Luka 13:8 - Bibliya Yera 1951 1967 (Burundi)

⁸ Na we aramwishura, at’ Enda mugenzi, wureke uyu mwaka na wo, ndaworohereze, ndawutabirire:

Bibiliya mu Kirundi coroshe

⁸ Wa mukozi aramubarira ati: ‘Databuja, cihanganire uwundi mwaka, ndakibagarire nongere ndagitabire.

Luka 13:8 ပူးပေါင်းရင်းမြစ်များ

Zaburi 106:23

Bituma ivuga kw izobahonnya, Kand’ iba yarabahoneje, iyaba Mose uwatoranijwe na yo atāhagaze imbere yayo mu gihengeri, Kugira ngw asubize inyuma uburake bgayo, yoye kubahonnya.

Kuvayo 34:9

Aravuga, ati Mwami, namba ngiriwe ubuntu imbere yawe, none ndakwinginze Mwami, n’ugendere hagati muri twebge, nah’ ar’ ihanga ritagonda izosi; uharire ibigabitanyo vyacu n’ibicumuro vyacu, wemere kuduhindura ishamvu yawe.

Yeremiya 15:1

Maz’ Uhoraho arambarira, ati Naho Mose na Samweli bohagarara imbere yanje, umutima wanje ntiwohangaza ubu bgoko: bahinde, bave mu nyonga zanje, bagende.

Yeremiya 18:20

Mbeg’ iciza cokwishurwa ikibi? Ko banyimbiye icobo! Ibuka ingene nahagaze imbere yawe kugira ngo mbavugire neza, kugira ng’ uburake bgawe bubaveko!

Yoweli 2:17

Abaherezi, ari bo basuku b’ Uhoraho, ni baririre hagati y’ikirimba c’inyubakwa n’igicaniro, bavuge, bati Hangaza abantu bawe, ewe Uhoraho, ntutange ishamvu yawe ngw ibe agatukisha, cank’ amahanga ngw ayiganze; n’iki kibavugisha mu mahanga, ngw Imana yabo iri hehe?

Luka 13:7

Abgira umukozi w’uruzabibu, ati Rāba, none n’imyaka itatu nza kurondera insukoni kur’ uyu musukoni, sinzibone; uwuce: ugasarira iki aha hantu?

Luka 13:9

hanyuma ni wama insukoni bizoba ari vyiza; ariko n’utama, uzowuca.

Luka 14:35

Nta co umaze mu ndimiro canke mw icukiro: bapfa kuwuta. Ūri n’amatwi yumva ni yumve.

Abaroma 10:1

Bene Data, ivyohimbara umutima wanje n’ivyo nsengera Abisirayeli ku Mana, n’ukugira ngo bakizwe.

Abaroma 11:14

kugira ngo kumbure ntere ishari ab’i wacu, nkize bamwe muri bo.

2 Petero 3:9

Umwami Imana ntitebeje isezerano ryayo, uko bamwe biyumvira kw iritevya. Ariko yihanganira mwebge, ntigomba ko hagira abahona, arikw igomba ko bose bihana.