Kuvayo 3:9 - Bibliya Yera 1951 1967 (Burundi)

⁹ Nuko none ehe rāba, ugutaka kw’Abisirayeli kwanshitseko, kandi nabonye agahahazo Abanyegiputa babahahaza.

Kuvayo 3:9 ပူးပေါင်းရင်းမြစ်များ

Itanguriro 16:11

Umumarayika w’Uhoraho arongera aramubgira, ati Rāba ufise inda, uzovyara umuhungu, kand’ uz’ umwite Ishimayeli, kuk’ Uhoraho yumvise kubabazwa kwawe.

Itanguriro 31:12

Arambarira, at’ Unamura amaso yawe, urābe: eh’ impfizi z’ impene zose zūriye umukuku n’iz’ ibibaba n’iz’ imifumberi n’iz’ ibidorodonzi: kuko nabonye ivyo Labani akugirira vyose.

2 Abami 13:4

Maze Yehowahazi atakambira Uhoraho, Uhoraho aramwumvira, kuko yabonye agahahazo umwami w’i Siriya yahahaza Abisirayeli.

2 Abami 20:5

riti Subira inyuma, ubarire Hezekiya segaba w’abantu banje, ut’ Uku ni k’Uhoraho, Imana ya sogokuruza Dawidi, agize: uti Ngo Yumvise ugusenga kwawe, abonye n’amosozi yawe; ut’ Eh’ azogukiza; uti Maze ku musi ugira gatatu uzodūga uje mu ngoro yiwe.

Nehemiya 9:9

Wabonye ivyago vya ba sogokuruza bacu bari muri Egiputa, wumva ugutakamba kwabo bari ku Kiyaga Gitukura,

Zaburi 12:5

Kubgo kunyagwa kw’umugorwa, kubgo kwitsa umutima kw’umukene, Ubu nyene ndahaguruka, ni k’Uhoraho agize, Ndashira uwo bakanira ahatagira inkomanzi.

Zaburi 9:14

Kugira ngo nerekanire ishimwe ryawe ryose Mu marembo y’umukobga w’i Siyoni; Kandi nzonezererwa agakiza kawe.

Kuvayo 1:11

Nuko babaha abo kubakebera ibikebere ngo babatwaze ituntu babīkoreze ibiremereye. Bubakira Farawo ibisagara vyitwa Pitomu na Ramusesi vy’ibigega.

Kuvayo 1:22

Farawo araheza abarira abantu biwe bose, at’ Umuhungu wese azovuka, muze mumute mu ruzi, arik’ umukobga mumureke.

Kuvayo 1:8

Nuko muri Egiputa hima uwundi mwami, atigeze kumenya ivya Yosefu.

Kuvayo 2:23

Hashize igihe kirekire, umwami wa Egiputa aratanga: Abisirayeli banihishwa no kuba mu buja, barataka; ugutaka batakishwa n’ubgo buja kuradūga, gushika ku Mana.

Kuvayo 2:25

Imana yitegereza Abisirayeli, ibona uko bameze.

Kuvayo 3:7

Uhoraho aramubarira, ati N’ukuri abantu banje bari muri Egiputa nabonye amarushwa barimwo, numvise gutaka kwabo batakishwa n’ababakoresha babahindagiza; kuko nzi imibabaro yabo,

Umusiguzi 4:1

Nuko ndasubira nitegereza ivy’ agahahazo vyose bikorerwa musi y’izuba: kand’ eh’ amosozi y’abahahazwa ntibaronke ikibīrūra; kand’ ububasha bgari ku ruhande rw’ ababahahaza, ariko bo ntibaronke ikibīrūra.

Umusiguzi 5:8

Ni wabona umworo ahahazwa, kand’ urubanza n’ibiroranye vyicwa ku manyama mu gihugu, ntibize bigutangaze: kukw Iyirusha abakuru ubukuru ivyitegereza, kandi har’ ubukuru bubarengeye.

Amosi 4:1

Ni mwumve iri jambo, yemwe mwa mahogazi y’i Bashani, muba ku musozi Samariya, yemwe abahahaza abagorwa, mukavungavunga abakene, mukabarira abanega banyu, muti Ni muzane tunywe!

Gusubira mu Vyagezwe 26:7

Maze dutakambira Uhoraho Imana ya ba sogokuruza, Uhoraho yumva ugutakamba kwacu, abona amarushwa yacu, n’ ubucumukure bgacu, n’agahahazo turimwo.

1 Samweli 9:16

at’ Ejo nka magingo aya nzokurungikira umuntu avuye mu gihugu c’Ababenyamini; uz’ umwimikishe amavuta, abe umwami w’abantu banje Abisirayeli. Ni we azokiza abantu banje, abakūre mu maboko y’Abafilisitiya; kuko nitegereje abantu banje, kand’ ugutaka kwabo kwanshitseko.