Amosi 4:2 - Bibliya Yera 1951 1967 (Burundi)

² Umwami Uhoraho arahiye ukwera kwiwe, ati Rāba, imisi izobūbīra, bazobatwarisha ivyuma vy’ingobe, n’amasigarira yanyu bazoyatwarisha amagera aroba.

Amosi 4:2 ပူးပေါင်းရင်းမြစ်များ

Zaburi 89:35

Igihe kimwe narahiye ukwera kwanje; Sinzobesha Dawidi;

Zaburi 89:36

Uruvyaro rwiwe ruzoramba gushitsa ibihe bidashira, Ingoma yiwe izohoraho nk’ izuba imbere yanje.

Yesaya 37:29

None rero kubg’ ubushangashirwe wangiriye, n’uko numvise ivy’ agashamango kawe, nzogutūngīra umurinda wanje mu mazuru, n’umujiginya wanje mu kanwa, ngusubize mu nzira wazananye.

Yeremiya 16:16

Ehe nzotuma ku barovyi benshi, ni jewe Uhoraho mbivuze, bazobaroba; hanyuma nzotuma ku bahīgi benshi, na bo bazobahiga ku gisozi cose no ku karambi kose no mu vyobo vyo mu bitandara.

EZEKIYELI 29:4

Ehe ngira nshire igera mu mibangabanga yawe, ntume amafi yo mu nzūzi zawe amatana n’ibigaragamba vyawe; kandi nzokuroba ngukūre mu nzūzi zawe, n’amafi yose yo mu nzūzi zawe amatanye n’ibigaragamba vyawe.

EZEKIYELI 34:16

Nzorondera iyazimiye, ngarukane iyahuvye, nunge īvunitse, nsindagize īrwaye, izivyibushe n’izikomeye ndazibogeke; zose nzoziragira mu buryo buroranye.

EZEKIYELI 38:4

nzogukimiranya, nshire igera mu mibangabanga yawe, ngukwegane n’ingabo zawe zose, n’amafarasi n’abayagenderako, bose bambaye ivyuma vyo kwīkīngiriza, ar’ igitero kinini citwaje inkinzo nto‐nto na nini‐nini, bose bafashe inkota:

Amosi 6:8

ni k’Uhoraho Imana Nyen’ ingabo agize. Umwami Uhoraho arirahiye, ati Nanka urunuka ubgibone bg’aba Yakobo, nzinutswe n’ingoro zabo; ni co gituma nzogabura igisagara n’ibirimwo vyose.

Amosi 8:7

Uhoraho arahiye ubgiza bga Yakobo, ati N’ukuri nkazokwigera nibagira ivyo bākoze, haba na kimwe!