Filipi 4:9 - Bibliya Yera 1951 1967 (Burundi)

⁹ Ivyo mwize, ivyo mwākiriye, ivyo mwumvise, ivyo mwambonanye, abe ari vyo mukora: ni ho Imana Nyen’ amahoro izobana namwe.

Bibiliya mu Kirundi coroshe

⁹ Ivyo mwigishijwe canke mwanyumvanye, canke ivyo mwambonyeko, mubishire mu ngiro. Imana y’amahoro izobana namwe.

Filipi 4:9 ပူးပေါင်းရင်းမြစ်များ

Yesaya 41:10

ntutinye, kuko ndi kumwe nawe; ntukihebure, kuko nd’ Imana yawe: nzogukomeza, nzogutabara, mbere nzokuramira n’ukuboko kw’i buryo kw’ukugororoka kwanje.

Yesaya 8:10

Ni muje inama, ariko zizopfa ubusa; ni muje ingingo, ariko ntizoshika, kukw Imana iri kumwe natwe.

Matayo 1:23

ngo Rāba, inkumi izotwara inda, ivyare umwana w’umuhungu, Bazomwita Imanuweli; risobanurwa ngw Imana iri kumwe natwe.

Matayo 28:20

mubigishe kwitondera ivyo nabageze vyose. Umve, ndi kumwe namwe imisi yose, gushitsa ku muhero w’isi.

Matayo 7:21

Umuntu wese amvumereza, ati Mwami, Mwami; si we azokwinjira mu bgami bgo mw ijuru, atar’ ūkora ivyo Data wo mw ijuru agomba.

Luka 6:46

Kandi munyitira iki Mwami, Mwami; ntimukore ivyo mvuga?

Luka 8:21

Na we arabishura, ati Mama na bene mama n’aba bumva ijambo ry’Imana bakarikora.

Yohana 13:17

Ni mwamenya ivyo, muzoba muhiriwe ni mwabikora.

Yohana 15:14

Mur’ abakunzi banje, ni mwakora ivyo mbagera.

Yohana 2:5

Nyina abgira abasuku, at’ Ic’ ababgira cose mugikore.

Ivyakozwe 9:6

ariko va hasi, ushike mu gisagara, uzobarirwa ivy’ ukwiye gukora.

Abaroma 15:33

Imana Nyen’ amahoro ibane namwe mwese. Amen.

Abaroma 16:20

Imana Nyen’ amahoro izofyonyorera Satani vuba musi y’ibirenge vyanyu. Ubuntu bg’Umwami wacu Yesu Kristo bubane namwe.

1 Korinto 10:31

Nukw iyo murya, canke munywa, canke mukora ikindi kintu cose, mube mukorera vyose gushimisha Imana.

1 Korinto 14:33

kukw Imana atar’ iy’ umuvurungano, ariko n’iy’ amahoro. Nk’uko bimeze mu mashengero yose y’abera,

1 Korinto 4:16

Nuko ndabinginga, munyigāne.

2 Korinto 13:11

Ibisigaye bene Data, muganūke; mutungane rwose, mwemere guhanūrwa, muhuze imitima, mubane amahoro. Ni ho Imana Nyen’ urukundo n’amahoro izobana namwe.

Gusubira mu Vyagezwe 5:1

Mose ahamagara Abisirayeli bose, arababarira, ati Yemwe Bisirayeli, ni mwumve amabgirizwa n’ivyagezwe mvugira mu matwi yanyu uyu musi, kugira ngo muvyige, muvyitondere, mubishitse.

Filipi 3:17

Bene Data, munyigāne, mwitegereze abagenda batwīgāna, nk’uko mudufisekw icitegererezo.

Filipi 4:7

Maz’ amahoro y’Imana aruta uko yomenywa n’umuntu wese, azoshibamira imitima yanyu n’ivyiyumviro vyanyu muri Kristo Yesu

1 Tesalonike 1:6

Namwe mwaratwīgānye, mwīgāna n’Umwami wacu, mumaze kwakīrira ijambo ry’Imana mu marushwa menshi, munezerejwe na Mpwemu Yera,

1 Tesalonike 2:14

Namwe bene Data, mwīgānye amashengero y’Imana y’i Yudaya, ari muri Kristo Yesu, kukw ivyo mwābabajwe n’ubgoko bganyu ari bimwe n’ivy’ abo bābabajwe n’Abayuda,

1 Tesalonike 5:23

Kand’ Imana Nyen’ amahoro ibe ari yo ibeza rwose: kand’ impwemu yanyu n’ubugingo n’umubiri vyose hamwe bizigamwe, ngo bize bisangwe bitagira umugayo, ah’ Umwami wacu Yesu Kristo azozira.

2 Tesalonike 3:4

Kandi twizigiye Umwami ku vyanyu, yukw ivyo tugeze mubikora kandi muzokwama mubikora.

2 Timoteyo 4:22

Umwami abane n’umutima wawe. Ubuntu bg’Imana bubane namwe.

Yakobo 1:22

Kandi mube abakora ivy’ iryo jambo, ntimube abaryumva gusa, mwibesha.

2 Petero 1:10

Ni co gituma, bene Data, mukwiye kurushiriza kugira umwete wo gukomeza ihamagarwa ryanyu, bo n’ugutoranywa. Ni mwakora ivyo, ntimuzotsitara na gatoya.

1 Yohana 3:22

kand’ ico dusaba cose tugihabga na yo, kuko twitondera ivyagezwe vyayo, tugakora ibishimwa imbere yayo.