Esiteri 5:4 - Bibliya Yera 1951 1967 (Burundi)

⁴ Esiteri aramwishura, ati Mwami, ni wavyemera, uyu musi wozanana na Hamani ku giturire mbīteguriye.

Esiteri 5:4 ပူးပေါင်းရင်းမြစ်များ

Itanguriro 27:25

Aramubarira, ati Vyīgize hino, nanje ndye ku vyo wahīze, mwana wanje, kugira ngo nguhezagire. Arabimwegereza, ararya: amuzanira vino, arashōza.

Itanguriro 32:20

kandi muvuge, muti Mbere n’umusavyi wawe Yakobo ar’ inyuma yacu. Kuko yiyumviriye, ati Reka ndamuhōyahōyeshe indamukanyo zinyītangiye imbere, mpeze mbone guseruka imbere yiwe: kumbure yondeka akampangaza.

Esiteri 1:9

Kandi n’umwamikazi Vashiti atumirira abagore amazimano mu ngoro y’umwami Ahasuwerusi nyene.

Esiteri 3:15

Nukw izo ntumwa zigenda zihuta, kubgo kwihanikirizwa n’ umwami; iryo teka ryamamara no ku murwa i Shushani. Maz’ umwami na Hamani biyicarira ngo banywe; arikw abo ku murwa i Shushani barumirwa.

Esiteri 5:3

Nuk’ umwami aramubaza, at’ Uragomba iki ga mwamikazi Esiteri? Urasaba iki? Ndakiguha, n’iyo coba igisate c’igihugu canje.

Esiteri 5:5

Nuk’ umwami aravuga, ati Ni munyarukane Hamani, kugira ngo bibe nk’uko Esiteri avuze. Nuk’ umwami na Hamani baja ku giturire Esiteri yiteguye.

Esiteri 5:8

namba ngize ubutoni imbere yawe, mwami, ukemera kumpa ico nsaba, no gushitsa ico ndondera, mwokwongera kuza, mwe na Hamani, ku giturire nzobītegurira; kand’ ejo ico uvuze nzogikora, mwami.

Zaburi 112:5

Hahirwa ūgira neza, akagurāna abandi, Agakora ibikorwa vyiwe uburyo butunganye.

Imigani 29:11

Igipfu gihogomboka ivy’ uburake bgaco bgose, Arik’ umunyabgenge we, iyo buje arabutsindagira, akabuhwamika.

1 Korinto 14:20

Bene Data, ntimube abana mu bgenge, ariko mube ibitazi mu bibi; ariko mu bgenge mube abagabo.