Hoseya 4:12 - Bibliya Yera 1951 1967 (Burundi)

¹² Abantu banje bagisha inama igiti gusa, kand’ inkoni yabo ni yo ibaragurira; impwemu y’ubumaka yarabajimije, bagenda ata co barenga, bātaye Imana yabo.

Hoseya 4:12 ပူးပေါင်းရင်းမြစ်များ

2 Abami 17:7

Ivyo vyābaye birtyo kukw Abisirayeli bācumuye k’Uhoraho Imana yabo yabakūye mu gihugu ca Egiputa, ikabagobotora mu maboko ya Farawo umwami wa Egiputa; hanyuma bagasaba izindi mana,

2 Ivyo ku Ngoma 21:13

ngw Arik’ ukagendana iz’ abami b’Abisirayeli, ugakwegera Abayuda n’ababa i Yerusalemu ngo bahurumbire mu bumaka, ngo Nk’ukw ab’ inzu ya Ahabu bākoze; ngo Kand’ ukica barumuna bawe, ari bo nyene b’inzu ya so bākurusha ingeso nziza;

Zaburi 106:39

Uko ni ko bandujwe n’ ibikorwa vyabo, Bagenda bahurumba nk’ ibimaka mu ngeso zabo.

Zaburi 73:27

Kukw abakuja kure bazoranduka; Wahoneje abakuretse bose bagacika ibimaka.

Yeremiya 10:8

Ariko bose uko bangana n’ibiyingiyingi n’ibipfu; ukwigisha kw’igishushanyo guhwanye n’igiti buti.

Yeremiya 2:27

ababgira ikigegene, bati Ni wewe data; bakabgira ibuye, bati Ni wewe wamvyaye: kuko banteye ibitugu, ntibabe bakinshirakw amaso; ariko mu gihe c’ivyago vyabo bazotakamba, bati Haguruka udukize.

Yeremiya 23:13

Nabonye ubupfu bga ba kamenyi i Samariya; bāvugishijwe na Bayali, bakazimiza abantu banje b’Abisirayeli.

EZEKIYELI 20:32

Kandi ko muvuga ngo Muzomera nk’ayandi mahanga, mube nk’imiryango yo mu bindi bihugu, mukorere ibigirwamana vy’ibiti n’ amabuye: mu vyo mwibgira mu mitima nta na kimwe kizoshika.

EZEKIYELI 21:21

Kuk’ umwami w’i Babuloni ahagaze mu mayirabiri, ah’ izo nzira zompi zishamikiye, kugira ngw araguze: azungagiza imyampi, akaraguza ibigirwamana vyitwa terafimu, agasuzuma igitigu.

Hoseya 14:3

Mut’ Abashuri si bo bazodukiza; muti Ntituzosimbira ku mafarasi; muti Kandi nta ho tuzokwongera kubarira ivyakozwe n’intoke zacu, ngo Mur’ imana zacu; muti Kuko kuri wewe ari ho impfuvyi zigirirwa imbabazi.

Hoseya 5:4

Ibikorwa vyabo ntibizobakundira kugaruka ku Mana yabo: kukw impwemu y’ubumaka iri muri bo, kandi ntibazi Uhoraho.

Hoseya 6:10

Mu nzu ya Isirayeli nahabonye ikintu c’ubuyobe: aho ni ho habonekeye ubusambanyi muri Efurayimu, ni ho Isirayeli yahumaniye.

Hoseya 9:1

Sigaho kunezerwa, ewe Isirayeli, nk’ukw abanyamahanga bīnezererewe; kuko wīgize maraya, ukava ku Mana yawe, wakunze impēra z’ubumaraya ku mbuga zose zanikira impeke.

Abalewi 17:7

Ntibaze bapfe basubiye gukererera ibisigo vy’amapfizi y’impene ibimazi vyabo, ari vyo bahurumbira nk’ ibimaka. Ico kize kibabere icagezwe c’intahava ukw ibihe vy’urunganwe rwabo bizogenda bikurikirana.

Abalewi 20:5

jewe ubganje nzohoza igitsūre kur’ uwo muntu, no ku muryango wiwe, ndabarandurane mu bgoko bgabo n’abābīgānye mur’ ubgo bumaka bgo guhurumbira Moleki.

Mika 2:11

Ereg’ umuntu agendana impwemu y’ ikinyoma, akabesha, ati Nkuboneye vino n’ibinyobga; ni we yoba umuvugishwa kur’ ubu bgoko!

Habakuki 2:19

Azobona ibara, ūbgira igiti, ati Ni wikangure! akabarira n’ ibuye ry’ikiragi, ati Haguruka! Mbeg’ ivyo vyoragura? Erega vyayagirijwekw izahabu n’ifeza, arikw imbere nta mpwemu bigira na mba.

Guharūra 15:39

Ubgo buyonga, uko mubukubisekw ijisho, muzokwama mwibuka ivyagezwe vyanje vyose, jewe Uhoraho, muvyitondere; kugira ngo mwoye gukurikira ivyo imitima yanyu n’amaso yanyu vyifuza, ivyo mwakunda guhurumbira bikabahindura ibimaka;

Gusubira mu Vyagezwe 31:16

Uhoraho abarira Mose, ati Rāba, ugiye guhamvya ba sogokuruza bawe; kand’ iri hanga rizohaguruka, bahurumbire izindi mana nk’ibimaka, ari vyo bigirwamana vy’ico gihugu, aho bagiye kuja kuba muri bene co, bamveko, bice isezerano ryanje nasezeranye na bo.

Abacamanza 18:5

Baramubarira, bat’ Enda se tubarize Imana, tumenye ko tuzogira amahirwe mu rugendo rwacu.