Kuvayo 10:4 - Bibliya Yera 1951 1967 (Burundi)

⁴ Ngo Na ho ni wanka kubarekura, ejo ngw azorekura inzige, zihēre ku rubibe rwawe,

Kuvayo 10:4 ပူးပေါင်းရင်းမြစ်များ

Kuvayo 10:3

Mose na Aroni baja kwa Farawo, baramubgira, bat’ Uku ni k’ Uhoraho, Imana y’Abaheburayo, agize, ng’ Uzogeza ryari kwanka kwicisha bugufi imbere yiwe? Ngo Reka abantu biwe, bagende bamusabe.

Kuvayo 10:5

zizimanganye igihugu, umuntu ntashobore kubona hasi: zizorya ivyasigaye vyakize, ivyo rwa rubura rwabasigarije, zirye n’igiti canyu cose cameze ku gahinga.

Kuvayo 4:23

kandi yarakubariye, ngo Rekura umwana wiwe agende, aje kumusaba; ariko wanse kumurekura; uti Nuko rero na we azokwica umwana wawe w’imfura.

Kuvayo 5:1

Hanyuma y’ivyo, Mose na Aroni baragenda babarira Farawo, bat’ Uhoraho, Imana y’Abisirayeli, igize ngo Rekura abantu bayo, bagende, bayigirire imisi mikuru mu bugaragwa.

Kuvayo 8:10

Aramwishura, ati Hoba ejo. Na we aramubarira, ati Bizoba uk’ uvuze, kugira ng’ umenye yukw ata wuhwanye n’Uhoraho Imana yacu.

Kuvayo 8:23

Kandi ngw azoshira itandukaniro hagati y’abantu biwe n’abawe: ejo ni h’ico kimenyetso kizobaho.

Kuvayo 9:18

Uti Rāba, ejo nka bugingo ubu azosegenyura urubura rw’icago, rutigeze kuboneka muri Egiputa, uhereye igihe hitiwe izina, ukageza n’ubu.

Kuvayo 9:5

Uhoraho ashinga igihe, ati Jewe Uhoraho, ejo ni ho nzokora ivyo mu gihugu.

Imigani 30:27

Inzige ntizigira umwami, Yamara zigenda zose zīciye imice;

Yoweli 2:25

Kandi nzobashumbusha iyo myaka mwamaze inzige zisanganguye ivyanyu, zimwe zāraraye n’izitaragurika n’iziyigiza n’izikegeta, ni zo za ngabo zanje nabagomoreye ngo zibatere.

Gusubira mu Vyagezwe 28:38

Muzosohora imbuto nyinshi, mwimbure bike, kukw inzige zizobirya.

Ivyahishuwe 9:3

Mu mwotsi havamw’ inzige zija mw isi, zihabga ububasha bgo gukora ivyo sikorupiyo zo kw isi zibasha gukora.