Hoseya 6:3 - Bibliya Yera 1951 1967 (Burundi)

³ Enda tumenye Uhoraho, tugire umwete wo kumumenya; nk’uk’ umutwenzi ata cowubuza kuza, ni ko na we azoza: azotuzako nk’imvura, nk’ imvura y’umutasuro inyosheje hasi.

Hoseya 6:3 ပူးပေါင်းရင်းမြစ်များ

2 Samweli 23:4

Abarasira nk’umutwenzi iy’ utambitse, Nk’izuba iyo rirashe mu gatondo hatagira agacu, Ubgatsi bukamera hasi, imvura yāguye.

Yobu 29:23

Kandi bānyitega nk’abiteze imvura, Bakāsama cane, nk’abāsamira imvura y’urushana.

Zaburi 19:4

Umugozi ubigera ushika mw isi yose, Bo n’amajambo yavyo ku mpera y’isi. Muri vyo yashingiye izuba ihema,

Zaburi 19:6

Riturumbuka riva ku mpera y’ijuru, Rikajana inzira ishika ku yindi mpera yaryo, Nta kintu gihishwa indugumba yaryo.

Zaburi 63:8

Umutima wanje ukwōmako: Ukuboko kwawe kw’i buryo kurandamira.

Zaburi 65:9

Ugendera isi, ukayirekurira imvura, Uyitungisha cane; Uruzi rw’Imana rwuzuye amazi; Ni wewe wereza abantu impeke, umaze kuhatunganya urtyo.

Zaburi 72:6

Azomanuka nk’imvura igwa ku vyatsi bitemwe, Nk’imvura y’umuvuvu itosa isi.

Imigani 4:18

Arikw inzira y’abagororotsi imeze nk’umuco wo mu gatondotondo, Ugenda urushiriza gukayangana gushitsa hakeye rwose.

Yesaya 2:3

Amoko menshi azojayo, abarirane, ati Ni muze tudūge, tuje ku murwa w’Uhoraho, ku ngoro y’Imana ya Yakobo, kugira ngw itwigishe ivy’ inzira zayo, natwe tuzigenderemwo; kukw i Siyoni ari ho hazova ivyagezwe, n’i Yerusalemu hakava ijambo ry’Uhoraho.

Yesaya 32:15

gushitsa aho Mpwemu azodusukirwako avuye hejuru, ubugaragwa bugacika itongo rimera cane, kand’ itongo ryamera cane rikitwa ishamba.

Yesaya 44:3

Kuko nzosuka amazi ku gihugu gifise inyota, n’imigezi kw isi yumye; nzosuka Mpwemu wanje ku ruvyaro rwawe, n’umugisha wanje ku buzukuruza bawe:

Yesaya 5:6

kandi ndaruririke; ntiruzotuturirwa, ntiruzorimirirwa, ariko ruzomeramw’ imikere n’amahwa; kandi nzobuza ibicu vyoye kurugwishakw imvura.

Yesaya 54:13

Abana bawe bose bazokwigishwa nanje, jewe Uhoraho, kand’ amahoro abana bawe bazogira azoba menshi.

Yeremiya 24:7

Kandi nzobaha umutima wo kummenya yuko nd’ Uhoraho: bazoba abantu banje, nanje nzoba Imana yabo, kuko bazongarukanak’ umutima wabo wose.

EZEKIYELI 36:25

Kandi nzobamijakw amazi meza, mushire imvyiro: nzoboza imyanda yanyu yose, n’ibigirwamana vyanyu vyose.

Hoseya 10:12

Mubibe mugendereye ukugororoka, mubone kwimbura nk’ukw imbabazi ziri; mumene imishike yanyu; kukw igihe kigeze co kurondera Uhoraho, gushitsa ah’ azozira, akabarekurira imvura y’ubugororotsi.

Hoseya 14:5

Isirayeli nzomubera nk’ ikime, na we azoshurika nk’ikirungu, ashōre imizi nk’ibiti vy’i Lebanoni.

Hoseya 14:6

Amashami yiwe azogasara, ubgiza bgiwe buse n’igiti c’umwelayo, n’ugutāmirana kwiwe kumere nk’ibiti vy’i Lebanoni.

Hoseya 2:20

Ni koko nzokwikwerera mu kuba umwizigirwa: nawe uzommenya jewe Uhoraho.

Mika 4:2

Amahanga menshi azojayo, abarirane, ati Ni muze tudūge, tuje ku murwa w’Uhoraho, mk ngoro y’Imana ya Yakobo, kugira ngw itwigishe ivy’ inzira zayo, natwe tuzigenderemwo; kukw i Siyoni ari ho hazova ivyagezwe, n’i Yerusalemu hakava ijambo ry’Uhoraho.

Mika 5:2

Ariko wewe, Betelehemu Efurata, nah’ ur’ inkehwa mu bihumbi vy’i Buyuda, muri wewe hazomviramw’ ūzoba segaba mu Bisirayeli; amamo yiwe yahereye kera hose, ibihe n’ibindi.

Mika 5:7

Kand’ amasigarira ya Yakobo azoba mu moko menshi ababere nk’ikime kivuye k’Uhoraho, nk’urume rutonze ku bgatsi, bitororēra umuntu, canke ngo bitenyenyere abantu.

Zekariya 10:1

Uhoraho abe ari we musaba imvura ngw igwe mu gihe c’itasura, muyisabe Uhoraho arema imiravyo; na we azobaha imvura y’umuvuvu, umuntu wese amumereze imirima.

Malaki 4:2

Ariko mweho abubaha izina ryanje izuba ry’ubugororotsi rizobarasira, rifise ugukiza mu mababa yaryo. Maze muzosohoka mukina amatavu nk’inyana zivuye mu ruhongore.

Matayo 13:11

Arabishura, ati Mwebge mwahawe kumenya amabanga y’ubgami bgo mw ijuru, ariko bo ntibābihawe.

Luka 1:78

Kubg’ umutima w’imbabazi w’Imana yacu, Ni wo uzotuma umutwenzi utugendera, uvuye mw ijuru,

Yohana 17:3

Ubu ni bgo bugingo budashira, ko bamenya wewe, Imana yonyene y’ukuri, n’uwo watumye, Yesu Kristo.

Yohana 7:17

Ni hāba har’ ūgomba gukora ivyo uwo akunda, azomenya izi nyigisho, ko zavuye ku Mana, canke ko mbivuga mvyigeneye.

Ivyakozwe 17:11

Arikw abo bo bār’ imico myiza kuruta ab’i Tesalonike, kuko bākiriye ijambo ry’Imana n’umutima ukunze, basesa mu vyanditswe uko bukeye, ngo bamenye yukw ivyo ar’ivy’ ukuri.

Gusubira mu Vyagezwe 32:2

Ukwigisha kwanje kugwe nk’ imvura, Amajambo yanje atonde nk’ ikime, Abe nk’ukw imvura y’akajogotera igwa ku rumerēra, Kandi nk’iy’ akavuvu iy’ igwa ku bgatsi.

Abaheburayo 3:14

Kuko twacitse abasangiye Kristo, namba tubangirije rwose ivyizigiro vyacu twatanguranye gushitsa kw iherezo:

2 Petero 1:19

Ariko turafise ijambo ryavugishijwe, ryarakomejwe kurushiriza. Mugira neza ko murishirak’ umutima, ni nk’itara ryākira ahacuze umwiza, rigakesha ijoro, rikageza ah’ ikinyenyeri co mu gaturuturu kizobandurira mu mitima yanyu:

Ivyahishuwe 22:16

Jewe Yesu ntumye umumarayika wanje gushingira intahe mwebge ivyo, kubg’ amashengero. Ni jewe munago wo ku gishitsi ca Dawidi, nd’ umwuzukuruza wiwe, kandi nd’ ikinyenyeri gica ibibatsi co mu gaturuturu.