EZEKIYELI 7:3 - Bibliya Yera 1951 1967 (Burundi)

³ Noneh’ umuhero ugushitseko, ngira nguteze uburake bganje, ngucire urubanza ruhwanye n’ ingeso zawe; kand’ ibizira vyawe vyose nzobigusubiza ku mutwe.

EZEKIYELI 7:3 ပူးပေါင်းရင်းမြစ်များ

Itanguriro 6:13

Imana ibarira Nowa, iti Ndamaramaje guherengeteza abari n’ umubiri bose, kukw isi yuzuye umuryano kubgabo; nuko nzobarandurana n’isi.

Yesaya 47:7

Urīyāga, uti Nzoba umugabekazi ibihe bidashira. Ivyo ntiwarushe ubishirak’ umutima, canke ngo wibuke iherezo ryavyo.

Yeremiya 13:14

Nzobasekanisha nk’impfizi z’intama, umwe n’uwundi, abana na ba se, ni jewe Uhoraho mbivuze: nta kagongwe nzogira, cank’ impuhwe, cank’ imbabazi, ngo bimbuze kubageseza.

EZEKIYELI 11:21

Ariko ku vy’abo bafise imitima ihuramye ku bigirwamana vyabo nanka urunuka n’ibizira vyabo, izo ngeso zabo nzozibasubiza ku mitwe, ni k’ Umwami Uhoraho agize.

EZEKIYELI 16:38

Kandi nzogucira urubanza ruhwanye n’urwo bacira abagore b’abasambanyikazi n’abagore bavisha amaraso; ishavu n’ifuhe ngufitiye nzotuma bikuvisha amaraso nawe.

EZEKIYELI 16:43

Kuk’ utibutse imisi yo mu buto bgawe, arik’ ukantera ishavu kubg’ ivyo vyose; nuko rero, ehe ngira ngusubize ku mutwe ingeso zawe, ni k’Umwami Uhoraho agize: kandi ntuzoba ukigereka ubgo bushakanyi ku bizira vyawe vyose.

EZEKIYELI 16:59

Kuk’ ukw ari k’ Umwami Uhoraho agize, ati Nzokugirira nk’uko nawe wagize, wakēngereye indahiro wica isezerano.

EZEKIYELI 18:30

Ni co gituma, yemwe ab’ inzu ya Isirayeli, ngira mbacire urubanza, umuntu wese nk’ukw inzira ziwe zimeze, ni k’Umwami Uhoraho agize. Ni mugaruke, muhindukire muve mu bicumuro vyanyu vyose, ibigabitanyo vyoye kubazanira kugesezwa.

EZEKIYELI 21:25

Nawe, wa munyakibi wakomerekejwe akagīrīre, wa mwami w’Abisirayeli, washitsweko n’umusi wawe, igihe giherahereza ibigabitanyo vyawe;

EZEKIYELI 22:31

Ni co catumye mbarekurirak’ ubushangashirwe bganje, nkabamarisha umuriro w’uburake bganje: ingeso zabo nazibashubije ku mitwe, ni k’Umwami Uhoraho agize.

EZEKIYELI 24:14

Ni jewe, Uhoraho, mbivuze: bizoshika, kand’ ari jewe mbikoze; sinzokwigarura, canke ngo ngire ico nziguriza, canke ngo nicuze; nk’ukw ingeso zawe ziri, kandi nk’ ukw ibikorwa vyawe biri, ni ko bazogucira urubanza, ni k’ Umwami Uhoraho agize.

EZEKIYELI 33:20

Yamara muravuga, mut’ Inzira y’Umwami Imana ntiroranye. Yemwe ab’ inzu ya Isirayeli, ngira mbacire urubanza, umuntu wese nk’ukw inzira ziwe zimeze.

EZEKIYELI 36:19

maze mbasābagiriza mu mahanga, bashwiragirira mu bihugu: nabaciriye urubanza ruhwanye n’ingeso zabo n’ibikorwa vyabo.

EZEKIYELI 5:12

Ikigira gatatu cawe kizokwicwa n’ikīza, na kigoyi kizobamarira hagati muri wewe; ikindi kigira gatatu kizoririkirwa n’inkota impande zawe zose; n’ikindi kigira gatatu nzogishwiragiriza mu birēre vyose, kandi nzosokōra inkota ibirukane.

EZEKIYELI 5:13

Uko ni ko nzoba nimaze ishavu, n’ubushangashirwe nabagiriye nzoba ndabutuye, kandi nzoba nshizwe: nuko bazomenya yuko jewe, Uhoraho, nabivuganye agatsi, ni naheza kwimara uburake mbafitiye.

EZEKIYELI 7:2

riti Nawe, mwana w’umuntu, uku ni k’Umwami Uhoraho abarira igihugu c’Abisirayeli, at’ Umuhero! Umuhero ushitse mu mpande zine z’igihugu!

EZEKIYELI 7:27

Umwami azocura akanihiro, n’umuganwa ubujonjogore bumufate, amaboko y’abantu bo mu gihugu ahinde agashitsi: nanje nzobagirira nk’ukw ingeso zabo zimeze, mbacire urubanza rukwiranye na bo; maze bazomenya yuko jewe nd’ Uhoraho.

EZEKIYELI 7:4

Ijisho ryanje ntirizokuziguriza, kandi nta n’akagongwe nzogira: arikw ingeso zawe nzozigusubiza ku mutwe, kand’ ibizira vyawe bizokubonekako: ni ho uzomenya yuko jewe nd’ Uhoraho.

EZEKIYELI 9:10

Ati Nanje rero, ijisho ryanje ntirizogira ico riziguriza, nta n’akagongwe nzogira, arikw ingeso zabo nzozibasubiza ku mutwe.

Hoseya 12:3

Yafashe igitsintsiri ca mukuru we bakiva mu nda ya nyina; kand’ amaze gukura yahotoranye n’Imana:

Amosi 8:2

Maz’ arambaza, at’ Ubonye iki ga Amosi? Nti Mbonye igisimbo c’amatunda ahīshiye. Maz’ Uhoraho arambgira, at’ Amateka y’abantu banje b’Abisirayeli arahīshishijwe; kandi sinzosubira kwirengagiza ivyabo ukundi.