Daniyeli 6:10 - Bibliya Yera 1951 1967 (Burundi)

¹⁰ Maze Daniyeli amenye kw ico candiko casinyweko, aja i we; kand’ amadirisha y’inzu yiwe yerekeye i Yerusalemu yama yuguruye; akomeza gupfukama gatatu‐gatatu ku musi, asenga Imana yiwe ayikengurukira, nk’uko yar’ asanzwe abigenza.

Daniyeli 6:10 ပူးပေါင်းရင်းမြစ်များ

1 Abami 8:30

Kand’ uze wame wumva ukwinginga kwanje, jewe umusavyi wawe, n’ ukw’ abantu bawe b’Abisirayeli, uko tuzosenga dutumbereye aha hantu; ego me koko, uze wame uvyumva uri mw ijuru ah’ uba, kand’ uk’ uzovyumva, uze wame uharira.

1 Abami 8:38

hakagira ūsenga akinginga, naho yoba umuntu umwe cank’ abantu bawe bose b’Abisirayeli, umuntu wese ukw azoba yimenyekw indwara yo mu mutima wiwe, akagaranzura amaboko ayatumbereje iyi ngoro;

1 Abami 8:44

Kand’ abantu bawe ni baramuka bagiye gutera abansi babo ah’ uzoba ubagomoye hose, bakagusenga wewe Uhoraho, batumbereye uyu murwa watoranije n’iyi ngoro nubakiye izina ryawe;

1 Abami 8:54

Nuko Salomo arangije gusengesha ayo majambo yose no kwinginga Uhoraho, arahaguruka ava imbere y’igicaniro c’Uhoraho, aho yamye apfukamye agaranzuye amaboko ayatumbereje mw ijuru.

2 Ivyo ku Ngoma 6:13

kandi Salomo yari yashinze ikintu kirekire c’imiringa co guhagararako; uburebure bgaco bg’ umurambararo bgar’ amatambge atanu y’ukuboko uciriye mu nkokora, ubgaguke bgaco bgar’ amatambge atanu nyene, uburebure bg’igihagararo bgar’ amatambge atatu; yari yagishinze mu rugo rw’intangāro hagati; ni ho yar’ ahagaze; nukw araheza apfukama imbere y’ikoraniro ryose ry’Abisirayeli, agaranzura amaboko ayatumbereje mw ijuru,

2 Ivyo ku Ngoma 6:38

bakakugarukako n’imitima yabo yose n’ ivyiyumviro vyabo vyose, bari mu gihugu banyagiwemwo, aho bābajanye ar’ inyagano, bakagusenga batumbereye igihugu cabo, ico wahaye ba sekuruza, n’uyu murwa watoranije, n’iyi ngoro nubakiye izina ryawe,

Ezira 9:5

Ikimazi ca ni kera kimaze gushikanwa, mva hasi aho nari nicaye ntēterewe, imvune yanje n’ umutamana wanje ar’ ibitabagurike; nca nkubita amavi hasi, nayira amaboko Uhoraho Imana yanje;

Nehemiya 6:11

Nanje ndamwishura, nti Mbeg’ umuntu nkanje nohunga? Kand’ umuntu nkanje yokwinjira mu rusengero ngo yikize? Eka sinjayo!

Zaburi 34:1

Nzokwama mpimbaza Uhoraho ibihe vyose, Ishimwe ryiwe rizoba mu kanwa kanje urudaca.

Zaburi 5:7

Ariko jeho, ubginshi bg’imbabazi zawe buzonyinjiza mu ngoro yawe, Nzokwikubita hasi nsenge nkwubashe, nerekeye urusengero rwawe rwera.

Zaburi 55:17

Ku mugoroba no mu gitondo no mu mashōka nzokwama niganyira, ncura umuniho, Na we azokwumva ijwi ryanje.

Zaburi 86:3

Ngirira ikigongwe Mwami, Kukw ari wewe ntakambira umusi ukīra.

Zaburi 95:6

Ni muze tumusenge twunamye, Dupfukamire Uhoraho Umuremyi wacu,

Daniyeli 6:13

Baca bishura umwami, bat’ Ariko Daniyeli we wo mu banyagano b’Abayuda, ntaruha akubara, mugenzi, canke ca cihanikirizo wasinyeko, arikw asenga gatatu‐gatatu ku musi.

Daniyeli 9:4

Nsenga Uhoraho Imana yanje, ndātura, nti Bgirukiro Mana nkuru y’igitinyiro, wewe wama ushitsa isezerano, ukagirira imbabazi abagukunda bakitondera ivyagezwe vyawe:

Yona 2:4

Ndavuga, nti Nciwe mu nyonga zawe; Ariko nzokwongera gutumbera urusengero rwawe rwera.

Mariko 3:3

Abarira uwo muntu anyunyutse ukuboko, ati Va hasi, uhagarare hagati.

Luka 14:26

at’ Umuntu ni yaza kuri jewe, ntiyanke se, na nyina, n’umugore wiwe, n’abana biwe, na bene nyina, na bashiki biwe, mbere n’amagara yiwe na yo, ntashobora kuba umwigishwa wanje.

Luka 22:41

Atandukana na bo, ashika nk’ahoterwa ibuye, arapfukama, arasenga,

Ivyakozwe 10:9

Bukeye bg’aho, bakigenda, bari hafi gushika mu gisagara, Petero yūrira hejuru ku nzu gusenga, hāri nk’isaha zitandatu.

Ivyakozwe 2:15

Aba ntibaborewe nk’uko mwiyumvira, kuk’ ubu ar’ isaha zitatu z’umusi,

Ivyakozwe 20:24

Ariko simbabaye ubugingo bganje nk’ah’ ar’ubg’ igiciro, kugira ngo ndangize urugendo rwanje, n’igikorwa nahawe n’Umwami Yesu, co gushingira intahe ubutumwa bgiza bg’ubuntu bg’Imana.

Ivyakozwe 20:36

Amaze kuvuga artyo, arapfukama, asengera hamwe na bo bose.

Ivyakozwe 21:5

Turangije iyo misi, tuvayo turagenda, bose baduherekezanya n’abagore n’abana, baturenza igisagara, dupfukama ku musenyi, turasenga.

Ivyakozwe 3:1

Petero na Yohana bāriko baradūga baja mu rusengero mu gihe co gusenga, ni co saha cenda.

Ivyakozwe 4:29

Kandi none, Mwami, rāba agahahirizo kabo, uhe abasavyi bawe kuvuga ijambo ryawe bashize amanga rwose:

Ivyakozwe 5:20

ati Ni mugende, muhagarare mu rusengero, mubarire abantu amajambo yose ya bga Bugingo.

Ivyakozwe 5:29

Maze Petero n’intumwa barabishura, bat’ Igikwiye n’ukwumvira Imana kuyirutisha abantu.

Ivyakozwe 7:60

Araheza arapfukama, asemerera n’ijwi rirenga, ati Mwami, ntubaharūrekw iki caha. Amaze kuvuga artyo, aca aracīkāna. Kandi Sauli na we yarabishimye ko yicwa.

Ivyakozwe 9:40

Petero arabataramura bose, arapfukama, arasenga; maz’ ahindukirira umuvyimba, ati Tabita, vyuka. Arakanura; maz’ abonye Petero, aravyuka, aricara.

Abanyefeso 3:14

Ni co gituma mpfukamira Data wa twese,

Filipi 1:14

Kand’ abenshi bo muri bene Data bari mu Mwami wacu, bāremeshejwe n’ingoyi zanje, barushiriza gutinyuka kuvuga ijambo ry’Imana bashize amanga.

Filipi 1:20

nk’uko niteze cane nkizigira yuko hatazogira ikintu kimmāramāza, ariko ko mu bushizi bg’amanga bganje bgose Kristo aheshwe icubahiro n’umubiri wanje, nk’uko bihora biba, na none kw ari ko bizoba, naho noba ndiho canke naho noba mpfuye.

Filipi 4:6

Ntimugire ico mwiganyira, ariko muri vyose ivyo mugomba bimenyeshwe Imana, mu gusenga no mu kwinginga bifatanije no gukenguruka.

Kolosayi 3:17

Kand’ ivyo muzokora vyose, mu majambo no mu bikorwa, muhore mubikora vyose mw izina ry’Umwami Yesu, mushima Imana Data wa twese kubg’ uwo.

Abaheburayo 13:15

Nuko na ntaryo twame duha Imana ikimazi co gukenguruka tubiheshwa n’uyo, ni co mbuto z’iminwa ishima izina ryayo.

Abaheburayo 4:16

Nuko ni twēgēre intebe y’ubuntu dushize ubgoba, kugira ngo turonke ikigongwe, tubone ubuntu bgo kudutabara mu gihe gikwiye.

Ivyahishuwe 2:10

Ntutinye ivy’ ugira ubabazwe. Eh’ uwo Murwanizi agira ashire bamwe muri mwebge mw ibohero kugira ngo mugeragezwe, kandi muzogira amarushwa imisi cumi. Wame uyoboka gushitsa ku gupfa, nanje nzoguha igitsibo c’ubugingo.

Ivyahishuwe 2:13

ngo Ndazi ah’ uba, kw ari ho umurwa wa Satani uri; kandi wumiye kw izina ryanje, ntiwihakanye kunyizera no mu misi ya Antipa, icabona canje, n’umugororotsi wanje, yiciwe i wanyu, aho Satani aba.