Abanyefeso 6:4 - Bibliya Yera 1951 1967 (Burundi)

⁴ Namwe ba se, ntimukaratse abana banyu, ariko mubarere, mubahana mubahanūra, uk’ Umwami wacu agomba.

Bibiliya mu Kirundi coroshe

⁴ Ba se, ntimuratse abana banyu; ahubwo mubarerere mu ngeso nziza zo kwubaha Umwami.

Abanyefeso 6:4 ပူးပေါင်းရင်းမြစ်များ

Itanguriro 18:19

Kukw ari we nahisemwo kugira ngw aze yihanikirize abana biwe n’ab’ inzu yiwe bazokwaruka hanyuma, ngo bakomeze inzira yanje, bakore ibiroranye n’ibigororotse; kugira ngo jewe Uhoraho nshitse kuri Aburahamu ivyo namuvuzeko.

1 Ivyo ku Ngoma 28:20

Maze Dawidi abarira Salomo umuhungu wiwe, ati Shikama, ushire amanga, ubikore. Ntutinye, nturanduke umutima, kuk’ Uhoraho Imana, ari yo Mana yanje, azoba ari kumwe nawe; ntazoguhemukira, ntazoguta, gushitsa ah’ ibikorwa vyose bizokorwa kur’ iyo ngoro y’Uhoraho bizorangirira.

1 Ivyo ku Ngoma 29:19

Kand’ umuhungu wanje Salomo umuhe kwitondera ivyagezwe vyawe n’ amabgirizwa yawe n’ivyo washinze, kugira ngw avyitondere n’ umutima wose, kand’ akore n’ivyo vyose, yubake n’iyo ngoro niteguye ivyayo.

Imigani 19:18

Hana umwana wawe igihe c’ ivyizigiro kitararengerana, Ariko ntutwarwe n’ishavu ng’ umwice.

Imigani 22:15

Ubupfu buba buhambiriwe ku mutima w’umwana, Arikw inkoni y’uguhana izobgirukanira kure yiwe.

Imigani 22:6

Toza umwana indero akwiye kwamana, Azorinda asāza atarayivamwo.

Imigani 29:15

Inkoni n’indero nziza bicisha ubgenge, Arik’ umwana bapfa kurekera aho atētereza nyina.

Imigani 29:17

Hana umwana wawe, azokuruhura, Mber’ azonezereza umutima wawe.

Yesaya 38:19

Umuntu muzima, umuntu muzima ni we azoguhimbaza, nk’uko ndiko ndaguhimbaza uyu musi. Umuvyeyi azomenyesha abana biwe ingen’ ur’ uwo kwizigirwa.

Abanyefeso 6:3

kugira ng’uronke amahoro, urambire kw isi.

Gusubira mu Vyagezwe 4:9

Ariko kimwe gusa, mwiyubare, mugire umwete wo kwirinda mu mitima, mwoye kwibagira ivyo amaso yanyu yiboneye, vyoye kuva mu mitima yanyu imisi yose muzoba mukiriho; ariko muze mubimenyeshe abana banyu n’abuzukuru banyu.

Gusubira mu Vyagezwe 6:7

muze mugire umwete wo kuyigisha abana banyu; muze muyahoze mu kanwa iyo mwicaye mu nzu, n’iyo muriko muragenda mu nzira, n’iyo muryamye, n’iyo muvyutse.

Kolosayi 3:21

Ba se, ntimukaratse abana banyu, ngo ntibaranduke imitima.

2 Timoteyo 1:5

kuko nibutse ukwizera kutar’ ukw’ uburyarya kuri muri wewe, kwabanje kuba muri nyogokuru Lowisi no muri nyoko Ewunike: kandi ndazi ntakekeranya yuko kuri muri wewe nawe.

2 Timoteyo 3:15

kand’ uzi yuk’ uhereye mu buto bgawe wamye uzi ivyanditswe vyera bishobora kukumenyesha ubgenge bgo kukuzanira agakiza gaheshwa no kwizera Kristo Yesu.

Yosuwa 24:15

Kandi namba mubona bibabangamiye gusaba Uhoraho, uyu musi ni mwitoranirize uwo muzosaba, namb’ ari za mana ba sogokuruza bāsaba hakurya ya rwa ruzi, cank’ imana z’Abamori ben’ iki gihugu murimwo; ariko jeho n’abo mu rugo rwanje tuzokwama tugendanira Uhoraho.

Abacamanza 13:12

Manowa aramubaza, at’ Ivyo wavuze ni vyashika, uwo mwana tuzomurera dute? Azokora iki?