Amosi 2:2 - Bibliya Yera 1951 1967 (Burundi)

² Nuko nzokwanda umuriro i Mowabu, utongore ingoro z’i Keriyoti; kandi Mowabu hazopfa har’ amaruru n’urwamo n’inzamba zivuga.

Amosi 2:2 ပူးပေါင်းရင်းမြစ်များ

Yesaya 9:5

Kukw ivyākīngira abafise ibirwanishwa mu ntambara, n’impuzu zivumbagajwe mu maraso, bizoba ivyo gucanwa, bibe inkwi z’umuriro.

Yeremiya 48:24

no kuri Keriyoti, no kuri Bosira, no ku bisagara vyose vyo mu gihugu c’i Mowabu, ibiri kure n’ibiri hafi.

Yeremiya 48:34

Gutaka kw’i Heshiboni kwumvikana gushitsa n’i Eleyale; mber’ amajwi yabo ashika n’i Yahazi, kand’ ahēra i Sowari agashitsa n’i Horonayimu bo n’i Egilati‐shelishiya: kuko n’amazi y’i Nimurimu azocika iyondoyondo.

Yeremiya 48:41

I Keriyoti haratsinzwe, ibihome bineshejwe giturumbuka; kur’ uwo musi imitima y’abahizi b’i Mowabu izomera nk’umutima w’ umugore ari mu bise.

Yeremiya 48:45

Abāhunze basigaye ata nkomezi mu gitūtu c’i Heshiboni: arik’ umuriro uturutse i Heshiboni, urubeya ruturutse hagati y’i Sihoni, rutongoye impande z’i Mowabu, n’igitwariro c’abanyamuvurungano.

EZEKIYELI 25:8

Uku ni k’Umwami Uhoraho agize, at’ Abanyamowabu n’ab’i Seyiri ko bavuga, bat’ Ereg’ inzu ya Yuda ihwanye n’iz’ ayandi mahanga yose;

Amosi 1:14

Nuko nzokwanda umuriro uruzitiro rw’i Raba, utongore ingoro zaho, har’ akāyaga ku musi w’intambara, bo n’ikirura ku musi w’agashururu.

Amosi 1:4

nuko nzokwanda umuriro inzu ya Hazayeli, utongore ingoro za Beni‐hadadi.