Luka 1:79 - Bibliya Yera 1951 1967 (Burundi)

⁷⁹ Ng’utambikire abicaye mu mwiza no mu gitūtu c’urupfu, Urōngōrere ibirenge vyacu mu nzira y’amahoro.

Bibiliya mu Kirundi coroshe

⁷⁹ kugira ngo uboneshereze abari mu mwijima n’abari mu gitutu c’urupfu, wongere urongorere intambuko zacu mu nzira y’amahoro.”

Luka 1:79 ပူးပေါင်းရင်းမြစ်များ

Yobu 10:22

Igihugu c’umwiza w’umuzitanya, nk’uk’ umuzimagiza nyene umeze, Ic’ igitūtu c’urupfu, ahatagira umutekano, Ah’ umuco umeze nk’umwiza.

Yobu 3:5

Umwiza n’igitūtu c’urupfu biwugire uwavyo, Igicu kiwubarareko: Ivyīrīsha ubgīrakabiri vyose biwutere ubgoba.

Zaburi 107:10

Abandi bicara mu mwiza no mu gitūtu c’urupfu, Baboheshejwe umubabaro n’ ivyuma;

Zaburi 107:14

Abakūra mu mwiza no mu gitūtu c’urupfu, Aca iminyororo yabo.

Zaburi 23:4

Mbere naho noca mu mwonga w’igitūtu c’urupfu Sinzogira ikibi ntinya; kuk’ uri kumwe nanje: Inyobozo yawe n’ubuhiri bgawe ni vyo bimpumuriza.

Zaburi 25:12

Umuntu yubaha Uhoraho ni nde? Azomurangira inzira akwiye guhitamwo.

Zaburi 44:19

Nawe ng’utuvunagurire ahantu h’imbgebge, Ukadutwikiriza igitūtu c’urupfu.

Imigani 3:17

Amayira yabgo n’amayira y’ igikundiro, Kand’ inzira zabgo zose n’iz’ amahoro.

Imigani 8:20

Ngendera mu mayira y’ubugororotsi, No hagati mu nzira z’imanza ziroranye:

Yesaya 42:16

Nzozana impumyi mu nzira zitazi, ndazirōngōre mu ndari zitari zizi, nzohindura umwiza ube umuco imbere yazo, n’ahagoramye nzohagorora. Ivyo nzobishitsa, sinzobaheba.

Yesaya 42:7

ng’ uhumūre impumyi, ng’ usohore imbohe mw ibohero, n’abicaye mu mwiza ngo bave mu nzu y’imbohe.

Yesaya 48:17

Uku ni k’Uhoraho Umucunguzi wawe, Uwera w’ Abisirayeli agize, ati Ni jewe Uhoraho Imana yawe, nkwigisha ibikugirira ikimazi, nkakurōngōra mu nzira ukwiye gucamwo.

Yesaya 48:22

Nta mahoro y’abanyavyaha, ni k’Uhoraho agize.

Yesaya 49:6

aravuga, ati Kuba umushumba wanje, ugashira hejuru imiryango ya Yakobo, ukagarukana abarokotse b’Abisirayeli, ivyo ntibihāgije: ariko kandi ndagushizeho ng’ ube umuco wākira amahanga, kugira ngo n’ abo ku mpera y’isi ubashikirize agakiza kanje.

Yesaya 49:9

Kand’ ubgire imbohe, uti Ni musohoke; n’ abari mu mwiza, uti Ni museruke ahabona. Bazogenda barisha umwagambo ku mayira, kand’ ahār’ uruharabuga hejuru ku misozi hazobabera ivyanya.

Yesaya 59:8

Inzira y’amahoro ntibayizi; mu ngendo zabo ntihabamw’ ibiroranye: bītoboreye inzira z’ibigoramange; ūzicamwo wese ntamenya amahoro.

Yesaya 9:2

Abantu bāgendera mu mwiza babonye umuco mwinshi, abāba mu gihugu c’igitūtu c’urupfu ni bo bākiwe n’umuco.

Yeremiya 2:6

Ko batārushe bībaza, bat’ Uhoraho ari hehe, yadukūye mu gihugu ca Egiputa, akaturōngōra mu bugaragwa, no mu gihugu c’ubgeranyange kirimw’ ivyobo, mu gihugu kigadutse c’igitūtu c’urupfu, mu gihugu kidacamw’ abantu, ata muntu n’umwe ahaba?

Yeremiya 6:16

Uku ni k’Uhoraho agize, ati Muhagarare mu mayira, mwitegereze, mubaze inzira za kera, inzira nziza iy’ ari yo, abe ari yo mujana, maze muzoronka uburuhukiro bg’imitima yanyu: ariko bo baravuga, bat’ Eka ntituyijana.

Matayo 4:16

Abantu bāri bicaye mu mwiza, Babonye umuco mwinshi, Kand’ abāri bicaye mu gihugu c’urupfu no mu gitutu carwo, Umuco urasiye kuri bo.

Luka 2:32

Kuba umuco wākira amahanga, No kuba ubgiza bg’abantu bawe b’Abisirayeli.

Yohana 1:9

Umuco w’ukuri, wākira umuntu wese, warik’ uraza mur’ iyi si.

Yohana 12:46

Naje mw isi nd’ umuco, kugira ng’ ūnyizera wese ntaz’ agume mu mwiza.

Yohana 8:12

Yesu yongera kubabgira, ati Jewe nd’ umuco w’isi, ūnkurikira nta ho azogenda mu mwiza, arikw azogira umuco w’ubugingo.

Yohana 9:5

Nkiri mw isi, nd’ umuco w’isi.

Ivyakozwe 10:36

Ijambo Imana yatumye ku Bisirayeli, ivugisha Yesu Kristo ubutumwa bgiza bg’amahoro, ni we Mwami wa bose;

Ivyakozwe 26:18

kubahumūra amaso kugira ngo bahindukire bave mu mwiza baje mu muco, bave no mu bubasha bga Satani baje ku Mana, bateko baharirwe ivyaha vyabo, baraganwe n’abejejwe n’ukunyizera.

Abaroma 3:17

Inzira y’amahoro ntibāyimenye;

Abanyefeso 5:8

kuko kera mwar’ umwiza, none mukaba mur’ umuco mu Mwami wacu: mugende nk’abana b’umuco,