Luka 15:25 - Bibliya Yera 1951 1967 (Burundi)

²⁵ Arik’ umwana wiwe w’imfura yari mu ndimiro; arikw araza, agira ashike ku nzu, yumva inanga n’imihamirizo.

Bibiliya mu Kirundi coroshe

²⁵ Igihe ivyo vyaba, umuhungu mukuru yari mu murima. Ariko arataha, yegereye i muhira, yumva abacuraranga n’abatamba.

Luka 15:25 ပူးပေါင်းရင်းမြစ်များ

Zaburi 150:4

Muyishimishe agashako k’ ingoma n’imvyino, Muyishimishe ibifise imirya n’imyironge;

Luka 7:32

Basa n’abana bicaye mu kaguriro bahamagarana, bati Twavugije imyironge, ntimwahamiriza; twakomye induru, ntimwarira.

Yeremiya 31:4

Nzosubira kukwubaka, nawe uzoba wubakitse, ewe nkumi, ni yo Bgisirayeli: uzosubira gushazisha udushako twawe tw’ingoma, usohoke uvyinane n’abanezerewe.

Umusiguzi 3:4

igihe co kurira n’igihe co gutwenga; igihe co kuboroga n’igihe co kuvyina;

Zaburi 149:3

Bashimire izina ryiwe mu mvyino: Bamuririmbire ishimwe batamba agashako k’ingoma, bavugira inanga.

Zaburi 126:1

Hamwe Uhoraho yagarukana ab’i Siyoni bāri bārambukanywe ar’ inyagano Twāri tumeze nk’abarota.

2 Samweli 6:14

Maze Dawidi yiyerekera imbere y’Uhoraho yiginagura; kandi yar’ akenyeye efodi yera derere.

Kuvayo 15:20

Kandi Miriyamu yavugishwa n’Imana, mushiki wa Aroni, ahitana agashāko k’ingoma; abagore bose barasohoka, baramukurikira bari n’udushāko tw’ingoma, bagenda baravyina;

Zaburi 30:11

Intimba yanje uyihinduye imvyino, Unkenyuruye amagunira yanje, unkenyeza umunezero,

Luka 15:24

kuk’ uyu mwana wanje yari yarapfuye, non’ arazutse; yari yarahavye, non’ arahabutse. Nuko batangura kunezerwa.

Luka 15:26

Ahamagara umwe mu bashumba, amubaza ibibaye ivy’ ari vyo.