Luka 12:24 - Bibliya Yera 1951 1967 (Burundi)

²⁴ Ni mwitegereze ibikōna, ingene bitabiba, ntibishwabure, ntibigire ububīko cank’ ikigega, kand’ Imana irabitunga: erega mwebge muruta ibisīga cane.

Bibiliya mu Kirundi coroshe

²⁴ Nimwitegereze ibikona: ntibibiba kandi ntivyimbura, ntibigira n’ububiko canke ibigega, ariko Imana irabigaburira. None mwebwe ntimuruta cane inyoni?

Luka 12:24 ပူးပေါင်းရင်းမြစ်များ

Matayo 10:31

Nuko ntimutinye: mwebge muruta utunyoni twinshi.

Zaburi 147:9

Igaburira ibitungano ivyo kurya vyavyo, N’ivyana vy’ibikōna vyayagura.

Luka 12:7

Ariko n’umushatsi wo ku mitwe yanyu wose waraharūwe. Ntimutinye; muruta utunyoni twinshi.

Yobu 38:41

Ni nde aronderera igikōna ivyo kurya, Igihe ivyana vyaco bitakambira Imana, Biyererezwa no kubura ico birya?

Yobu 35:11

Ikatwigisha gusumba ibikōko vyo mw isi, Ikaduha ubgenge gusumba ibiguruka mu kirēre?

Mariko 6:26

Umwami arababara cane, ariko kubga za ndahiro ziwe, no kubg’ abāsangira na we, bimunanira kuwumwima.

Matayo 3:12

Urutaro rwiwe ruri mu kuboko kwiwe, kand’ azokubūra imbuga yiwe neza, yimburire ingano ziwe mu kigega, maz’ umuguruka awuturire mu muriro utazima.

Matayo 6:26

Ni murābe ibiguruka vyo mu kirēre, ntibibiba, ntibishwabura, kandi ntivyimburira mu bigega, ariko So wo mw ijuru arabitunga; mbega mwebge ntimubiruta cane?

Luka 12:18

Ati Ndabigenza ntya: ndasambura ibigega vyanje, nubake ibindi binini‐binini, abe ari ho nimburira imirima yanje yose n’ibintu vyanje vyose.

Luka 12:23

Kukw amagara aruta ivyo kurya, n’umubiri uruta ivyambarwa.