Luka 17:14 - Bibliya Yera 1951 1967 (Burundi)

¹⁴ Ababonye arababgira, ati Ni mugende, mwiyereke abaherezi. Bariko baragenda barakira, barahumanuka.

Bibiliya mu Kirundi coroshe

¹⁴ Ababonye, arababwira ati: “Nimugende, mwiyereke abaherezi.” Bakiri mu nzira bagenda, baca barakira imibembe, barahumanuka.

Luka 17:14 ပူးပေါင်းရင်းမြစ်များ

2 Abami 5:14

Nukw aramanuka, yībira muri Yorodani ibihetangabo ndwi, nk’uk’ uwo muntu w’Imana yari yamubariye. Ako kanya umubiri wiwe uhinduka nk’uw’ umwana mutoya, arahumanuka.

Yesaya 65:24

Maze batarampamagara nzobitaba, kandi bakivuga nzokwumva.

Matayo 3:15

Yesu aramwishura, ati Bikunde: kukw ari vyo bidukwiye, ngo dushitse ukugororoka kwose. Bun’ aramukundira;

Luka 5:14

Aramwihanikiriza, ngo ntagire umuntu abibarira, at’ Ariko genda, wiyereke umuherezi, utange ivy’ uguhumanurwa kwawe, nk’uko Mose yabgirije, bibe ikimenyetso kibabere icabona.

Yohana 11:10

Arik’ ūgenda mw ijoro aratsitara, kuk’ umuco utari muri we.

Yohana 2:5

Nyina abgira abasuku, at’ Ic’ ababgira cose mugikore.

Yohana 9:7

aramubarira, ati Genda wiyuhagire mu kidengeri Silowamu; (Silowamu risobanurwa ngo Mutumwa). Nukw aragenda ariyuhagira, agaruka abona.