Kuvayo 15:3 - Bibliya Yera 1951 1967 (Burundi)

³ Uhoraho n’intōre mu ntambara, Uhoraho ni ryo zina ryiwe.

Kuvayo 15:3 ပူးပေါင်းရင်းမြစ်များ

Zaburi 24:8

Uwo Mwami w’ubgiza ni nde? N’Uhoraho afise inkomezi n’ ubutōre, N’Uhoraho afise ubutōre mu ntambara.

Zaburi 45:3

Wa muhizi we, ambara inkota yawe kw itako, Ambara ubgiza bgawe n’icubahiro cawe.

Zaburi 83:18

Kugira ngo bamenye yuko wewe, uwitwa uhoraho, Kw ari wewe Usumba vyose, ukaganza isi yose.

Kuvayo 14:14

Uhoraho ni we agira ngw abarwanire, namwe ni mwinumire gusa.

Kuvayo 14:25

Atuma amagurudumu y’ imikogote yabo afata, ntiyaba igikwegeka neza. Maz’ Abanyegiputa baravugana, bat’ Enda duhunge, tureke Abisirayeli, kuk’ Uhoraho abatabara, ari we aturwanya.

Kuvayo 3:13

Mose abaza Imana, ati Ni nashika ku Bisirayeli, nkababarira nt’ Imana ya ba sogokuruza yabantumyeko; bakambaza, bati Yitwa nde? nzobishura iki?

Kuvayo 3:14

Imana yishura Mose, iti NDI UWO NDI WE: kandi, it’ Ukw abe ari k’uzobgira Abisirayeli, uti NDIHO yabantumyeko.

Kuvayo 3:15

Imana yongera kubarira Mose, it’ Ukw abe ari k’uzobgira Abisirayeli, ut’ UHORAHO, Imana ya ba sogokuruza, yabantumyeko, ni yo Mana ya Aburahamu, Imana ya Isaka, Imana ya Yakobo: iryo ni ryo zina ryanje ry’ibihe bitazoshira, iryo ni ryo rizobabera icibutso canje, ukw ibihe vy’urunganwe rwanyu bizogenda bikurikirana.

Yesaya 42:13

Uhoraho azoja gutera nk’umuhizi, arwanane ishaka nk’intōre mu ntambara: azobīrahira, mber’ azobīvuga n’ijwi rirenga; abansi biwe azobagirira ibikomeye.

Yesaya 42:8

Jewe nd’Uhoraho, iryo ni ryo zina ryanje; icubahiro canje sinzogiha uwundi, n’ishimwe ryanje sinzoriha ibigirwamana vy’ibibāzano.

Yeremiya 33:2

rit’ Uhoraho abikora, Uhoraho abirema akabikomeza, Uhoraho ni ryo zina ryiwe, uku ni kw agize,