Kuvayo 38:9 - Bibliya Yera 1951 1967 (Burundi)

⁹ Maz’ akora urugo; ku ruhande ruhera i bumanuko, impuzu zo kubamba ngo zibe urugo zari zijishwe mu nyuzi zera derere nziza zihinzwe neza, uburebure bgazo bg’amakika bgar’ amatambge ijana y’ukuboko uciriye mu nkokora.

Kuvayo 38:9 ပူးပေါင်းရင်းမြစ်များ

1 Abami 6:36

Urugo rw’inyubakwa arwubakisha amabuye abājwe imirongo itatu igerekeranye, n’uwundi murongo w’ibiti bibājwe vy’amasederi.

Zaburi 100:4

Mushike mu birimba vyiwe mushima, No mu nyubakwa ziwe muhimbaza; Mumukengurukire, mushemagize izina ryiwe.

Zaburi 84:10

Kuko kumara umusi umwe mu nyubakwa zawe kuruta kumara iyindi igihumbi ahandi. Nopfuma mpagarara ku gisapfu c’ingoro y’Imana yanje, Hako noba mu mahema y’ abanyakibi.

Zaburi 84:2

Ubugingo bganje buri n’ umuvuro, mbere budendebuwe no kwifuza inyubakwa z’Uhoraho; Umutima wanje n’umubiri wanje bivugiriza impundu Imana nzima.

Zaburi 89:7

Ni we Mana iteye ubgoba bginshi mw ikoraniro ry’ abera, N’iyo gutinywa kurusha abayikikije bose.

Zaburi 92:13

Abatewe mu rugo rw’Uhoraho Bazototaharira mu nyubakwa z’Imana yacu.

Kuvayo 26:1

Maz’ ihema ry’imbere uz’ urikore urtya: urikoreshe impuzu cumi; izo mpuzu zijishwe mu nyuzi zera derere nziza zihinzwe neza, no mu nyuzi z’amasufe no mu z’amashigisha no mu zisa n’agahama; zize zijishwekw ibishushanyo vy’abakerubi, bijishwe n’abahinga bavyo.

Kuvayo 38:10

Ibirimbi vyo kuzimanikako vyari mirongwibiri, n’ ibitereko vyavyo vyo kubinegamwo vyari mirongwibiri nyene, bicuzwe mu miringa: imisumari yo kuri vyo yar’ icuzwe mw ifeza, bo n’ imitambikwa yo kuri vyo.

Kuvayo 40:33

Araheza ashirah’ urugo rukīkūza iryo hema n’igicaniro impande zose, ashiraho n’impuzu yo gukinga mw irembo ryarwo. Uko ni ko Mose yarangije ico gikorwa.

Kuvayo 40:8

Uheze ushireh’ urugo rukikuza impande zose, umanike n’impuzu yo gukinga mw irembo ryarwo.

Guharūra 3:26

n’impuzu zo kubamba ngo zibe urugo, n’igihuzu cakinga mw irembo ry’urwo rugo rukīkūza ihema n’igicaniro, n’imigozi, n’ ibikorwa vyavyo vyose.

Guharūra 4:26

n’ impuzu zo kubamba ngo zibe urugo, n’igihuzu co gukinga mw irembo ry’urwo rugo rukīkūza ihema n’igicaniro, n’imigozi yavyo, n’ibikoreshwa vyavyo vyose; ibikorwa vyo ku ruhande rw’ivyo vyose babe ari bo babikora.