Luka 14:13 - Bibliya Yera 1951 1967 (Burundi)

¹³ Ariko ni wagira amazimano, upfume utumira aboro n’ibirema n’abacumbagira n’impumyi: ni ho uzoba uhiriwe;

Bibiliya mu Kirundi coroshe

¹³ Ahubwo niwategura umusi mukuru, uze utumire abakene, ibimuga, abacumbagira n’impumyi.

Luka 14:13 ပူးပေါင်းရင်းမြစ်များ

2 Samweli 6:19

Maz’ agaburira abantu bose bo mur’ iryo shengero ryose ry’Abisirayeli, abagabo n’abagore, umwe‐umwe amuha umutsima n’inkekera y’inyama n’akarobe kabumbabumbge mu nzabibu zumye. Maz’ abantu bose barataha, umuntu wese asubira i we.

2 Ivyo ku Ngoma 30:24

Kuko Hezekiya umwami w’Abayuda yari yahaye iryo koraniro amamasa igihumbi n’intama ibihumbi ndwi vyo gutanga kw ibimazi, abaganwa na bo bariha amamasa igihumbi nyene, n’intama ibihumbi cumi; nukw abaherezi benshi bariyeza.

Nehemiya 8:10

Maze Nehemiya arababgira, ati Ni mutahe muje kurya inyama zinuze, munywe n’ibisosa, n’abatagira ico bafise mubarungikire, kuk’ uyu musi werejwe Uhoraho; ntimubabare, kuk’ umunezero w’Uhoraho ari zo nkomezi zanyu.

Nehemiya 8:12

Nukw abantu bose baraheza baja kurya no kunywa no kugemuranira no kunezeranwa akanyamuneza kenshi, kuko bari batahuye amajambo basobanuriwe.

Yobu 29:13

Umugorwa yarampezagira, Kandi nanezereza umutima w’umupfakazi.

Imigani 14:31

Ūnyikije umugorwa aba agaye Umuremyi wiwe, Arik’ ūgirira ikigongwe agakene, uwo we aba amwubashe.

Imigani 22:9

Ūrābana ijisho ry’irinyabuntu azohabga umugisha, Kukw aha umugorwa ku vyo kurya vyiwe.

Yesaya 58:10

ugahebera umushonji ivyo wari kurya, ugahāza impahazwa: umuco wawe uzorasira mu mwiza, kand’ umwiza wawe uzohinduka nko ku murango w’amashōka;

Yesaya 58:7

Mbega s’ugutanga ivyo kurya vyawe ukagaburira abashonje, ukazana aboro birukanywe ukabashira mu nzu yawe? Wabona ūgenda gusa ukamwambika, ntiwirengagize mwene wanyu?

Matayo 15:30

Abantu benshi baza kuri we bazanye abacumbagira n’ibimuga n’impumyi n’ibiragi, n’abandi benshi, babashira imbere y’ibirenge vyiwe, arabakiza.

Matayo 22:10

Abo bagendanyi baragenda baja mu nzira bakoranya abo babonye bose, ababi n’abeza; mu bukwe huzura ababutorewe.

Luka 11:41

Ariko mutange ibir’ imbere mu gikombe no mu nkōko mubitangishijwe n’ubuntu, kand’ umve, vyose bizobabera ibiziruwe.

Luka 14:12

Kand’ abgira uwamutumiye, ati Ni wagira amazimano ku murango canke mw ijoro, ntuz’ utumire abagenzi bawe cank’ abo muvukana cank’ incuti zawe cank’ ababanyi bawe b’abatunzi; kuko kumbure na bo bogutumira, bakakwishura.

Luka 14:14

kuko badafise ivyo kukwishura, arik’ uzokwishurwa mw izuka ry’abagororotsi.

Luka 14:21

Maze wa mushumba agarutse, abgira shebuja uko vyagenze. Nyen’ urugo araraka, abarira umushumba wiwe, ati Genda n’ingoga, uje mu nzira z’ibihamo no mu nzira nto‐nto zo mu gisagara, uzane hano aboro n’ibirema n’impumyi n’abacumbagira.

Ivyakozwe 9:39

Petero arikora, ajana na bo: ashitseyo bamujana muri ya nzu yo hejuru, abapfakazi bose bahagarara i ruhande yiwe barira, berekana amapfundo n’imitamana Doruka yapfunditse akiri muri bo.

Gusubira mu Vyagezwe 14:29

kugira ngw Abalewi, kuko badafise umugabane cank’ ishamvu muri mwebge, bo n’ inyambukīra, n’impfuvyi, n’abapfakazi, baba i wanyu, babone kuza, barye, bahāge; kugira ng’ Uhoraho Imana yanyu abahezagire mu bikorwa mukora vyose.

Gusubira mu Vyagezwe 16:11

muheze munezererwe imbere yiwe, Uhoraho Imana yanyu, ha hantu nyene azoba yātoranije ngw ahashire izina ryiwe ngo rihabe, munezeranwe n’ abahungu banyu n’abakobga banyu, n’abagurano banyu n’abaguranokazi banyu, n’Abalewi baba i wanyu, n’inyambukīra n’ impfuvyi n’abapfakazi baba muri mwebge.

Gusubira mu Vyagezwe 16:14

Kandi muze munezererwe iyo misi mikuru, mwe n’abahungu banyu n’abakobga banyu, n’abagurano banyu n’abaguranokazi banyu, n’ Abalewi, n’inyambukīra, n’impfuvyi n’abapfakazi bar’ i wanyu.

1 Timoteyo 3:2

Nuk’ umuzezwashengero akwiye kutabak’ umugayo, kand’ akwiye kuba umugabo afise umugore umwe gusa; abe ūtarenza urugero, adahugumba, aganza ingeso ziwe, akunda gutanga indāro, afise ubgenge bgo kwigisha,

1 Timoteyo 5:10

handikwe ūshimirwa ibikorwa vyiza, namba yararera abana, namba yaratanga indāro, yarōza ibirenge vy’abera, yarafasha abababaye, yarashishikara gukurikira ibikorwa vyiza vyose.

Tito 1:8

arikw abe ūkunda gutanga indāro, akunda ivyiza, adahugumba, agororoka, yera, yirinda,

Filemoni 1:7

Kuk’ urukundo rwawe rwanteye umunezero mwinshi rukandemesha, kand’ imitima y’abera warayiruhuye, mwene Data.

Abaheburayo 13:2

Ntimwibagire kugirira neza abashitsi: kuko bamwe bāgize bartyo bāhaye indāro abamarayika batabizi.