Luka 16:19 - Bibliya Yera 1951 1967 (Burundi)

¹⁹ Hābaye umuntu w’umutunzi yambara impuzu z’inyambarabami n’izera nziza, yama adibamye mu vyiza imisi yose.

Bibiliya mu Kirundi coroshe

¹⁹ Habaye umutunzi yama yambaye mpuzu nziza z’igiciro kinini, kandi mu buzima bwiwe bwa misi yose yibera mu misi mikuru.

Luka 16:19 ပူးပေါင်းရင်းမြစ်များ

EZEKIYELI 16:49

Rāba, ibi ni vyo bigabitanyo vya murumunawe Sodomu: kugira ubgibone, n’ukwibera mu gahimbo k’indya, n’ ugutsindaza ata co yinona; ivyo ni vyo vyari muri we no mu bakobga biwe; kandi ntiyatabaye impahazwa n’umukene.

EZEKIYELI 27:7

Igihuzu cawe c’ubgato gikozwe mu mpuzu zera derere zijererenze amabara zivuye muri Egiputa, kugira ngo kikubere ibendera; amasufe n’amashigisha vyavuye mu Banyelishahu baba ku kiyaga ni vyo vyakubereye icugamo.

Ivyahishuwe 18:16

bati N’ibara, n’ibara, ca gisagara gihambaye, cambaye impuzu zera nziza n’iz’ inyambarabami n’iz’ agahama, kandi cisakaye izahabu n’utubuyenge tw’ igiciro kinini n’imaragarita,

Ivyahishuwe 18:7

Nk’uko yihimbaza, akīgirira ibihinda, abe ari ko mumuha kubabazwa agashinyaguro no kuboroga. Kuko yibgira mu mutima, ngo Mvyagiye nd’umwamikazi, sind’ umupfakazi, sinzobona amaborogo n’akazirukanyo:

Ivyahishuwe 17:4

Uwo mugore yambaye impuzu y’inyambarabami n’iy’ agahama, yari yisakaye izahabu n’utubuyenge tw’igiciro kinini n’imaragarita, afise igikombe c’izahabu mu minwe cuzuye ibihumanya n’imyanda y’ubusambanyi bgiwe.

Luka 16:1

Maz’ abgira abigishwa biwe, ati Hābaye umuntu w’umutunzi yar’ afise umubgiriza wiwe, bamumuregako ko yaya ibintu vyiwe.

Mariko 15:17

Bamwambika impuzu y’ishigisha, batsiba igitsibo c’amahwa, bakimwambika mu mutwe;

EZEKIYELI 16:13

Uko ni ko wasakawe izahabu n’ifeza; kand’ imyambaro yawe yar’ impuzu zera derere n’amahariri, n’ izijererenze amabara; wama urya ivy’ ifu isētse neza, n’ubūki, n’ amavuta; kandi wari n’akaranga bihebuje, uraroranirwa ushitsa no ku kwamikara.

Esiteri 8:15

Maze Moridekayi arasohoka, ava imbere y’umwami, yambaye imyambaro y’ubgami y’amasufe n’iyera, n’igitsibo kinini c’izahabu, n’imvune yera nziza y’inyambarabami; nukw abo ku murwa i Shushani basemerera banezerewe.

Abacamanza 8:26

Kandi kuriba kw’izo mpeta z’izahabu kwari shekeli igihumbi n’amajana ndwi, udashizemw’ ibihete n’utugenegene n’impuzu z’inyambarabami, ivy’ abo bami b’i Midiyani bambara, udashizemwo n’imigufu yari ku mazosi y’ingamiya zabo.

Luka 15:13

Imisi mike ishize, umuhererezi akoranya ibintu vyiwe vyose, aragenda, aja mu kindi gihugu ca kure; ashitseyo yayisha ibintu vyiwe ubuhumbu.

Mariko 15:20

Bamaze kumucurīra, bamwambura ya mpuzu y’ishigisha, bamwambika iziwe mpuzu, bamurengana irembo bamushoreye kumubamba.

Imigani 31:22

Yijishira ivyo kuryamamwo, Yambara impuzu zera nziza n’iz’ amashigisha.

Luka 16:18

Umuntu wese yirukana umugore wiwe, akābīra uwundi, aba asambanye; kandi n’uwābīra umugore yahukanye n’umugabo wiwe aba asambanye.

Luka 16:20

Kandi hāriho n’umworo yitwa Lazaro, yatembagara kw irembo ryiwe yatonyanga ibisebe.

Imigani 14:24

Igitsibo c’abanyabgenge n’ ubutunzi bgabo, Arik’ ubupfu bg’ibipfu n’ ubupfu nyene.

Yesaya 3:23

n’ivyirore, n’imvune zera, n’ibitambara bīteze mu mutwe, n’ubuyonga.