Luka 16:23 - Bibliya Yera 1951 1967 (Burundi)

²³ Ar’i kuzimu, ararangamiza, ababazwa cane, abona Aburahamu ari kure, na Lazaro ari mu gikiriza ciwe.

Bibiliya mu Kirundi coroshe

²³ Ariko arababarizwa i kuzimu, yunamura amaso abona Aburahamu ari kure cane, na Lazaro ari mu gikiriza ciwe.

Luka 16:23 ပူးပေါင်းရင်းမြစ်များ

Zaburi 16:10

Kuk’ utazoreka ubugingo bganje ngo buje i kuzimu, Kandi ntuzokundira Uwera wawe ngw az’ abore.

Zaburi 49:15

Arikw Imana yo izocungura ubugingo bganje, ibukūre mu kuboko kw’i kuzimu, Kukw ari yo izonyakīra. Sela.

Zaburi 86:13

Kukw imbabazi umfitiye ari nyinshi; Kandi wakijije ubugingo bganje ngo ntibuje i bgina i kuzimu.

Zaburi 9:17

Abanyakibi bazosubizwa i kuzimu, Mbere n’amahanga yose yibagira Imana.

Imigani 15:24

Ku munyabgenge inzira y’ ubugingo idūga irora hejuru, Kugira ngw atandukane n’i kuzimu i bgina.

Imigani 5:5

Ibirenge vyiwe bimanuka mu rupfu; Intambuko ziwe zimushikana i kuzimu;

Imigani 7:27

Inzu yiwe n’inzira ija i kuzimu, Imanuka irora i wabo w’urupfu.

Imigani 9:18

Ariko wa wundi ntaba azi kw imizimu ari ho iri, Kandi kw abatumire biwe baba i bgina i kuzimu.

Yesaya 14:15

Yamar’ uzomanurwa, ushike i kuzimu, ushike mu bgigobeko bga rwa rwobo.

Yesaya 14:9

Hasi i kuzimu harashwabadutse kugusanganira; hakanguye abāpfuye kubgawe, ni bo bahambaye bose bo mw isi; havyagurukije abami bose b’amahanga ku ntebe zabo.

Matayo 11:23

Nawe, Kaperinawumu, mbeg’ uzoshirwa hejuru ushike kw ijuru? Oya, uzocokezwa i kuzimu; kukw ibikomeye vyakorewe muri wewe, iyo biba vyarakorewe i Sodomu, haba hakiriho na bugingo n’ubu.

Matayo 18:9

Kand’ ijisho ryawe ni ryagutsitaza, urinogore urite kure; vyokubera vyiza kwinjira mu bugingo upfuye ijisho, hak’ utererwa muri Gehinomu y’umuriro ufise amaso yompi.

Matayo 23:33

Mwa nzoka mwe, mwa bana b’inzoka, muzohunga mute urubanza rwa Gehinomu?

Matayo 5:22

Ariko jeho ndababgira yuk’ umuntu wese azorakira mugenzi we azoba ashikiwe no gutsindwa n’urubanza; ūzotuka mugenzi we, ngo Wa kijuju we! azoba ashikiwe no gucirwakw iteka; ūzomutuka, ati Wa gipfu we! azoba ashikiwe no gutabga mu muriro wa Gehinomu.

Matayo 5:29

Ijisho ryawe ry’i buryo ni ryagutsitaza, urinogore, urite kure: vyokubera vyiza gupfa ijisho ryawe rimwe, hak’ umubiri wawe wose wotabga muri Gehinomu.

Matayo 8:29

Barasemerera, bati Duhuriye hehe ga Mwana w’Imana? Uje hano kutubabaza agashinyaguro igihe cacu kitarashika?

Luka 16:24

Aratabaza, ati Aburahamu muvyeyi, ngirira ikigongwe, rungika Lazaro, akoze isonga y’urutoke mu mazi, ampfuvye ururimi, kuko nsesererejwe mur’ uru rubeya.

Luka 16:28

kuko mfise bene mama batanu; ababgire uko bimeze, ngo na bo ntibaze baze hano hantu ho kubabarizwa.

Luka 8:28

Abonye Yesu arasemerera, amwikubita imbere, avuga n’ijwi rirenga, ati Duhūriye hehe ga Yesu, Mwana w’Imana isumba vyose? Ndakwinginze, ntumbabaze agashinyaguro.

1 Korinto 15:55

Wa rupfu we, intsinzi yawe iri hehe? Wa rupfu we, uruboyi rwawe ruri hehe?

2 Petero 2:4

Kuko, kw Imana itāgiriye ikigongwe abamarayika bākoze ivyaha, arikw ikabakororera i kuzimu, ikabashira mu vyobo vy’umwiza, ngo barindirwe kuzocirwakw iteka;

Ivyahishuwe 20:10

Kand’ Umurwanizi yabazimiza atererwa muri ca kiyaga caka umuriro n’amazuku, kirimwo na ca gikōko na wa muvugishwa w’ibinyoma, bazobabazwa ku murango no mw ijoro ibihe bitazoshira.