Kuvayo 3:7 - Bibliya Yera 1951 1967 (Burundi)

⁷ Uhoraho aramubarira, ati N’ukuri abantu banje bari muri Egiputa nabonye amarushwa barimwo, numvise gutaka kwabo batakishwa n’ababakoresha babahindagiza; kuko nzi imibabaro yabo,

Kuvayo 3:7 ပူးပေါင်းရင်းမြစ်များ

Itanguriro 16:11

Umumarayika w’Uhoraho arongera aramubgira, ati Rāba ufise inda, uzovyara umuhungu, kand’ uz’ umwite Ishimayeli, kuk’ Uhoraho yumvise kubabazwa kwawe.

Itanguriro 18:21

ndamanutse ndābe yuko bakora ibihwanye rwose n’ukw induru zaho zanshikiriye; kandi namb’ atari ko biri, ndabimenye.

Itanguriro 21:17

Imana yumva ijwi ry’uwo muhungu; maz’ umumarayika w’ Imana ari mw ijuru, ahamagara Hagari, aramubaza, at’ Ubaye iki ga Hagari? Nta co utinya! kukw Imana yumvise ijwi ry’uwo muhungu ah’aryamye.

Itanguriro 29:32

Leya asama inda, avyara umuhungu, amwita Reyubeni, ati N’uk’ Uhoraho yabonye umubabaro wanje; noneh’ umugabo wanje azonkunda.

Itanguriro 31:12

Arambarira, at’ Unamura amaso yawe, urābe: eh’ impfizi z’ impene zose zūriye umukuku n’iz’ ibibaba n’iz’ imifumberi n’iz’ ibidorodonzi: kuko nabonye ivyo Labani akugirira vyose.

Itanguriro 31:42

Iy’ itaba Imana ya data yarabanye nanje, Imana ya Aburahamu, iyo Isaka nyene yubaha, ntiwari kubura kundungika nd’inkokore. Imana yabonye umubabaro wanje n’ubutame bganje, maz’ iri joro yarāye irwahukanije.

2 Samweli 22:28

Abacishijwe bugufi uzobakiza, Arikw igitsure cawe kiri ku bībone, kugira ng’ ubasubize hasi.

2 Abami 13:4

Maze Yehowahazi atakambira Uhoraho, Uhoraho aramwumvira, kuko yabonye agahahazo umwami w’i Siriya yahahaza Abisirayeli.

2 Abami 20:5

riti Subira inyuma, ubarire Hezekiya segaba w’abantu banje, ut’ Uku ni k’Uhoraho, Imana ya sogokuruza Dawidi, agize: uti Ngo Yumvise ugusenga kwawe, abonye n’amosozi yawe; ut’ Eh’ azogukiza; uti Maze ku musi ugira gatatu uzodūga uje mu ngoro yiwe.

Nehemiya 9:9

Wabonye ivyago vya ba sogokuruza bacu bari muri Egiputa, wumva ugutakamba kwabo bari ku Kiyaga Gitukura,

Zaburi 106:44

Yamara yashira umutima ku mubabaro wabo, Uko yumvise ugutakamba kwabo:

Zaburi 12:6

Amajambo y’Uhoraho n’icuma gihiye: Ameze nk’ifeza iramuriye mu ruganda rwo mw isi, Ivugutiwe ibihetangabo ndwi.

Zaburi 142:3

Iy’ umutima wanje undendebukiyemwo ni wewe umenya iminyuro yanje. Mu nzira ncamwo bantezemw’ umutego.

Zaburi 145:19

Azoshitsa ivyo abamwubaha bagomba; Kand’ azokwumva ugutakamba kwabo, abakize.

Zaburi 22:24

Kukw atāgaye cank’ atanse urunuka amarushwa y’umurushwa, Kand’ atāmuhishije mu nyonga hiwe: Arikw amutakambiye, yaramwumvise.

Zaburi 34:4

Narondeye Uhoraho, aranyitaba, Ankiza ubgoba nari mfise bgose.

Zaburi 34:6

Uyu mugorwa yaratakamvye, Uhoraho aramwumva, Amukiza amarushwa yiwe yose.

Zaburi 35:22

Nawe warabibonye, Uhoraho; ntucereze: Mwami, ntumbe kure.

Zaburi 9:14

Kugira ngo nerekanire ishimwe ryawe ryose Mu marembo y’umukobga w’i Siyoni; Kandi nzonezererwa agakiza kawe.

Kuvayo 1:11

Nuko babaha abo kubakebera ibikebere ngo babatwaze ituntu babīkoreze ibiremereye. Bubakira Farawo ibisagara vyitwa Pitomu na Ramusesi vy’ibigega.

Kuvayo 1:8

Nuko muri Egiputa hima uwundi mwami, atigeze kumenya ivya Yosefu.

Kuvayo 22:23

Ni mwagira ico mubacuranguzako na gitoya, bakantakambira, sinzobura kwumviriza ugutakamba kwabo;

Kuvayo 33:13

None rero, ndakwinginze, asangwa nagiriwe ubuntu imbere yawe koko, n’unyereke imigendere yawe, kugira ngo nkumenye, mbone kurushiriza kugirirwa ubuntu imbere yawe: kandi wibuke yukw iryo hanga ar’ iryawe.

Kuvayo 5:10

Abakoresha ubgo bgoko barasohoka, bo n’abarōngōzi babo, babarira abantu, bati Farawo agize ngo ntakibaha ibiganogano.

Kuvayo 5:6

Kur’ uwo musi nyene Farawo abarira abakoresha abo bantu, n’abarōngōzi babo,

Yesaya 63:9

Yababaranye na bo mu mibabaro yabo yose, kand’ umumarayika yama ahagaze mu nyonga ziwe yarabakiza: urukundo rwiwe n’ikigongwe ciwe ni vyo vyamuteye kubacungura; yarabaterura akabaheka imisi yose ya kera.

Guharūra 20:16

Maze batakambiye Uhoraho, yumva ijwi ryabo, atuma umumarayika, abakūra muri Egiputa. Ngo Non’ ehe rāba, bar’ i Kadeshi, igisagara co ku rubibe rwawe.

Ivyakozwe 7:34

N’ukuri abantu banje bari muri Egiputa nabonye amarushwa barimwo, numvise umuniho wabo, none mmanukanywe no kubarokora: kandi none n’uze ndagutume muri Egiputa.

Abaheburayo 4:15

Kuk’ umuherezi mukuru dufise, atar’ ūdashobora kubabarana natwe mu ntege nke zacu, ariko n’uwageragejwe uburyo bgose nkatwe, yamara we nta caha yakoze.

1 Samweli 9:16

at’ Ejo nka magingo aya nzokurungikira umuntu avuye mu gihugu c’Ababenyamini; uz’ umwimikishe amavuta, abe umwami w’abantu banje Abisirayeli. Ni we azokiza abantu banje, abakūre mu maboko y’Abafilisitiya; kuko nitegereje abantu banje, kand’ ugutaka kwabo kwanshitseko.