Ivyakozwe 7:5 - Bibliya Yera 1951 1967 (Burundi)

⁵ Ariko ntiyakimuhayemw’ umwandu, naho hoba aho gushinga ikirenge; isezerana kuzokimuha ngo kibe ishamvu yiwe n’iy’ uruvyaro rwiwe, kand’ ataragira umwana.

Bibiliya mu Kirundi coroshe

⁵ Nta mugabane yamuhaye muri ico gihugu, nta n’aho guhonyoza ikirenge, ariko Imana yamusezeraniye ko we n’uruvyaro rwiwe bazokwegukira iki gihugu, n’aho ico gihe Aburahamu atari bwaronke umwana.

Ivyakozwe 7:5 ပူးပေါင်းရင်းမြစ်များ

Itanguriro 12:7

Uhoraho yiyereka Aburamu, aramubarira, at’ Uruvyaro rwawe nzoruha iki gihugu. Aca ahubaka igicaniro, yubakiye Uhoraho amwiyeretse.

Itanguriro 13:15

iki gihugu cose ubonye ni wewe nzogiha, n’uruvyaro rwawe, gushitsa ibihe vyose.

Itanguriro 15:18

Kur’ uwo musi nyene Uhoraho asezeranira Aburamu isezerano, at’ Uhereye ku ruzi rwo muri Egiputa, ugashitsa ku ruzi runini ari rwo Efurate, uruvyaro rwawe ndaruhaye iki gihugu,

Itanguriro 16:2

Sarayi abarira Aburamu, ati Rāba, Uhoraho yanyimye ivyara; enda vyara ku ncoreke yanje: kumbure nzoronkera akana kuri we. Nuko Aburamu yumvira Sarayi.

Itanguriro 17:8

Kandi wewe n’uruvyaro rwawe ruzovuka hanyuma, nzobaha iki gihugu wabayemw’ ur’ inyambukīra, ni co gihugu cose c’i Kanani, kuba ishamvu y’ibihe vyose: na bo nzoba Imana yabo.

Itanguriro 23:4

ati Jewe ko nd’akavantara n’inyambukīra muri mwebge; none ni mumpe i wanyu aho nokwīzīzira ho guhamba, kugira ngo mpambe umuntu wanje amve mu maso.

Itanguriro 26:3

Ba urasuhukiye mur’ iki gihugu, nanje nzobana nawe, nguhe umugisha; kuko wewe n’ uruvyaro rwawe nzobaha ibi bihugu vyose; kandi nzokomeza indahiro narahiye Aburahamu so;

Nehemiya 9:8

wabonye umutima wiwe kw ar’ uwo kwizigirwa imbere yawe, usezerana na we isezerano ryo kuzoha uruvyaro rwiwe igihugu c’Abanyakanani n’ic’ Abaheti n’ic’ Abamori n’ic’ Abaferizi n’ic’ Abayebusi n’ic’ Abagirugashi; kand’ iryo sezerano wararishikije kuko wama ugororoka.

EZEKIYELI 33:24

riti Mwana w’umuntu, abasigaye baba mu matongo yo mu gihugu c’i Bgisirayeli baravuga, ngo Aburahamu yar’ umwe, ariko yahawe igihugu kw ishamvu; nkanswe tweho turi benshi, natwe turagihabga kuba ishamvu yacu.

Gusubira mu Vyagezwe 10:11

Maz’ Uhoraho arambarira, ati Va hasi, ufate urugendo, uje aba bantu imbere, kugira ngo binjire igihugu narahiye ba sekuruza ko nzokibaha, bacegukire.

Gusubira mu Vyagezwe 11:9

mubone kurambira mu gihugu Uhoraho yarahiye ba sogokuruza kw azokibaha, bo n’ uruvyaro rwabo, igihugu gitemba amata n’ubūki.

Gusubira mu Vyagezwe 2:5

ntimubandurutse, uti Kukw atazobaha ku gihugu cabo, naho hoba aho gukandagiza ikirenge; uti Kukw imisozi y’i Seyiri yayihaye Esau kuba ishamvu yiwe.

Gusubira mu Vyagezwe 34:4

Uhoraho aramubarira, ati Ngīkirīya igihugu narahiye Aburahamu na Isaka na Yakobo, nti Nzogiha uruvyaro rwanyu. None nguhaye kukirābisha amaso, ariko ntuzojabuka ng’ ujeyo.

Gusubira mu Vyagezwe 9:5

Ukugororoka kwanyu canke gutungana kw imitima yanyu si vyo bizoba bitumye mwinjira igihugu cabo ngo mucegukire; arik’ ukugabitanya kw’ayo mahanga ni kwo kuzoba gutumye Uhoraho Imana yanyu abirukana imbere yanyu, kugira ngw ashitse ijambo yarahiye ba sogokuruza banyu, Aburahamu na Isaka na Yakobo.