Hoseya 2:23 - Bibliya Yera 1951 1967 (Burundi)

²³ Ni jewe nzomwibibira mu gihugu; kandi Ntambabazi nzomugirira imbabazi, mbarire Sabantubanje, nti Mur’ abantu banje; na bo bazovuga, bat’ Ur’ Imana yacu.

Hoseya 2:23 ပူးပေါင်းရင်းမြစ်များ

Zekariya 13:9

Kand’ ico gice ca gatatu nzobacisha mu muriro wo mu ruganda, mbakūremw’ inkamba nk’uko bazikūra mw ifeza, mbageragereshe kubavugutira, nk’uko bagerageza izahabu: bazokwambaza izina ryanje, nanje nzobumva; nzovuga, nt’ Abo n’abantu banje, na bo bazovuga, bat’ Uhoraho ni we Mana yanje.

Abaroma 3:29

Cank’ Imana n’iy’ Abayuda bonyene? Mbega s’iy’ abanyamahanga na bo? Ego me, n’iy’ abanyamahanga na bo:

Zekariya 2:11

Kur’ uwo musi amahanga menshi azokwifatanya n’ Uhoraho, bacike abantu banje; nanje nzogerēra hagati muri wewe, nawe uzomenya yuk’ Uhoraho Nyen’ ingabo yakuntumyeko.

Zaburi 22:27

Abo ku mpera zose z’isi bazokwibuka bahindukirire Uhoraho, Amoko yose yo mu mahanga azosengera imbere yawe.

Malaki 1:11

Kuk’ uhereye iy’ izuba rirasira ugashitsa iyo rirengera izina ryanje rirahambaye mu banyamahanga; kand’ ahantu hose barosereza izina ryanje imibavu, baranshikanira amashikanwa atunganye, kukw izina ryanje rihambaye mu banyamahanga, ni k’Uhoraho Nyen’ ingabo agize.

Hoseya 1:6

Nukw arongera asama inda, avyara umukobga. Uhoraho yongera kumubarira, at’ Izina ryiwe n’umwite Ntambabazi, kuko ntazosubira kugirira imbabazi inzu ya Isirayeli, ngo ndabaharire na gatoya.

Yeremiya 31:27

Eh’ imisi izoza, ni jewe Uhoraho mbivuze, nzobiba imbibe, ni yo nzu ya Isirayeli n’inzu ya Yuda, ndayibibemw’ imbuto, ari zo bantu n’ibitungwa.

Yeremiya 32:38

kandi bazoba abantu banje, nanje nzoba Imana yabo.

Zaburi 68:31

Abaganwa bazoza bavuye muri Egiputa, Etiyopiya hazokwihutira kurāmvurira Imana amaboko yaho.

Yeremiya 16:19

Ewe Uhoraho, nkomezi zanje, gihome canje, buhungiro bganje ku musi w’amagorwa, amahanga azoza kuri wewe avuye mw isi yose iy’ iva ikagera, bavuge, bati Ba sogokuruza bacu nta kindi bārazwe atar’ ibinyoma n’ivy’ ubusa n’ibitagira ikimazi.

Zaburi 118:28

Ni wewe Mana yanje, nzogushima: Ni wewe Mana yanje, nzogushira hejuru.

Zekariya 14:16

Maz’ umuntu wese wo mu masigarira yo mu mahanga yose yateye i Yerusalemu azodūga uk’ umwaka utashe gusenga Umwami Uhoraho Nyen’ ingabo no kumara imisi mikuru y’insago.

Zekariya 14:9

Kand’ Uhoraho azoba Umwami aganza isi yose; kur’ uwo musi Uhoraho azomenyekana kw ar’ umwe gusa, n’izina ryiwe kw ari rimwe gusa.

Zaburi 72:16

Hazokwera impeke habe agahimbo mu gihugu no ku mpinga z’imisozi; Mw igarura ryavyo bizohungabana nk’ibiti vyo kuri Lebanoni: Abo mu gisagara bazororanirwa batotahare nk’ubgatsi bgo mw isi.

Zekariya 10:9

Nzobabiba mu mahanga, kandi bazonyibuka bari mu bihugu vya kure; bazorera abana babo, kandi bazogaruka.

Indirimbo ya Salomo 2:16

Umukunzi wanje n’uwanje nanje nd’uwiwe, Aragira mu birungu.

Hoseya 8:2

Bazontakambira, bati Mana yacu, twebge Abisirayeli turakuzi.

Yesaya 44:5

Umwe azovuga, ati Nd’ uw’ Uhoraho, uwundi azokwiyita izina rya Yakobo, uwundi azokwiyandikira n’ukuboko kwiwe kw ar’ uw’ Uhoraho, yiyita izina rya Isirayeli.

Yakobo 1:1

Yakobo, umugurano w’Imana n’uw’ Umwami Yesu Kristo, ndabandikiye abo mu miryango cumi n’ibiri y’abāsābagiye: muganuke.

Yeremiya 30:22

Kandi muzoba abantu banje, nanje nzoba Imana yanyu.

Yeremiya 33:26

nuko rero nzoca n’uruvyaro rwa Yakobo, n’urwa Dawidi umusavyi wanje, ngo noye gutora mu ruvyaro rwiwe abo kuganza uruvyaro rwa Aburahamu na Isaka na Yakobo; kuko nzotuma bahindukira bakava mu kinyago, kandi nzobagirira imbabazi.

EZEKIYELI 36:29

Kandi nzobakiza ibibanduza vyose, mbahurumbirize ingano ndazikikimvye, kandi sinzobatēza inzara.