Luka 1:41 - Bibliya Yera 1951 1967 (Burundi)

⁴¹ Maze Elisabeti yumvise indamukanyo ya Mariya, inda ikinagira muri we, Elisabeti yuzuzwa Mpwemu Yera,

Bibiliya mu Kirundi coroshe

⁴¹ Na we yumvise indamukanyo ya Mariya, umwana yari mu nda yiwe ariginagura. Elizabeti aca yuzuzwa Mpwemu Yera,

Luka 1:41 ပူးပေါင်းရင်းမြစ်များ

Itanguriro 25:22

Abana basitanira mu nda yiwe: maz’ aribaza, ati Ko bimeze birtya, igituma nkiriho n’iki? Aragenda aja kubisiguza Uhoraho.

Zaburi 22:10

Ni wewe nashiburiweko, uhereye aho navukiye; Ni wewe Mana yanje uhereye aho naviriye mu nda ya mama.

Luka 1:15

kukw azoba mukuru mu nyonga z’Umwami Imana; ntazonywa vino cank’ ikiboreza na kimwe; azokwuzuzwa Mpwemu Yera, ahereye ku kuva mu nda ya nyina,

Luka 1:40

yinjira mu nzu kwa Zakariya, aramukanya na Elisabeti.

Luka 1:42

avuga n’ijwi rirenga, ati Mu bagore urahiriwe, n’imbuto yo mu nda yawe irahiriwe.

Luka 1:44

Kukw ijwi ry’indamukanyo yawe ryinjiye mu matwi yanje, inda igakinagizwa muri jewe n’umunezero.

Luka 1:67

Se Zakariya yuzuzwa Mpwemu Yera, avugishwa n’Imana,

Luka 4:1

Yesu yuzuzwa Mpwemu Yera, ava kuri Yorodani, agendagendeshwa mu bugaragwa na Mpwemu, amaray’ imisi mirongwine,

Ivyakozwe 2:4

Bose buzuzwa Mpwemu Yera, batangura kuvuga izindi ndimi, uko Mpwemu abahaye kuzivuga.

Ivyakozwe 4:8

Nuko Petero, yuzuye Mpwemu Yera, arababarira, ati Yemwe bashingantahe b’abantu n’abakuru,

Ivyakozwe 6:3

Nuko, bene Data, ni murābe muri mwebge abantu ndwi bashimwa, buzuye Mpwemu Yera n’ubgenge, tubashire kur’ iki gikorwa.

Ivyakozwe 7:55

Ariko Stefano yuzuye Mpwemu Yera, ahanga amaso mw ijuru, abona ubgiza bg’Imana, na Yesu ahagaze i buryo bg’Imana:

Ivyakozwe 9:17

Ananiya aragenda, yinjira mu nzu, amurambikakw ibiganza, aramubgira, ati Sauli, mwene Data, Umwami arantumye, ni we Yesu yakubonekereye mu nzira wazananye, ng’uhumūke, wuzuzwe Mpwemu Yera.

Abanyefeso 5:18

Kandi ntimukaborerwe vino, irimw’ ubuhumbu; ariko mwuzure Mpwemu.

Ivyahishuwe 1:10

Ku musi w’Imana nari muri Mpwemu, numva inyuma yanje ijwi rirenga nk’iry’ inzamba,