Amosi 9:9 - Bibliya Yera 1951 1967 (Burundi)

⁹ Kuko rāba nzobishinga, ngosorere ab’ inzu ya Isirayeli mu moko yose, nk’ibigosozwa urutaro, ariko nta gatete na kamwe kazokorokera hasi.

Amosi 9:9 ပူးပေါင်းရင်းမြစ်များ

Yesaya 27:12

Kur’ uwo musi Uhoraho azosekura akūre impeke ziwe, uhereye kuri rwa ruzi Efurate, ugashitsa kuri wa Mugezi wa Egiputa; maze muzonobagurwa umwe‐umwe, mwebge Abisirayeli.

Yesaya 28:28

Mbeg’ impeke z’umutsima mu gusekura barazimenagura? Ereg’ umuntu ntiyokwama arazihūra: mbere naho yozitembagazako ikurudumu y’umukogote wiwe n’amafarasi yiwe, yirinda kutazimenagura.

Yesaya 30:28

impwemu ziwe zimeze nk’umugezi ushēshe ugashika no mw izosi, ngo zigosoze amahanga urutaro rumara umuguruka: kand’ umujiginya uzimiza uzoba mu binyigishi vy’ amahanga.

Yeremiya 31:36

at’ Ivyo nageze ivyo ni vyava mu nyonga zanje, ni jewe Uhoraho mbivuze, ni ho uruvyaro rwa Isirayeli na rwo ruzoreka kuba ihanga mu nyonga zanje ibihe bidashira.

Yeremiya 46:28

Ntutinye, ewe Yakobo musavyi wanje, ni jewe Uhoraho mbivuze, kuko ndi kumwe nawe: kuko nzoherengeteza amahanga yose, ayo nagushwiragirijemwo: ariko weho sinzoguherengeteza; mugabo nzoguhana ibigeze, sinzokureka ntaguhannye.

Yeremiya 49:36

Kandi nzohuruza kuri Elamu imiyaga ine iturutse ku mpande zine z’ijuru, mbashwiragirize mur’ ivyo birēre vyose; abirukanywe b’i Elamu nta hanga batazoshikamwo.

EZEKIYELI 20:38

kandi nzokūra muri mwebge abagarariji n’abancumuyeko, mbakūre mu gihugu barimwo, ariko ntibazoshika mu gihugu c’i Bgisirayeli: nuko muzomenya yuko jewe nd’ Uhoraho.

EZEKIYELI 36:19

maze mbasābagiriza mu mahanga, bashwiragirira mu bihugu: nabaciriye urubanza ruhwanye n’ingeso zabo n’ibikorwa vyabo.

EZEKIYELI 39:28

Maze bazomenyeshwa yuko nd’ Uhoraho Imana yabo, n’uko natumye bajanwa mu mahanga ar’ inyagano, ngatako nkabakoraniriza hamwe mu gihugu cabo bgite; kandi sinzosubira kugira n’umwe muri bo nsigayo,

EZEKIYELI 5:10

Ni co gituma ba se b’abana bazobarīra hagati muri wewe, n’ abana bazorya ba se; kandi nzocira amateka muri wewe, n’amasigarira yawe yose nzoyashwiragiriza mu birēre vyose.

EZEKIYELI 5:12

Ikigira gatatu cawe kizokwicwa n’ikīza, na kigoyi kizobamarira hagati muri wewe; ikindi kigira gatatu kizoririkirwa n’inkota impande zawe zose; n’ikindi kigira gatatu nzogishwiragiriza mu birēre vyose, kandi nzosokōra inkota ibirukane.

Abalewi 26:33

Namwe nzobashwiragiriza mu mahanga, nsokōre inkota, mbirukane; igihugu canyu kizosigara gitamāriwe, n’ibisagara vyanyu bicike imisaka.

Luka 22:31

Ati Simoni, Simoni, rāba Satani yabasavye ngw abagosore nk’ingano;

Gusubira mu Vyagezwe 28:64

Kand’ Uhoraho azobashwiragiriza mu mahanga yose, uhereye ku mpera y’isi ugashitsa ku yindi; kandi muzosabiray’ izindi mana z’ibiti n’iz’amabuye, mutigeze kumenya, ari mwebge canke ba sogokuruza banyu.