Kuvayo 10:9 - Bibliya Yera 1951 1967 (Burundi)

⁹ Mose aramwishura, ati Tuzojana n’abana n’abatāma, n’abahungu bacu n’ abakobga, mbere n’imikuku yacu n’amasho tuzobijana: kuko dukwiye kugirira Uhoraho umusi mukuru.

Kuvayo 10:9 ပူးပေါင်းရင်းမြစ်များ

Itanguriro 50:8

bo n’abo kwa Yosefu bose, na bene se, n’abo kwa se: ivyo basize gusa mu gihugu c’i Gosheni n’abana babo bato, n’ imikuku yabo, n’amasho yabo.

Kuvayo 10:10

Arabishura, ati Yemwe ga ye, Uhoraho abane namwe nkabarekura, ngo mujane n’abana banyu! Ni mwiyubare, kukw ivyo mugabiye ari bibi!

Kuvayo 10:26

Itunga ryacu rikwiye kujana natwe: ntihazosigara n’ urwara; kukw ari ryo dukwiye kuzokwābirakw ivyo guhēreza Uhoraho Imana yacu. Kandi ntituzi ivyo tuzohēreza Uhoraho uko bingana tutarashikayo.

Kuvayo 12:32

Mujane n’ imikuku yanyu n’amasho yanyu, nk’uko mwavuze, mwīgīre; nanje munsabire umugisha.

Kuvayo 12:37

Abisirayeli baragenda, bava i Ramesesi, bataha i Sukoti: abāgiye n’amaguru bār’ abagabo ibihumbi amajana atandatu, ukūyemw’ abana.

Kuvayo 12:38

Kandi n’igugu ry’ikivange c’abanyamahanga rijana na bo, n’imikuku n’amasho vy’ibitayega.

Kuvayo 13:6

Muze mumare imisi ndwi murya imitsima itambiwe, maz’ umusi ugira indwi uz’ ube umusi mukuru w’Uhoraho.

Kuvayo 3:18

Na bo bazokwumvira: kand’ uz’ ugende ku mwami wa Egiputa, mwe n’ abashingantahe b’Abisirayeli, mumubarire, mut’ Uhoraho, Imana y’Abaheburayo, yaratwiyeretse: none turakwinginze, turekure tuje mu bugaragwa, tugende urugendo rw’imisi itatu, kugira ngo tuze dushikanire Uhoraho Imana yacu ibimazi.

Kuvayo 5:1

Hanyuma y’ivyo, Mose na Aroni baragenda babarira Farawo, bat’ Uhoraho, Imana y’Abisirayeli, igize ngo Rekura abantu bayo, bagende, bayigirire imisi mikuru mu bugaragwa.

Kuvayo 5:3

Baramubgira, bat’ Imana y’Abaheburayo yaratwiyeretse: none turasavye, uturekure tuje mu bugaragwa, tugende urugendo rw’ imisi itatu, kugira ngo tuze dushikanire Uhoraho Imana yacu ibimazi, yoye kuzohava idutērēra ikīza cank’ inkota.

Imigani 3:9

Wubahishe Uhoraho ibintu vyawe, Bo n’umushuzo w’ivyeze vyawe vyose.

Umusiguzi 12:1

Kandi wame wibuka Umuremyi wawe mu misi y’ubusore bgawe, imisi mibi itaraza, igihe kitarashika, ah’ uzovuga, uti Nta kikinnezereza;

Guharūra 29:12

Kandi ku musi ugira icumi na gatanu w’ukwo kwezi kw’indwi muze mukoranywe no kuba ikoraniro ryera; ntimuze mugire igikorwa kiruhisha muwukorako, kandi muze mumare imisi ndwi muri mu misi mikuru yo kunyubaha, jewe Uhoraho.

Abanyefeso 6:4

Namwe ba se, ntimukaratse abana banyu, ariko mubarere, mubahana mubahanūra, uk’ Umwami wacu agomba.

Yosuwa 24:15

Kandi namba mubona bibabangamiye gusaba Uhoraho, uyu musi ni mwitoranirize uwo muzosaba, namb’ ari za mana ba sogokuruza bāsaba hakurya ya rwa ruzi, cank’ imana z’Abamori ben’ iki gihugu murimwo; ariko jeho n’abo mu rugo rwanje tuzokwama tugendanira Uhoraho.