Hoseya 13:2 - Bibliya Yera 1951 1967 (Burundi)

² Noneho bagenda barushiriza gukora ivyaha, kandi bikoreye ibishushanyo mu mafeza yabo babivugutiye mu nkero, ni vyo bigirwamana bīgeneye mu bgenge bgabo, vyose ar’ ibikorwa vy’abahanga; bavuga ivyavyo, bati Ni babicumitire ibimazi! Abagabo bagasoma ayo mamasa y’ibigirwamana.

Hoseya 13:2 ပူးပေါင်းရင်းမြစ်များ

1 Abami 19:18

Yamara rero, ngiye kwisigariza abantu ibihumbi ndwi mu Bisirayeli, batigeze bapfukamira Bayali canke ngo bamusome.

2 Ivyo ku Ngoma 28:13

barababarira, bat’ Abo bantu b’inyagano ntimubazane ngaha; kukw ico mugomba gukora kizoducumuza k’ Uhoraho, congereze ivyaha vyacu n’ibicumuro vyacu; kuko na none twācumuye bikomeye, kandi twebge Abisirayeli dufitiwe uburake bg’inkazi.

2 Ivyo ku Ngoma 33:23

Ntiyicisha bugufi imbere y’ Uhoraho, nk’uko se Manase yicishije bugufi, ariko Amoni uwo agenda arushiriza gucumura.

Zaburi 2:12

Mugumbire urya Mwana, kugira ngo ntarake, namwe mugahonera mu nzira, Kuk’ uburake bgiwe bgoca buziriringa: Hahirwa abamuhungirako bose.

Yesaya 1:5

Mbega n’ubu muracadaramīra ngo mukubitwe, ko mwiyongeranya kugarariza? Umutwe wose urarwaye, umutima wose uradendebukiwe.

Yesaya 30:1

Abana b’ibigāba bazobona ibara, ni k’Uhoraho agize, bagīsha inama abandi atari jewe, bakifatanya n’abandi atari Mpwemu wanje, kugira ngo bagereke icaha ku kindi;

Yesaya 44:11

Ereg’ abo bafatanije bose bazomāramāra; kand’ abo bahinga n’abantu buntu: bose ni bakoranire hamwe, baze ahabona; bazogira ubgoba, bamāramārire hamwe.

Yesaya 45:20

Ni mukorane, ni muze, mwīgirire hafi hamwe, mwebge abarokotse bo mu mahanga: abīkorera igiti c’ikigirwamana cabo c’ikibāzano, bagasenga imana idashobora gukiza, nta bgenge bagira.

Yesaya 46:6

Basukanura izahabu mu mupfuko, bagera ifeza ku munzane, bagaha umucuzi w’izahabu ingero, akabicuramw’ imana; bakayīkubita imbere bakayisenga.

Yesaya 46:8

Ni mwibuke ivyo, muvyiyumvire: mwongere muvyibuke, mwa bagarariji.

Yeremiya 10:4

Bagisakara ifeza n’izahabu; bakagikomeresha imisumari n’inyundo, ngo coye kunyiganyiga.

Yeremiya 10:8

Ariko bose uko bangana n’ibiyingiyingi n’ibipfu; ukwigisha kw’igishushanyo guhwanye n’igiti buti.

Yeremiya 8:5

None rero n’iki cashubije inyuma aba bantu b’i Yerusalemu, bagasubira inyuma akagīrīre? Bakobereza ubugunge, bakanka kugaruka.

Hoseya 10:1

Abisirayeli bār’ umuzabibu utotahaye, wama inzabibu zawo; ukw ivyo bamye vyabaye vyinshi, ni ko bagiye bagwiza ibicaniro vyabo vy’ibigirwamana; kand’ ukw igihugu cabo cagiye imbere, ni ko bagiye bashariza inkingi z’ibigirwamana.

Hoseya 10:5

Ababa i Samariya bazocika ivutu kubg’ inyana z’ibigirwamana z’i Betaveni, kukw abantu baho bazoziborogera, bo n’abaherezi bazo bāhora bazinezererwa, baborogere ubgiza bgazo, kuko bgashize.

Hoseya 11:2

Arik’ ukw abo navugisha bāshishikara kubahamagara, ni ko bārushiriza kubaja kure, bagatanga ibimazi kuri Bayali, bakosereza imibavu ibishushanyo bibājwe.

Hoseya 11:6

Inkota izogwa ku bisagara vyabo, izohimbagura imyugariro yabo, iyiherengeteze, bazize imigabo yabo.

Hoseya 14:3

Mut’ Abashuri si bo bazodukiza; muti Ntituzosimbira ku mafarasi; muti Kandi nta ho tuzokwongera kubarira ivyakozwe n’intoke zacu, ngo Mur’ imana zacu; muti Kuko kuri wewe ari ho impfuvyi zigirirwa imbabazi.

Hoseya 2:8

Erega ntiyamenye kw ari jewe namuha za ngano na vino n’amavuta, nkamusenyurirakw ifeza n’izahabu, ivyo bākoreshereje Bayali.

Hoseya 4:17

Efurayimu yifatanije n’ibigirwamana: n’umureke!

Hoseya 8:4

Biyimikiye abami ntabibageze; bitoranirije abaganwa nanje ntabizi: bikoreye ibigirwamana mu mafeza yabo no mu mazahabu yabo, bihamagarira guherengetezwa.

Hoseya 8:5

Nzinutswe imasa yawe y’ikigirwamana, ewe Samariya! Uburake bganje burabaziriringiye: bazogeza ryari kwanka kwihumanura?

Hoseya 8:6

Kukw ico kigirwamana candurutse ku Bisirayeli, umukozi ni we yagikoze: ereg’ ico s’Imana nya mana: mber’ iyo masa y’i Samariya izovunagurwa.

Guharūra 32:14

None namwe musubiye mu gishingo ca ba so, mur’ uruvyaro rw’inkozi z’ibibi, kugira ngo mwongereze uburake bg’Uhoraho arakiye Abisirayeli.

Abaroma 11:4

Arikw Imana yamwishuye ngw iki? Iti Nishigarije abantu ibihumbi ndwi batāpfukamiye Bayali.

Abaroma 2:5

Ariko kuk’ ufise umutima ukomantaye utihana, wirindiriza uburake buzoba ku musi wo kuraka, ah’ amateka abereye y’Imana azohishurirwa,

2 Timoteyo 3:13

Arikw abantu babi, bo n’abahūmbūzi, bazorushiriza kuba babi, bazimiza bakazimizwa.

1 Samweli 10:1

Maze Samweli yābīra agakuza k’amavuta ya elayo, ayamusuka ku mutwe, aramugūmbīra, aravuga, ati Mbeg’ Uhoraho si we akwimitse ng’ ube ari wewe ugaba ishamvu yiwe?