagushikirize umucamanza, umucamanza akaguha umusoda, ugashirwa mw ibohero.

Luka 18:2

arababgira, ati Mu gisagara habaye umucamanza, adatinya Imana, ntagire udusoni ku bantu.

Luka 18:4

Amara imisi atemera, ariko hanyuma aribgira, ati Naho ntatinya Imana, kandi singire isoni z’abantu,

Luka 18:5

ariko kuk’ uwo mupfakazi angoye, ndamucira urubanza rumukiza, ngo ntiyame aza imisi yose, akanzigiriza.

Gusubira mu Vyagezwe 27:19

Abalewi bat’ Azoba avumwe, ūgoreka urubanza rw’inyambukīra, canke rw’impfuvyi canke rw’umupfakazi. Abantu bose bitabirize, bati Amen.