Daniyeli 2:22 - Bibliya Yera 1951 1967 (Burundi)

²² ni yo ihishura ivy’ amabanga y’iyo bihera; ni yo izi ibiri mu mwiza, kand’ umuco ubana na yo.

Daniyeli 2:22 ပူးပေါင်းရင်းမြစ်များ

Itanguriro 41:16

Yosefu yishura Farawo, ati Si jewe mbishobora, Nyaguhora ku ngoma, Imana ni yo ija kukwishura ivy’amahoro.

Yobu 12:22

Iserura ibitamenyekana vyo mu mwiza, Kand’ igitūtu c’urupfu igishira ahabona.

Yobu 26:6

I kuzimu hambaye ubusa imbere y’Imana, Mu mahonero nta mwambaro hikinzeko.

Zaburi 104:2

Wifubika umuco nk’umwambaro; Ugaranzura ijuru nk’ihema.

Zaburi 25:14

Ibanga ry’Uhoraho rifiswe n’abamwubaha, Azobereka isezerano ryiwe.

Zaburi 36:9

Kukw ah’ uri ari ho har’ isōko y’ubugingo: Mu muco wawe ni ho tuzobonera umuco.

Umusiguzi 8:1

Ni nde ameze nk’umunyabgenge? Ni nde azi ukw ikintu gisobanurwa? Ubgenge bg’umuntu buzana umuco mu maso hiwe, bukahakūra iminkanyari.

Yesaya 41:22

Ni babiserure, batubarire ibizoba: ni muvuge ivyabayeho ivy’ ari vyo, kugira ngo tuvyiyumvire, tumenye iherezo ryavyo; canke se mutwereke ibizoza.

Yesaya 41:26

Ni nde yabivuze uhereye ubga mbere ngo tubimenye, canke ni nde yabivuze kera kugira ngo tuvuge, tut’ Ivyo n’ivy’ ukuri? N’ukuri koko nta wabivuze, n’ukuri nta wavyerekanye, n’ukuri nta wumvise amajambo yanyu.

Yesaya 42:9

Rāba ivya mbere birashitse, kandi ndabamenyesha n’ibisha; bitaraseruka ndabibabgira.

Yesaya 45:7

Ni jewe nkomoko y’umuco, nd’ umuremyi w’umwiza; nd’ isōko y’impore, nd’umuremyi w’ivyago: ni jewe Uhoraho nkora ivyo vyose.

Yeremiya 23:24

Har’ uwoshobora kwinyegeza ahantu hihishije ngo nanje sindamubone? ni jewe Uhoraho mbibajije. Mbega sinkwiye ijuru n’isi? ni jewe Uhoraho mbibajije.

Yeremiya 33:3

ati Mpamagara, nanje ndakwitaba, nkwereke ibihambaye n’ivyikinze, ivy’ utaribgamenye.

Daniyeli 2:11

Ico utugobererako kiragoye, kandi nta wundi ariho yoshobora kucerekana imbere yawe, mwami, atar’ imana, na zo ntizibana n’abafise umubiri.

Daniyeli 2:19

Nuko Daniyeli ahishurirwa ayo mabanga, avyerekwa nko mu nzozi mw ijoro. Maze Daniyeli atazira Imana yo mw ijuru.

Daniyeli 2:47

Nuk’ umwami abgira Daniyeli, ati N’ukuri Imana yanyu ni yo Mana nya mana, ni yo Shebuja w’abami, kandi ni yo ihishura amabanga, kuk’ ushoboye guhishura iryo banga.

Daniyeli 5:11

kuko mu gihugu cawe har’ umuntu arimw’ impwemu z’imana zera. Kandi ku ngoma ya so umuco no gutahura n’ubgenge buhwanye n’ubgenge bg’izo mana vyabonetse muri we. Kandi so umwami Nebukadineza, umwami so yakuvyaye, yamugize umukuru w’abanyamarēba n’abapfumu n’Abakaludaya n’abamenyi;

Daniyeli 5:14

Numvise bakuvuga ngw impwemu z’imana ziri muri wewe, kandi ng’ umuco no gutahura n’ubgenge bg’agahebuza bikubonekamwo.

Matayo 13:13

Igituma mbabgirira mu migani, n’ukw iyo barāba batabona; kand’ iyo bumva batumva, badatahura.

Yohana 1:9

Umuco w’ukuri, wākira umuntu wese, warik’ uraza mur’ iyi si.

Yohana 21:17

Amubaza ubugira gatatu, ati Simoni, mwene Yohana, mbeg’ urannogera? Petero arababara, kuko yamubajije ubugira gatatu ngo Mbeg’ urannogera? Aramwishura, ati Mugenzi, weho urazi vyose, urazi ko nkunogera. Yesu aramubgira, at’ Ahura intama zanje.

Yohana 8:12

Yesu yongera kubabgira, ati Jewe nd’ umuco w’isi, ūnkurikira nta ho azogenda mu mwiza, arikw azogira umuco w’ubugingo.

1 Korinto 4:5

Ni co gituma mudakwiye guca urubanza rw’ikintu na kimwe igihe carwo kitarashika, ni co kuza kw’Umwami wacu, azomurika ivyari vyanyegejwe mu mwiza, kand’ azogaragaza inama zo mu mitima: ni ho umuntu wese azohabga n’Imana ishimwe rimukwiye.

Abanyefeso 3:5

Ivyo, abana b’abantu ntibābimenyeshejwe mu bindi bihe, nk’uko mur’ iki gihe intumwa ziwe zera n’abavugishwa na we bābihishuriwe na Mpwemu:

Gusubira mu Vyagezwe 29:28

Uhoraho akabarandura, akabakūra mu gihugu cabo, bivuye kw ishavu abafitiye, n’uburake n’ubushangashirwe bginshi, akabashiburira mu kindi gihugu, nk’uko biri uyu musi.

1 Timoteyo 6:16

ni yo yonyene ifise ukudapfa, iba mu muco utēgērwa, ata muntu yigeze ayibona, ata wushobora kuyibona. Icubahiro n’ubushobozi bidashira bibe ivyayo. Amen.

Abaheburayo 4:13

Kand’ imbere yayo nta caremwe gihishijwe, ariko vyose vyambaye ubusa, biragaragara, imbere y’inyonga z’Iyizotubaza ivyo twakoze.

Yakobo 1:17

Gutanga kwose kwiza, n’ingabire yose itunganye rwose biva mw ijuru, vyururuka biva kuri Se w’imico, adashobora guhinduka canke kugira igitūtu gitewe n’uguhindagurika.

1 Yohana 1:5

Ubu ni bgo butumwa twumvise bgavuye kuri we, tukabubabgira, yukw Imana ar’ umuco, kandi muri yo ko hatagira umwiza na mukeya.