Amosi 5:7 - Bibliya Yera 1951 1967 (Burundi)

⁷ Yemwe abahindura imanza zigacika umururazi, ukugororoka mukagushiburira hasi,

Amosi 5:7 ပူးပေါင်းရင်းမြစ်များ

Zaburi 125:5

Arikw abizimagiriza mu nzira zabo zigoramye, Uhoraho azobashorerana n’ inkozi z’ibibi. Amahoro abe mu Bisirayeli.

Zaburi 36:3

Amagambo yo mu kanwa kiwe n’ukugabitanya n’ubugunge; Yaretse kugira ubgenge no gukora ivyiza.

Imigani 21:7

Amanyama y’abanyakibi azobavumbura, Kuko banse gukora ibiroranye.

Yesaya 1:23

Abakuru bawe n’abagarariji, n’abagenzi b’ibisuma; umuntu wese muri bo akunda ingurire, akurikira guhongerwa; ntibacira urubanza impfuvyi, kand’ imanza z’abapfakazi ntizigera aho bari.

Yesaya 10:1

Bazobona ibara, abashinga ivyagezwe bitabereye, n’abanditsi bandika ibigoramye;

Yesaya 46:12

Ni munyumve, yemwe ab’ imitima ikomantaye, abari kure y’ukugororoka:

Yesaya 5:20

Bazobona ibara, abīta ikibi iciza, iciza bakacīta ikibi; bagashira umwiza mu gishingo c’umuco, n’umuco mu gishingo c’umwiza; bagashira ibirura mu gishingo c’ibisosa, n’ibisosa mu gishingo c’ibirura!

Yesaya 5:7

Kuk’ uruzabibu rw’Uhoraho Nyen’ ingabo ari rwo nzu ya Isirayeli, kand’ abagabo b’i Buyuda ari bo muzabibu wamuhimbara; kandi yabazigamw’ imanza zibereye arikw abasangamw’ uguhahaza: yabazigamw’ ubugororotsi arikw abasangamw’ amaborogo.

EZEKIYELI 18:24

Arik’ umugororotsi ni yahindukira akava mu bugororotsi bgiwe, agakora ivy’ ukugabitanya, akīgāna ibizira vyose umunyakibi akora, mbega yobaho? Mu bikorwa vy’ubugororotsi vyose yakoze, nta na kimwe kizokwibukwa: ubuhemu bgiwe yagize, n’ivyaha vyiwe yakoze, ni vyo azopfa azize.

EZEKIYELI 3:20

Ikindi, umugororotsi ni yahindukira akareka ubugororotsi bgiwe, agakora ivy’ ukugabitanya, nanje ngashira igitsitaza imbere yiwe, azopfa: kuk’ utāmubūriye, azopfira mu caha ciwe; kand’ ibikorwa vyiwe bigororotse yakoze ntazobiharūrwako, arikw amaraso yiwe nzoyakuronderako.

EZEKIYELI 33:18

Umugororotsi ni yahindukira akava mu bugororotsi bgiwe, agakora ivy’ ukugabitanya, azopfa ari vyo azize.

Hoseya 10:4

Bavuga amagambo atagira ikimazi, bakarahira ibinyoma mu gusezerana amasezerano; ni co gituma amateka azobaduka nk’uk’ ururamba rubaduka mu busīze bgo mu ndimiro.

Amosi 2:3

Kandi nzohahenebereza ūhaganza, ndamwicane n’abaganwa baho bose, ni k’Uhoraho agize.

Amosi 3:10

Kuko batazi gukora ibitunganye, ni k’Uhoraho agize, birundaniriza umuryano n’ubgambuzi mu ngoro zabo.

Amosi 6:12

Mbeg’ amafarasi yokwiruka ku rutare? Canke har’ uwoharimisha inka? Ariko mweho imanza ziroranye mwāzihinduye ibamba, n’imbuto z’ukugororoka mwāzihinduye umururazi,

Mika 3:9

Ni mwumve se ndabinginze, yemwe bakuru bo mu b’inzu ya Yakobo, namwe abaganza bo mu b’inzu ya Isirayeli, mwebge abazinukwa imanza ziroranye, mukagoreka ivyari bibereye vyose;

Habakuki 1:4

Ni co gituma amabgirizwa asigaye yāfōrorotse, akaba ata manza ziroranye zikiboneka na mba: kuk’ umunyakibi atangatanze umugororotsi irya n’ino, bigatuma imanza ziboneka zigoramye.

Zefaniya 1:6

n’ abasubiye inyuma bakareka kunkurikira jewe Uhoraho; n’abatigeze kundondera, canke ngo bagire ico bansiguza.

Gusubira mu Vyagezwe 29:18

Muri mwebge ntihaze hagire ūkūra umutima k’Uhoraho Imana yacu, ngw aje gusaba imana z’ayo mahanga, ar’ umugabo cank’ umugore cank’ inzu cank’ umuryango; kugira ngo muri mwebge hoye kuba umuzi uzana ibamba n’umururazi.