Amosi 5:3 - Bibliya Yera 1951 1967 (Burundi)

³ Kuk’ ukw ari k’Umwami Uhoraho agize, at’ Igisagara catabaramw’ igihumbi hazotabaruka ijana, n’icatabaramw’ ijana hazotabaruka icumi mu b’inzu ya Isirayeli.

Amosi 5:3 ပူးပေါင်းရင်းမြစ်များ

Zaburi 144:14

Ngw inka zacu zidibirize; Ngo hoye kugira abamena, cank’ abasohoka kurwana; Kandi mu mihōra yacu hoye kuvuga induru.

Yesaya 1:9

Iyaba Uhoraho Nyen’ ingabo atadushigarije amasigarira na makeya, tuba twarabaye nk’i Sodomu, tukamera nk’i Gomora.

Yesaya 10:22

Kuk’ ubgoko bganyu, yemwe Bisirayeli, naho bungana n’umusenyi wo ku kiyaga, amasigarira yo kuri bgo ni yo azogaruka gusa; kugeseza kwarashinzwe, kuzoza gusendanishije ukugororoka.

Yesaya 6:13

Kandi naho cosigarwamwo n’ikigiracumi co muri bo, na bo bazokwongera batikizwe: nk’ukw ibiti vy’umwela n’umweloni bisigarana igishitsi, bimaze gucibga, ni k’uruvyaro rwera ar’ igishitsi cabo.

EZEKIYELI 12:16

Ariko nzosiga bake muri bo mbakize inkota n’inzara n’ikīza, kugira ngo baze bāturire ibizira bākoze vyose mu mahanga aho bazoba bāraroye; kandi bazomenya yuko jewe nd’ Uhoraho.

Amosi 6:9

Naho mu nzu imwe hosigaramw’ abantu cumi, bazopfa.

Abaroma 9:27

Kandi Yesaya asemerera ivy’ Abisirayeli, at’ Igitigiri c’Abisirayeli n’iyo coba nk’umusenyi wo ku kiyaga, amasigarira ni yo azokira:

Gusubira mu Vyagezwe 28:62

Kandi muzosigara mur’ inkehwa, naho muzoba mwanganya ubginshi n’inyenyeri zo kw ijuru; kuko muzoba mutumviye Uhoraho Imana yanyu.

Gusubira mu Vyagezwe 28:63

Kandi nk’uk’ Uhoraho vyamuhimbara kubagirira neza no kubagwiza, ni ko bizomuhimbara kubahonnya no kubatikiza; muzorandurwa mu gihugu mugiye kwinjira ngo mucegukire.

Gusubira mu Vyagezwe 4:27

Kand’ Uhoraho azobasābagiriza mu mahanga, kandi muzosigara mur’ inkehwa mur’ ayo mahanga, iyo Uhoraho azoba yarabajanye.