Luka 11:31 - Bibliya Yera 1951 1967 (Burundi)

³¹ Umugabekazi w’igihugu c’i bumanuko azovana hasi n’abagabo b’iki gihe ku musi w’amateka, azobatsindisha; kuko yavanywe ku mpera y’isi no kwumva ubgenge bga Salomo; kandi rāba, ūruta Salomo ari hano.

Bibiliya mu Kirundi coroshe

³¹ Ku musi wo guca imanza, umwamikazi w’i Sheba azohaguruka yagirize abantu ba kino gihe kandi abatsindishe, kuko yahagurutse akava ku mpera z’isi aje kwumviriza amajambo y’ubwenge ya Salomo; ariko raba uwuruta Salomo ari hano.

Luka 11:31 ပူးပေါင်းရင်းမြစ်များ

2 Ivyo ku Ngoma 9:1

Umwami w’umugore yaganza i Sheba yumvise ingene Salomo yabaye rurangiranwa, aza azanywe no kumugerageresha ibibazo bigoye; nukw ashika i Yerusalemu agendaniwe n’abantu benshi b’isinzi, afise n’ingamiya zīremētse imibavu n’amazahabu y’itīti, n’utubuyenge tw’igiciro kinini; ashitse kwa Salomo amudondorera ivyari mu mutima wiwe vyose.

Yesaya 54:17

Nta co kurwanisha bācuriye kukurwanya kizogira ico kimara; kand’ ururimi rwose ruzoguhagurukira kukubūranya, uzorutsinda. Ivyo ni vyo mwandu w’abasavyi banje, jewe Uhoraho, kand’ ukwo ni kwo kugororoka kwabo kwanduruka kuri jewe; ni jewe Uhoraho mbivuze.

Yeremiya 3:11

Maz’ Uhoraho arambarira, ati Isirayeli Inamusubiranyuma yiyerekanye kw ar’ umunyakuri kuruta Yuda Inamuryarukanyi.

Matayo 12:42

Umugabekazi w’igihugu c’i bumanuko azovana hasi n’ab’ iki gihe ku musi w’amateka, abatsindishe: kuko yavanywe ku mpera y’isi no kwumva ubgenge bga Salomo; kandi rāba, ūruta Salomo ari hano.

Luka 3:22

Mpwemu Yera aramanuka amugwako, afise ishusho y’umubiri usa n’inuma; ijwi riva mw ijuru, riti Ni wewe Mwana wanje nkunda ukampimbara.

Luka 9:35

Ijwi riva muri nya gicu, riti Nguyu Umwana wanje natoranije, ni mumwumve.

Abaroma 2:27

Kand’ ūtākebge umubiri ni yitondera ivyagezwe, azogutsindisha, wewe ucumura ku vyagezwe, ufise inyuguti zavyo no gukebga.

Abaheburayo 11:7

Ukwizera ni kwo kwatumye Nowa yubaha, amaze kubūrirwa n’Imana ibitaribgaboneke, akabāza ubgato bgo kurokora abo mu nzu yiwe, kandi ni kwo kwamuhaye gutsindisha abari mw isi, no kuragwa ukugororoka kuzanwa n’ukwizera.