Luka 13:27 - Bibliya Yera 1951 1967 (Burundi)

²⁷ Azobabgira, ati Ndababgire, sinzi iyo muvuye; mviraho, mwa bakora ibizira mwese mwe.

Bibiliya mu Kirundi coroshe

²⁷ Ariko azobishura ati: ‘Sindabazi kandi sinzi n’iyo muva. Mviraho mwa nkozi z’ibibi mwe!’

Luka 13:27 ပူးပေါင်းရင်းမြစ်များ

Zaburi 1:6

Kuk’ Uhoraho azi inzira y’ abagororotsi, Arikw inzira y’abanyavyaha ijana mu mahonero.

Zaburi 101:8

Uko bukeye nzohonnya abanyakibi bose bo mu gihugu, Kugira ngo ndandure inkozi z’ibibi zose, ndazimare ku murwa w’Uhoraho.

Zaburi 119:115

Mva i ruhande, mwa nkozi z’ibibi mwe, Kugira ngo nitondere amabgirizwa y’Imana yanje.

Zaburi 125:5

Arikw abizimagiriza mu nzira zabo zigoramye, Uhoraho azobashorerana n’ inkozi z’ibibi. Amahoro abe mu Bisirayeli.

Zaburi 28:3

Ntunkwegane n’abanyakibi N’inkozi z’ibibi; Bavugana ivy’ amahoro na bagenzi babo, Ariko mu mitima yabo har’ imanga.

Zaburi 5:6

Uzohonnya abanyabinyoma: Uhoraho yanka urunuka umwicanyi n’ingunge.

Zaburi 6:8

Mva i ruhande, mwa bakora ibizira mwe, Kuk’ Uhoraho yumvise ijwi ry’amarira yanje.

Hoseya 9:12

Naho borera abana babo, nzobabahēkūra, ntihaze hagire umuntu asigara: mbere bazobona ibara igihe nzoba mbataye!

Matayo 25:12

Na we arabishura, ati Ndababgire ukuri: Simbazi.

Matayo 25:41

Maz’ azobgira n’abar’ i bumoso, ati Mva i ruhande, mwa bivume mwe, muje mu muriro utazima wateguriwe wa Murwanizi n’abamarayika biwe.

Luka 13:25

Nyen’ inzu ni yaheza guhaguruka, akugara urugi, mugatangura gukomanga muhagaze hanze, mukavuga, muti Mupfasoni, n’utwugururire: ni ho azobishura, ati Simbazi, sinzi n’iyo muvuye.

1 Korinto 8:3

Arik’ ūkunda Imana ni we amenywa na yo.

Galatiya 4:9

ariko none, ko mwamenye Imana, cane‐cane ko mwamenywe na yo, n’iki catumye musubira inyuma mugahindukirira ivya mbere vya goyi‐goyi, bitagira ikimazi, mukagomba kubijakarira ukundi gusha?

2 Timoteyo 2:19

Arikw itanguriro ry’Imana ryo kwubakako rirakomeye, ryanditswekw iki kimenyetso, ng’ Uhoraho arazi abiwe; kandi ng’ Umuntu wese avuga izina ry’Uhoraho ave mu kugabitanya.