Luka 1:15 - Bibliya Yera 1951 1967 (Burundi)

¹⁵ kukw azoba mukuru mu nyonga z’Umwami Imana; ntazonywa vino cank’ ikiboreza na kimwe; azokwuzuzwa Mpwemu Yera, ahereye ku kuva mu nda ya nyina,

Bibiliya mu Kirundi coroshe

¹⁵ kuko azoba uwuhambaye imbere y’Umwami Imana. Ntazokoza umuvinyu ku munwa canke ikindi kintu cose kiboreza, kandi azoba yuzuye Mpwemu Yera kuva akiri mu nda ya nyina.

Luka 1:15 ပူးပေါင်းရင်းမြစ်များ

Itanguriro 12:2

Nanje nzoguhindura ubgoko bukomeye, nzoguha umugisha, izina ryawe ndarigire rurangiranwa; n’abandi baze bagire umugisha kubgawe.

Itanguriro 48:19

Se aranka, ati Ndabizi mwananje, ndabizi: uwo na we azohinduka ubgoko, bitayekw azoba agakomeye; yamara murumuna we azomurusha, kand’ uruvyaro rwiwe ruzohinduka amahanga menshi.

1 Ivyo ku Ngoma 17:8

uti Kandi yagendana nawe aho waja hose, ut’ Arandura abansi bawe bose imbere yawe; uti Kand’ azoguha izina, nk’ukw abandi bahambaye bo mw isi bayafise.

1 Ivyo ku Ngoma 29:12

Ubutunzi n’icubahiro ni wewe vyandurukako, kandi ni wewe uganza vyose; mu kuboko kwawe harimw’ ububasha n’inkomezi; kandi ni wewe ushobora guha bose icubahiro n’inkomezi.

Zaburi 22:9

Ariko ni wewe wankūye mu nda ya mama: Wanyijigije nkiri kw ibere rya mama.

Yeremiya 1:5

riti Ntarakubumbira mu nda nari ndakuzi, kand’ utarava muri yo nari narakurobanuye; nagushizeho kuba ūvugishwa nanje mu mahanga.

Yeremiya 35:6

Na bo baravuga, bati Nta vino tunywa: kuko Yonadabu mwene Rekabu sogokuruza wacu yatwihanikirije, ati Ntimuze mwigere munywa vino, mwebge cank’ abana banyu,

Abalewi 10:9

ati Ntuze wigere unywa kuri vino canke ku kiboreza na kimwe, mwe n’abana bawe, igihe mugira mwinjire mw ihema ry’ibonaniro, kugira ngo ntimupfe: ico kibabere icagezwe c’intahava ukw ibihe vy’urunganwe rwanyu bizogenda bikurikirana,

Zekariya 9:15

Uhoraho Nyen’ ingabo azobakīranira; bazoyogeza, basiribange amabuye atewe n’umugozi; bazoromozwa n’amaraso basāmūke nk’ababorewe vino: bazokwuzura amaraso nk’ inzavya, bahinduke nk’inkokora z’igicaniro.

Luka 1:14

uzonezerwa, uzohimbarwa, kandi benshi bazonezererwa ukuvuka kwiwe;

Luka 7:28

Ndababgire, Mu bāvyawe n’abagore nta wuruta Yohana: arik’ umutoya mu bgami bg’Imana aramuruta.

Luka 7:33

Yohana Umubatizi yaje atarya umutsima, atanywa vino, mugira mut’ Ahagazweko na dayimoni.

Yohana 5:35

Uwo yar’ itara ryaka rikabonesha, kandi namwe mwamaze igihe muhimbawe n’ukwaka kwiwe.

Ivyakozwe 2:4

Bose buzuzwa Mpwemu Yera, batangura kuvuga izindi ndimi, uko Mpwemu abahaye kuzivuga.

Galatiya 1:15

Arikw aho bihimbariye Imana yandobanuye nkiri mu nda ya mama, ikampamagara kubg’ ubuntu bgayo,

Abanyefeso 5:18

Kandi ntimukaborerwe vino, irimw’ ubuhumbu; ariko mwuzure Mpwemu.

Yosuwa 3:7

Maz’ Uhoraho abarira Yosuwa, at’ Uyu musi ngira ntangure kugukuza imbere y’Abisirayeli bose, kugira ngo bamenye yuko ndi kumwe nawe nk’uko nāmana na Mose.

Yosuwa 4:14

Kur’ uwo musi Uhoraho akuza Yosuwa imbere y’Abisirayeli bose, baramwubaha imisi yose yamaze akiriho, nk’uko bubaha Mose.