Abalewi 9:24 - Bibliya Yera 1951 1967 (Burundi)

²⁴ Umuriro uvuye imbere y’Uhoraho uraheza uraza, utōngōrera ku gicaniro ca kimazi coshejwe bo na vya binure: abo bantu bose babibonye, basēsereza impundu, barūnama bashika hasi.

Abalewi 9:24 ပူးပေါင်းရင်းမြစ်များ

Itanguriro 15:17

Maz’ izuba rirenze, bumaze gukorana, haboneka ikibengebenge c’umuriro gipfūndūka umwotsi n’ urumuri rwaka, bica hagati y’ivyo bihimba.

Itanguriro 17:3

Aburamu arapfukama, arūnama, Imana iramubgira,

2 Abami 19:15

Nuko Hezekiya asengera imbere y’Uhoraho, at’ Ewe Uhoraho, Mana y’ Abisirayeli, uvyagiye ku bakerubi, ni wewe Mana wenyene y’ibihugu vy’abami bose bo mw isi, ni wewe waremye ijuru n’isi.

1 Ivyo ku Ngoma 21:26

Maze Dawidi ahubakira Uhoraho igicaniro, ahosereza ibimazi, atanga n’ ibimazi vy’ishimwe, yambaza Uhoraho; Uhoraho amwishurisha kurekura umuriro, utibukira kur’ ico gicaniro yosherejekw ibimazi.

2 Ivyo ku Ngoma 6:2

Ariko none ndakwubakiye ingoro yo kubamwo, ahantu uzokwibera ibihe vyose.

Ezira 3:11

Bakaririmba bahāniranwa, bahimbaza Uhoraho bamushima, bat’ Erega ni mwiza, kukw imbabazi agirira Abisirayeli zamah’ ibihe bidashira. Maz’ abantu bose bashira amajwi hejuru, barasemerera batazira Uhoraho, kukw itanguriro ry’ingoro y’Uhoraho rimaze gushirwaho.

Zaburi 80:1

Ewe Mwungere w’Abisirayeli, tega ugutwi, Ni wewe urōngōra aba Yosefu nk’umukuku; Ewe uvyagira ku Bakerubi, kayangana.

Kuvayo 3:2

Umumarayika w’Uhoraho amubonekerera mu rubeya rw’umuriro uva hagati mu gisaka c’amahwa: aritegereza, abona ico gisaka cakamw’ umuriro, ariko nticatemuka.

Abalewi 10:2

Haza umuriro uvuye imbere y’Uhoraho, urabīca, bagwa aho imbere yiwe.

Abalewi 6:13

Umuriro uze wame waka ku gicaniro udahengeshanya, ntuz’ uzime.

Guharūra 14:5

Maze Mose na Aroni bikubitira hasi imbere y’ishengero ryose ry’Abisirayeli ryari rihakoraniye.

Guharūra 16:22

Baca barapfukama barūnama, bati Mana, yewe Mana y’impwemu z’abari n’umubiri bose, umuntu umwe akoze icaha, mbega woca urakira ishengero ryose?

Guharūra 23:21

Nta bigabitanyo ibonye mu ba Yakobo, Nta bugoryi ibonye mu Bisirayeli: Uhoraho Imana yabo ari kumwe na bo, Muri bo hasēserezwa impundu z’Umwami.

Matayo 26:39

Yunguruza imbere gatoya, arubama, arasenga, ati Data, asangwa vyoshoboka, iki gikombe ni kindēngāne: ariko ntibibe uko jewe ngomba, yamara bibe uko wewe ugomba.

Ivyahishuwe 4:9

Kand’ iyo vya binyabugingo bihaye uguhimbazwa n’icubahiro n’ishimwe Ivyagiye kuri ya ntebe, ni yo Ibaho ibihe bitazoshira,

Ivyahishuwe 5:8

Amaze kwābīra ico gitabo, vya binyabugingo bine na ba bakuru mirongwibiri na bane baca bikubita imbere y’uwo Mwagazi, bafise inanga bose, n’inzavya z’izahabu zuzuye imibavu, ni yo gusenga kw’abera.

Ivyahishuwe 7:11

Abamarayika bose bari bahagaze bakikije ino ntebe, bakikije na ba bakuru na vya binyabugingo, bikubita hasi bubamye imbere y’intebe, basenga Imana,

Abacamanza 13:23

Arik’ umugore wiwe aramwishura, at’ Iyaba Uhoraho yagomba kutwica, ntaba yātwākīriye ikimazi cacu coshejwe bo n’ishikanwa ryacu ry’ifu, kandi ntaba yātweretse ivyo vyose, canke ngw atubarire amajambo ameze nk’ayo.

Abacamanza 6:21

Maz’ umumarayika w’Uhoraho atuma inkoni yari yitwaje, ayikoza kur’ izo nyama na ya mitsima itambiwe, umuriro uca waduka mur’ iryo buye, urabitōngōra; nuk’ uwo mumarayika w’Uhoraho aca akamangana: ni yo maso.