Hoseya 5:12 - Bibliya Yera 1951 1967 (Burundi)

¹² Ni co gituma mmereye Efurayimu nk’ inyenzi ku mpuzu, n’inzu ya Yuda nk’ibungwe.

Hoseya 5:12 ပူးပေါင်းရင်းမြစ်များ

Yesaya 51:8

Kukw inyenzi zizobarya nk’umwambaro, n’ ifukunyi izobarya nk’ubgoya bg’ intama: arik’ ukugororoka kwanje kuzokwamah’ ibihe bidashira, n’ agakiza kanje uk’ urunganwe ruzogenda rukurikirana.

Yobu 13:28

Naho mmeze nk’igiti kibongeye, Nk’impuzu yariwe n’inyenzi.

Yona 4:7

Arikw Imana igera igikogoshi ngo kirye ico kibonobono; buca cākabiranye.

Yesaya 50:9

Rāba Umwami Uhoraho ni we azompagarikira; non’ uwontsindisha ni nde? Ereg’ abo bose bazosāza nk’impuzu; inyenzi zizobarya zibamare.

Imigani 12:4

Umugore atunganye abera umugabo wiwe igitsibo mu mutwe, Arik’ uw’ agatētereza amubera nk’ikimungu mu magufa.

Zaburi 39:11

Iy’ uhanishije umuntu ibikangiro kubg’ ukugabitanya kwiwe, Umumarak’ ubgiza nk’ukw inyenzi yonona: N’ukuri umuntu wese n’ impwemu zihumetswe gusa. Sela.

Yesaya 5:24

Nuko rero, nk’ukw ibirimi vy’umuriro bitongora ibirararara, kandi nk’uk’ ubgatsi bgumye bunyikira mu muriro, ni kw igishitsi cabo kizoba nk’ikibore, n’amashurwe yabo azotumuka nk’umukungugu: kuko bāgaye ivyagezwe vy’Uhoraho Nyen’ ingabo, bagakēngēra ijambo ry’Uwera w’Abisirayeli.