Amosi 2:11 - Bibliya Yera 1951 1967 (Burundi)

¹¹ Kandi mu bana banyu natoyemw’ abo nzovugisha, no mu misore yanyu abo kuba Abanaziri. Mbega si ko vyābaye, ga yemwe Bisirayeli? ni k’Uhoraho abaza.

Amosi 2:11 ပူးပေါင်းရင်းမြစ်များ

1 Abami 17:1

Bukeye Eliya w’i Tishubi, umwe mu bāgerereye i Gileyadi, aragenda abarira Ahabu, ati Ndahiye uguhoraho kw’Uhoraho, Imana y’Abisirayeli, ari we nyene nsavye, yukw ata kime kizotonda cank’ imvura ngw ikoroke mur’ iyi myaka, atari jewe mbivuze.

1 Abami 18:4

ushime, aho Yezebeli yahonnya abavugishwa b’Uhoraho, Obadiya yahitanye abavugishwa ijana, arabanyegeza, mirongwitanu mw isenga rimwe, yindi mirongwitanu mu rindi, akabagaburira ivyo kurya n’amazi.

1 Abami 19:16

na Yehu mwene Nimushi na we uz’ umurobanuze amavuta, az’ abe umwami w’Abisirayeli; kandi na Elisa mwene Shafati w’i Abeli‐mehola uz’ umurobanuze amavuta, az’ abe ūvugishwa mu gishingo cawe.

1 Abami 20:13

Ako kanya umuntu avugishwa n’Imana arenguka imbere ya Ahabu umwami w’Abisirayeli, aramubarira, at’ Uku ni k’Uhoraho agize, ngo Mbega ntubona izo ngabo ukuntu ar’ isinzi? ng’ Uyu musi arazigabura mu maboko yawe, ngo Nawe uca umenya kw ar’ Uhoraho.

1 Abami 20:35

Hār’ umuntu wo mu bīga ivy’ ukuvugishwa abarira mugenzi we avugishijwe n’ijambo ry’Uhoraho, at’ Enda nkubita. Uwundi yanka kumukubita.

1 Abami 20:41

Ubgo nyene aca anyarutsa gukūra ico gitambara mu maso; umwami w’Abisirayeli aca abona kw ar’ uwo mu bavugishwa.

1 Abami 22:8

Umwami w’Abisirayeli yishura Yehoshafati, ati Haracasigaye umuntu umwe twoshobora kubaza, akadusiguriza Uhoraho; yitwa Mikaya mwene Imula; ariko ndamwanka, kukw ata ho avugishwa ivyiza kuri jewe, atar’ ivyago. Yehoshafati aramubarira, ati Sigaho mugenzi, nta co uvuga urtyo!

2 Abami 17:13

Yamar’ Uhoraho yama abūrira Abisirayeli n’Abayuda, abicishije mu bo yavugisha bose no muri ba kamenyi bose, ati Ni muhindukire, mureke ingeso zanyu mbi, mwitondere amabgirizwa yanje n’amateka yanje, nk’ ukw ivyagezwe vyose biri, ivyo nageze ba sogokuruza banyu, nkagenda ndabibabarira, ndabicishije mu basavyi banje navugisha.

2 Abami 6:1

Bukeye abiga ivy’ ukuvugishwa babarira Elisa, bat’ Ehe rāba, aho tuba haratwāgiye, nk’ uko nawe ubibona.

2 Ivyo ku Ngoma 36:15

Uhoraho, Imana ya ba sekuruza, akabatumakw intumwa ziwe, akāma azindurwa uko bukeye no kubatuma, kuko yatewe akagongwe n’abantu biwe bo n’ aho hantu yaba.

Yeremiya 11:21

None rero, uku ni k’Uhoraho agize ku vy’abagabo bo muri Anatoti barondera kukwica, bati Ntuz’ ugire ico uvuga mw izina ry’Uhoraho, twoye kuzokwica:

Yeremiya 2:31

Yemwe runganwe rw’iki gihe, ni murābe ijambo ryanje, jewe Uhoraho. Mbeg’ Abisirayeli nababereye ubugaragwa? Canke se nababereye igihugu c’umwiza w’umuzitanya? N’iki gituma abantu banje bavuga, bati Turidohoye: ntitukigomba kukugarukako?

Yeremiya 2:5

uku ni k’Uhoraho agize, ati N’ibigabitanyo ki ba sogokuruza banyu bānsanganye, ko bāngiye kure, bagakurikira ibitagira ikimazi, na bo ubgabo bagahinduka imburakimazi?

Yeremiya 26:11

Maz’ abaherezi na ba kamenyi babarira abaganwa n’abantu bose, bat’ Uyu muntu akwiye gupfa; kukw ataze ibibi kur’ iki gisagara, nk’uko mwiyumviye n’amatwi yanyu.

Yeremiya 7:25

Uhereye umusi ba sogokuruza banyu bāviriye mu gihugu ca Egiputa ugashitsa no kur’ uyu musi, nabatumyekw abasavyi banje bose, ari bo mvugisha, nama nzindurwa uko bukeye no kubatuma:

GUCURA INTIMBA 4:7

Abaganwa biwe bāhora bakayangana kurusha shelegi, bakarusha n’amata kwera, Imibiri yabo yabonerana kurusha utubuyenge twitwa marijani, bāri basēnnye nk’ utwitwa safiro.

Mika 2:6

Bavuga, ngo Ntimukavugishwe! Bati Ntihaze hagire abavugishwa ben’ ivyo! Yamar’ ibimāramāza ntibizovaho.

Ivyakozwe 4:18

Babahamagaje, barabihanikiriza ngo ntibazirukanye ngo bavuge canke bigishe mw izina rya Yesu.

Ivyakozwe 5:28

ati Mbega ntitwabīhanije cane kutigisha muri rya zina? None rāba mwujuje Yerusalemu inyigisho zanyu; ico murondera n’ukudushirakw amaraso ya wa muntu.

Ivyakozwe 7:51

Yemwe abatagonda izosi, mwa ntakebga mu mitima no mu matwi, na ntaryo murwanya Mpwemu Yera. Uko ba sogokuruza banyu bākora, ni ko namwe mukora.

Gusubira mu Vyagezwe 18:18

Ati Nzobahagurukiriza ūvugishwa nanje ava mu b’i wabo, ameze nkawe; ati Nzoshira amajambo yanje mu kanwa kiwe, na we azobabarira ivyo ndamugeze vyose.

1 Samweli 19:20

Nuko Sauli atuma abantu gufata Dawidi: bashitseyo, basanga abavugishwa n’Imana b’agakama bariko baravugishwa, na Samweli ahagaze ngaho nk’umukuru wabo; maze Mpwemu w’Imana aza kur’ izo ntumwa za Sauli, na zo zica ziravugishwa.

1 Samweli 3:20

Nukw Abisirayeli bose, uhereye i Dani ugashitsa i Beri‐sheba, bamenya ko Samweli yegukiye kuba ūvugishwa n’Uhoraho.