Kuvayo 17:2 - Bibliya Yera 1951 1967 (Burundi)

² Maz’ abantu batonganya Mose, bati Duhe amazi, tunywe. Mose arababaza, ati Muntonganiriza iki? N’iki kibateye kugerageza Uhoraho?

Kuvayo 17:2 ပူးပေါင်းရင်းမြစ်များ

Zaburi 106:13

Ariko bibagira n’ingoga ibikorwa yakoze, Ntibarorēra kw ishitsa imigabo yayo.

Zaburi 106:14

Ariko bifuriza cane mu bugaragwa, Bageragereza Imana mu karēre.

Zaburi 78:18

Bagerageresha Imana imitima yabo, Bayigerageresha kwaka ivyo kurya vyo kubamara ipfa.

Zaburi 78:41

Bakihindukiranya, bakagerageza Imana, Bakaratsa Iyera y’Abisirayeli.

Zaburi 78:56

Yamar’ Abisirayeli bagerageza Imana isumba vyose, barayigarariza, Ntibitondera ivyo yashingiye intahe.

Zaburi 95:8

Ntimukomantaze imitima yanyu, nk’uko mwayikomantarije i Meriba, No kuri wa musi w’i Masa mu bugaragwa,

Zaburi 95:9

Hamwe ba sogokuruza banyu bāngerageza, Bakancaca, bakabona igikorwa canje.

Kuvayo 15:24

Maz’ abantu bidodombera Mose, bati Turanywa iki?

Kuvayo 16:8

Mose arababgira, at’ Ivyo murabibona igihe Uhoraho aja kubaha inyama zo kurya kur’ uyu mugoroba, mu gitondo akazobaha umutsima, mukarya mugahāga; kuk’ Uhoraho yumvise imyidodombo yanyu mumwidodombera; natwe twar’ iki? erega si twebge mwidodombera, mwidodombera Uhoraho.

Kuvayo 17:7

Yita aho hantu Masa na Meriba kukw Abisirayeli bamutonganije, kandi kuko bagerageje Uhoraho, bakabaza ngo Mbeg’ Uhoraho ari muri twebge, canke ntari muri twebge?

Kuvayo 5:21

barababarira, bat’ Uhoraho n’arābe ico mudukoreye, abahane, kuko mutumye Farawo n’abantu biwe batwanka urunuka, mukabaha inkota yo kutwica.

Yesaya 7:12

Ariko Ahazi arishura, ati Sinocaka, kandi sinogerageza Uhoraho.

Malaki 3:15

Noneh’ abībone ni bo twita abanyehirwe, mber’ abakora ibibi bagirwa abakomeye; ushime bagerageza Imana bagakira.

Guharūra 14:2

Abisirayeli bose bidodombera Mose na Aroni, ikoraniro ryose rirababarira, rit’ Es’ iyo tuba twaraguye mu gihugu ca Egiputa! Canke tukagwa mur’ ubu bugaragwa!

Guharūra 14:22

kw abo bantu bose babonye icubahiro canje n’ibitangaza vyanje nakoreye muri Egiputa no mu bugaragwa, bakangerageza ibihetangabo cumi vyose, ntibanyumvire;

Guharūra 21:5

batonganya Imana na Mose, bati Mwadukūriye iki muri Egiputa, mukatuzana gupfira mur’ ubu bugaragwa? kw ata vyo kurya tuharonka, ata n’amazi ariho, kandi tubihiwe n’ibi vyo kurya bitagira ikimazi.

Matayo 4:7

Yesu aramubgira, ati Vyongeye haranditswe, ngo Ntukagerageze Uhoraho, Imana yawe.

Luka 15:12

Umuhererezi abgira se, ati Data, mpa umugabane w’ibintu notwaye. Abagaburira itunga ryiwe.

Luka 4:12

Yesu aramwishura, ati Vyaravuzwe, ngo Ntukagerageze Uhoraho, Imana yawe.

Ivyakozwe 15:10

None rero n’iki gitumye mugerageza Imana, mwikoreza abigishwa imitwaro ba sogokuruza batāshoboye kwikorera canke twebge?

Ivyakozwe 5:9

Petero aramubaza, ati N’iki gitumye muhūza inama kugerageza Mpwemu w’Umwami Imana? Ehe ibirenge vy’abahejeje guhamba umugabo wawe biri ku rugi, nawe barakujana.

1 Korinto 10:9

Kandi ntitukagerageze Umwami wacu, nk’uko bamwe bo muri ba bandi bāmugerageje, bakamarwa n’inzoka.

Gusubira mu Vyagezwe 6:16

Ntimukagerageze Uhoraho Imana yanyu, nk’uko mwamugeragereje i Masa.

Gusubira mu Vyagezwe 9:22

Kandi n’i Tabera, n’i Masa, n’i Kiburoti‐hatava, mwaharakirije Uhoraho.

Abaheburayo 3:9

Aho ba sogokuruza banyu bangeragereje bancaca, Bakabona ibikorwa vyanje imyaka mirongwine.

1 Samweli 8:6

Arikw iryo jambo ribabaza Samweli, ko bavuze ngo n’abahe umwami wo kubacīra imanza; araheza asenga Uhoraho.